Rama Raksha Stotram is a powerful stotram in praise of Lord Rama. It is composed by Sage Budha Kaushika. It is believed that One who recites this mantra will be protected from all difficulties and fears. It is also believed that regular reciting of RamaRaksha Stotram will cure illness related to eyes. Get Sri Rama Raksha Stotram in Odia Lyrics Pdf here and chant it with devotion to clear your debts, and to remove all your hurdles in life.
Rama Raksha Stotram in Odia – ଶ୍ରୀ ରାମ ରକ୍ଷା ସ୍ତୋତ୍ରମ୍
ଓଂ ଅସ୍ୟ ଶ୍ରୀ ରାମରକ୍ଷା ସ୍ତୋତ୍ରମଂତ୍ରସ୍ୟ
ବୁଧକୌଶିକ ଋଷିଃ
ଶ୍ରୀ ସୀତାରାମ ଚଂଦ୍ରୋଦେଵତା
ଅନୁଷ୍ଟୁପ୍ ଛଂଦଃ
ସୀତା ଶକ୍ତିଃ
ଶ୍ରୀମଦ୍ ହନୁମାନ୍ କୀଲକମ୍
ଶ୍ରୀରାମଚଂଦ୍ର ପ୍ରୀତ୍ୟର୍ଥେ ରାମରକ୍ଷା ସ୍ତୋତ୍ରଜପେ ଵିନିୟୋଗଃ ॥
ଧ୍ୟାନମ୍
ଧ୍ୟାୟେଦାଜାନୁବାହୁଂ ଧୃତଶର ଧନୁଷଂ ବଦ୍ଧ ପଦ୍ମାସନସ୍ଥଂ
ପୀତଂ ଵାସୋଵସାନଂ ନଵକମଲ ଦଳସ୍ପର୍ଥି ନେତ୍ରଂ ପ୍ରସନ୍ନମ୍ ।
ଵାମାଂକାରୂଢ ସୀତାମୁଖ କମଲମିଲଲ୍ଲୋଚନଂ ନୀରଦାଭଂ
ନାନାଲଂକାର ଦୀପ୍ତଂ ଦଧତମୁରୁ ଜଟାମଂଡଲଂ ରାମଚଂଦ୍ରମ୍ ॥
ସ୍ତୋତ୍ରମ୍
ଚରିତଂ ରଘୁନାଥସ୍ୟ ଶତକୋଟି ପ୍ରଵିସ୍ତରମ୍ ।
ଏକୈକମକ୍ଷରଂ ପୁଂସାଂ ମହାପାତକ ନାଶନମ୍ ॥ 1 ॥
ଧ୍ୟାତ୍ଵା ନୀଲୋତ୍ପଲ ଶ୍ୟାମଂ ରାମଂ ରାଜୀଵଲୋଚନମ୍ ।
ଜାନକୀ ଲକ୍ଷ୍ମଣୋପେତଂ ଜଟାମୁକୁଟ ମଂଡିତମ୍ ॥ 2 ॥
ସାସିତୂଣ ଧନୁର୍ବାଣ ପାଣିଂ ନକ୍ତଂ ଚରାଂତକମ୍ ।
ସ୍ଵଲୀଲୟା ଜଗତ୍ତ୍ରାତୁ ମାଵିର୍ଭୂତମଜଂ ଵିଭୁମ୍ ॥ 3 ॥
ରାମରକ୍ଷାଂ ପଠେତ୍ପ୍ରାଜ୍ଞଃ ପାପଘ୍ନୀଂ ସର୍ଵକାମଦାମ୍ ।
