Veda Vyasa or Vyasa is a legendary sage in Hindu mythology. The literal meaning of Vyasa is “arranger” or “split” or “division”. Vyasa is believed to have arranged or divided the single eternal Veda into 4 parts – Rigveda, Samaveda, Yajurveda, and Atharvaveda. Hence, he is also called Veda Vyasa. Get Veda Vyasa Stuti in Telugu lyrics here and chant.
Veda Vyasa Stuti in Telugu – శ్రీ వేదవ్యాస స్తుతిః
వ్యాసం వసిష్ఠనప్తారం శక్తేః పౌత్రమకల్మషమ్ |
పరాశరాత్మజం వందే శుకతాతం తపోనిధిమ్ || ౧
వ్యాసాయ విష్ణురూపాయ వ్యాసరూపాయ విష్ణవే |
నమో వై బ్రహ్మనిధయే వాసిష్ఠాయ నమో నమః || ౨
కృష్ణద్వైపాయనం వ్యాసం సర్వలోకహితే రతమ్ |
వేదాబ్జభాస్కరం వందే శమాదినిలయం మునిమ్ || ౩
వేదవ్యాసం స్వాత్మరూపం సత్యసంధం పరాయణమ్ |
శాంతం జితేంద్రియక్రోధం సశిష్యం ప్రణమామ్యహమ్ || ౪
అచతుర్వదనో బ్రహ్మా ద్విబాహురపరో హరిః |
అఫాలలోచనః శంభుః భగవాన్ బాదరాయణః || ౫
శంకరం శంకరాచార్యం కేశవం బాదరాయణమ్ |
సూత్రభాష్యకృతౌ వందే భగవంతౌ పునః పునః || ౬
బ్రహ్మసూత్రకృతే తస్మై వేదవ్యాసాయ వేధసే |
జ్ఞానశక్త్యవతారాయ నమో భగవతో హరేః || ౭
వ్యాసః సమస్తధర్మాణాం వక్తా మునివరేడితః |
చిరంజీవీ దీర్ఘమాయుర్దదాతు జటిలో మమ || ౮
ప్రజ్ఞాబలేన తపసా చతుర్వేదవిభాజకః |
కృష్ణద్వైపాయనో యశ్చ తస్మై శ్రీగురవే నమః || ౯
జటాధరస్తపోనిష్ఠః శుద్ధయోగో జితేంద్రియః |
కృష్ణాజినధరః కృష్ణస్తస్మై శ్రీగురవే నమః || ౧౦
భారతస్య విధాతా చ ద్వితీయ ఇవ యో హరిః |
హరిభక్తిపరో యశ్చ తస్మై శ్రీగురవే నమః || ౧౧
జయతి పరాశరసూనుః సత్యవతీ హృదయనందనో వ్యాసః |
యస్యాస్య కమలగలితం భారతమమృతం జగత్పిబతి || ౧౨
వేదవిభాగవిధాత్రే విమలాయ బ్రహ్మణే నమో విశ్వదృశే |
సకలధృతిహేతుసాధనసూత్రసృజే సత్యవత్యభివ్యక్తి మతే || ౧౩
వేదాంతవాక్యకుసుమాని సమాని చారు
జగ్రంథ సూత్రనిచయేన మనోహరేణ |
మోక్షార్థిలోకహితకామనయా మునిర్యః
తం బాదరాయణమహం ప్రణమామి భక్త్యా || ౧౪
ఇతి శ్రీ వేదవ్యాస స్తుతిః |