ଶିରୋ ମେ ରାଘଵଃ ପାତୁ ଫାଲଂ (ଭାଲଂ) ଦଶରଥାତ୍ମଜଃ ॥ 4 ॥
କୌସଲ୍ୟେୟୋ ଦୃଶୌପାତୁ ଵିଶ୍ଵାମିତ୍ରପ୍ରିୟଃ ଶୃତୀ ।
ଘ୍ରାଣଂ ପାତୁ ମଖତ୍ରାତା ମୁଖଂ ସୌମିତ୍ରିଵତ୍ସଲଃ ॥ 5 ॥
ଜିହ୍ଵାଂ ଵିଦ୍ୟାନିଧିଃ ପାତୁ କଂଠଂ ଭରତଵଂଦିତଃ ।
ସ୍କଂଧୌ ଦିଵ୍ୟାୟୁଧଃ ପାତୁ ଭୁଜୌ ଭଗ୍ନେଶକାର୍ମୁକଃ ॥ 6 ॥
କରୌ ସୀତାପତିଃ ପାତୁ ହୃଦୟଂ ଜାମଦଗ୍ନ୍ୟଜିତ୍ ।
ମଧ୍ୟଂ ପାତୁ ଖରଧ୍ଵଂସୀ ନାଭିଂ ଜାଂବଵଦାଶ୍ରୟଃ ॥ 7 ॥
ସୁଗ୍ରୀଵେଶଃ କଟିଂ ପାତୁ ସକ୍ଥିନୀ ହନୁମତ୍-ପ୍ରଭୁଃ ।
ଊରୂ ରଘୂତ୍ତମଃ ପାତୁ ରକ୍ଷଃକୁଲ ଵିନାଶକୃତ୍ ॥ 8 ॥
ଜାନୁନୀ ସେତୁକୃତ୍-ପାତୁ ଜଂଘେ ଦଶମୁଖାଂତକଃ ।
ପାଦୌ ଵିଭୀଷଣଶ୍ରୀଦଃ ପାତୁ ରାମୋଽଖିଲଂ ଵପୁଃ ॥ 9 ॥
ଏତାଂ ରାମବଲୋପେତାଂ ରକ୍ଷାଂ ୟଃ ସୁକୃତୀ ପଠେତ୍ ।
ସ ଚିରାୟୁଃ ସୁଖୀ ପୁତ୍ରୀ ଵିଜୟୀ ଵିନୟୀ ଭଵେତ୍ ॥ 10 ॥
ପାତାଳ-ଭୂତଲ-ଵ୍ୟୋମ-ଚାରିଣ-ଶ୍ଚଦ୍ମ-ଚାରିଣଃ ।
ନ ଦ୍ରଷ୍ଟୁମପି ଶକ୍ତାସ୍ତେ ରକ୍ଷିତଂ ରାମନାମଭିଃ ॥ 11 ॥
ରାମେତି ରାମଭଦ୍ରେତି ରାମଚଂଦ୍ରେତି ଵା ସ୍ମରନ୍ ।
ନରୋ ନ ଲିପ୍ୟତେ ପାପୈର୍ଭୁକ୍ତିଂ ମୁକ୍ତିଂ ଚ ଵିଂଦତି ॥ 12 ॥
ଜଗଜ୍ଜୈତ୍ରୈକ ମଂତ୍ରେଣ ରାମନାମ୍ନାଭି ରକ୍ଷିତମ୍ ।
ୟଃ କଂଠେ ଧାରୟେତ୍ତସ୍ୟ କରସ୍ଥାଃ ସର୍ଵସିଦ୍ଧୟଃ ॥ 13 ॥
ଵଜ୍ରପଂଜର ନାମେଦଂ ୟୋ ରାମକଵଚଂ ସ୍ମରେତ୍ ।
ଅଵ୍ୟାହତାଜ୍ଞଃ ସର୍ଵତ୍ର ଲଭତେ ଜୟମଂଗଳମ୍ ॥ 14 ॥
ଆଦିଷ୍ଟଵାନ୍-ୟଥା ସ୍ଵପ୍ନେ ରାମରକ୍ଷାମିମାଂ ହରଃ ।
ତଥା ଲିଖିତଵାନ୍-ପ୍ରାତଃ ପ୍ରବୁଦ୍ଧୌ ବୁଧକୌଶିକଃ ॥ 15 ॥
ଆରାମଃ କଲ୍ପଵୃକ୍ଷାଣାଂ ଵିରାମଃ ସକଲାପଦାମ୍ ।
ଅଭିରାମ-ସ୍ତ୍ରିଲୋକାନାଂ ରାମଃ ଶ୍ରୀମାନ୍ ସ ନଃ ପ୍ରଭୁଃ ॥ 16 ॥
ତରୁଣୌ ରୂପସଂପନ୍ନୌ ସୁକୁମାରୌ ମହାବଲୌ ।
ପୁଂଡରୀକ ଵିଶାଲାକ୍ଷୌ ଚୀରକୃଷ୍ଣାଜିନାଂବରୌ ॥ 17 ॥
ଫଲମୂଲାଶିନୌ ଦାଂତୌ ତାପସୌ ବ୍ରହ୍ମଚାରିଣୌ ।
ପୁତ୍ରୌ ଦଶରଥସ୍ୟୈତୌ ଭ୍ରାତରୌ ରାମଲକ୍ଷ୍ମଣୌ ॥ 18 ॥
ଶରଣ୍ୟୌ ସର୍ଵସତ୍ତ୍ଵାନାଂ ଶ୍ରେଷ୍ଠୌ ସର୍ଵଧନୁଷ୍ମତାମ୍ ।
ରକ୍ଷଃକୁଲ ନିହଂତାରୌ ତ୍ରାୟେତାଂ ନୋ ରଘୂତ୍ତମୌ ॥ 19 ॥
ଆତ୍ତ ସଜ୍ୟ ଧନୁଷା ଵିଷୁସ୍ପୃଶା ଵକ୍ଷୟାଶୁଗ ନିଷଂଗ ସଂଗିନୌ ।
ରକ୍ଷଣାୟ ମମ ରାମଲକ୍ଷଣାଵଗ୍ରତଃ ପଥି ସଦୈଵ ଗଚ୍ଛତାମ୍ ॥ 20 ॥
ସନ୍ନଦ୍ଧଃ କଵଚୀ ଖଡ୍ଗୀ ଚାପବାଣଧରୋ ୟୁଵା ।
ଗଚ୍ଛନ୍ ମନୋରଥାନ୍ନଶ୍ଚ (ମନୋରଥୋଽସ୍ମାକଂ) ରାମଃ ପାତୁ ସ ଲକ୍ଷ୍ମଣଃ ॥ 21 ॥
ରାମୋ ଦାଶରଥି ଶ୍ଶୂରୋ ଲକ୍ଷ୍ମଣାନୁଚରୋ ବଲୀ ।
କାକୁତ୍ସଃ ପୁରୁଷଃ ପୂର୍ଣଃ କୌସଲ୍ୟେୟୋ ରଘୂତ୍ତମଃ ॥ 22 ॥
ଵେଦାଂତଵେଦ୍ୟୋ ୟଜ୍ଞେଶଃ ପୁରାଣ ପୁରୁଷୋତ୍ତମଃ ।
ଜାନକୀଵଲ୍ଲଭଃ ଶ୍ରୀମାନପ୍ରମେୟ ପରାକ୍ରମଃ ॥ 23 ॥
ଇତ୍ୟେତାନି ଜପେନ୍ନିତ୍ୟଂ ମଦ୍ଭକ୍ତଃ ଶ୍ରଦ୍ଧୟାନ୍ଵିତଃ ।
ଅଶ୍ଵମେଧାଧିକଂ ପୁଣ୍ୟଂ ସଂପ୍ରାପ୍ନୋତି ନ ସଂଶୟଃ ॥ 24 ॥
ରାମଂ ଦୂର୍ଵାଦଳ ଶ୍ୟାମଂ ପଦ୍ମାକ୍ଷଂ ପୀତଵାସସମ୍ ।
ସ୍ତୁଵଂତି ନାମଭି-ର୍ଦିଵ୍ୟୈର୍ନ ତେ ସଂସାରିଣୋ ନରାଃ ॥ 25 ॥
ରାମଂ ଲକ୍ଷ୍ମଣ ପୂର୍ଵଜଂ ରଘୁଵରଂ ସୀତାପତିଂ ସୁଂଦରମ୍
କାକୁତ୍ସ୍ଥଂ କରୁଣାର୍ଣଵଂ ଗୁଣନିଧିଂ ଵିପ୍ରପ୍ରିୟଂ ଧାର୍ମିକମ୍ ।
ରାଜେଂଦ୍ରଂ ସତ୍ୟସଂଧଂ ଦଶରଥତନୟଂ ଶ୍ୟାମଲଂ ଶାଂତମୂର୍ତିମ୍
ଵଂଦେ ଲୋକାଭିରାମଂ ରଘୁକୁଲ ତିଲକଂ ରାଘଵଂ ରାଵଣାରିମ୍ ॥ 26 ॥
ରାମାୟ ରାମଭଦ୍ରାୟ ରାମଚଂଦ୍ରାୟ ଵେଧସେ ।
ରଘୁନାଥାୟ ନାଥାୟ ସୀତାୟାଃ ପତୟେ ନମଃ ॥ 27 ॥
ଶ୍ରୀରାମ ରାମ ରଘୁନଂଦନ ରାମ ରାମ
ଶ୍ରୀରାମ ରାମ ଭରତାଗ୍ରଜ ରାମ ରାମ ।
ଶ୍ରୀରାମ ରାମ ରଣକର୍କଶ ରାମ ରାମ
ଶ୍ରୀରାମ ରାମ ଶରଣଂ ଭଵ ରାମ ରାମ ॥ 28 ॥
ଶ୍ରୀରାମ ଚଂଦ୍ର ଚରଣୌ ମନସା ସ୍ମରାମି
ଶ୍ରୀରାମ ଚଂଦ୍ର ଚରଣୌ ଵଚସା ଗୃହ୍ଣାମି ।
ଶ୍ରୀରାମ ଚଂଦ୍ର ଚରଣୌ ଶିରସା ନମାମି
ଶ୍ରୀରାମ ଚଂଦ୍ର ଚରଣୌ ଶରଣଂ ପ୍ରପଦ୍ୟେ ॥ 29 ॥
ମାତା ରାମୋ ମତ୍-ପିତା ରାମଚଂଦ୍ରଃ
ସ୍ଵାମୀ ରାମୋ ମତ୍-ସଖା ରାମଚଂଦ୍ରଃ ।
ସର୍ଵସ୍ଵଂ ମେ ରାମଚଂଦ୍ରୋ ଦୟାଳୁଃ
ନାନ୍ୟଂ ଜାନେ ନୈଵ ଜାନେ ନ ଜାନେ ॥ 30 ॥
ଦକ୍ଷିଣେ ଲକ୍ଷ୍ମଣୋ ୟସ୍ୟ ଵାମେ ଚ (ତୁ) ଜନକାତ୍ମଜା ।
ପୁରତୋ ମାରୁତିର୍ୟସ୍ୟ ତଂ ଵଂଦେ ରଘୁନଂଦନମ୍ ॥ 31 ॥
ଲୋକାଭିରାମଂ ରଣରଂଗଧୀରଂ
ରାଜୀଵନେତ୍ରଂ ରଘୁଵଂଶନାଥମ୍ ।
କାରୁଣ୍ୟରୂପଂ କରୁଣାକରଂ ତଂ
ଶ୍ରୀରାମଚଂଦ୍ରଂ ଶରଣଂ ପ୍ରପଦ୍ୟେ ॥ 32 ॥
ମନୋଜଵଂ ମାରୁତ ତୁଲ୍ୟ ଵେଗଂ
ଜିତେଂଦ୍ରିୟଂ ବୁଦ୍ଧିମତାଂ ଵରିଷ୍ଟମ୍ ।
ଵାତାତ୍ମଜଂ ଵାନରୟୂଥ ମୁଖ୍ୟଂ
ଶ୍ରୀରାମଦୂତଂ ଶରଣଂ ପ୍ରପଦ୍ୟେ ॥ 33 ॥
କୂଜଂତଂ ରାମରାମେତି ମଧୁରଂ ମଧୁରାକ୍ଷରମ୍ ।
ଆରୁହ୍ୟକଵିତା ଶାଖାଂ ଵଂଦେ ଵାଲ୍ମୀକି କୋକିଲମ୍ ॥ 34 ॥
ଆପଦାମପହର୍ତାରଂ ଦାତାରଂ ସର୍ଵସଂପଦାମ୍ ।
ଲୋକାଭିରାମଂ ଶ୍ରୀରାମଂ ଭୂୟୋଭୂୟୋ ନମାମ୍ୟହମ୍ ॥ 35 ॥
ଭର୍ଜନଂ ଭଵବୀଜାନାମର୍ଜନଂ ସୁଖସଂପଦାମ୍ ।
ତର୍ଜନଂ ୟମଦୂତାନାଂ ରାମ ରାମେତି ଗର୍ଜନମ୍ ॥ 36 ॥
ରାମୋ ରାଜମଣିଃ ସଦା ଵିଜୟତେ ରାମଂ ରମେଶଂ ଭଜେ
ରାମେଣାଭିହତା ନିଶାଚରଚମୂ ରାମାୟ ତସ୍ମୈ ନମଃ ।
ରାମାନ୍ନାସ୍ତି ପରାୟଣଂ ପରତରଂ ରାମସ୍ୟ ଦାସୋସ୍ମ୍ୟହଂ
ରାମେ ଚିତ୍ତଲୟଃ ସଦା ଭଵତୁ ମେ ଭୋ ରାମ ମାମୁଦ୍ଧର ॥ 37 ॥
ଶ୍ରୀରାମ ରାମ ରାମେତି ରମେ ରାମେ ମନୋରମେ ।
ସହସ୍ରନାମ ତତ୍ତୁଲ୍ୟଂ ରାମ ନାମ ଵରାନନେ ॥ 38 ॥
ଇତି ଶ୍ରୀବୁଧକୌଶିକମୁନି ଵିରଚିତଂ ଶ୍ରୀରାମ ରକ୍ଷାସ୍ତୋତ୍ରଂ ସଂପୂର୍ଣମ୍ ।
ଶ୍ରୀରାମ ଜୟରାମ ଜୟଜୟରାମ ।
Click to join Bhaktinidhi on Whatsapp 
