Nataraja Stotram was composed by Rishi Patanjali. It is also called Charana Sringa Rahita Stotram or Sambhu Natanam or Natesashtakam. The unique feature of this stotra is that there is no use of Charana (Deergham) or Sringa (Kommu) anywhere in the eight stanzas of the Stotra. Get Sri Nataraja Stotram in Kannada Pdf Lyrics here and chant it with devotion for the grace of Lord Shiva.
ನಟರಾಜ ಸ್ತೋತ್ರವನ್ನು ಪತಂಜಲಿ ಋಷಿ ಬರೆದಿದ್ದಾರೆ. ಇದನ್ನು ಚರಣ ಶೃಂಗ ಸ್ತೋತ್ರಂ ಅಥವಾ ಶಂಭು ನಟನಂ ಅಥವಾ ನಟಶಾಸ್ತಕಂ ಎಂದೂ ಕರೆಯುತ್ತಾರೆ. ಈ ಸ್ತೋತ್ರದ ವಿಶಿಷ್ಟತೆಯೆಂದರೆ ಸ್ತೋತ್ರದ ಎಂಟು ಪದ್ಯಗಳಲ್ಲಿ ಯಾವುದೂ ಒಂದು ಚರಣ ಅಥವಾ ಅಕ್ಷರವನ್ನು ಬಳಸುವುದಿಲ್ಲ. ಇಲ್ಲಿ ಚರಣವು ಉದ್ದವನ್ನು ಸೂಚಿಸುತ್ತದೆ. ಕೊಂಬು ಎಂದರೆ ಕೊಂಬು. ಸಾಮಾನ್ಯವಾಗಿ ಬಳಸುವ ವ್ಯಾಕರಣದ ಎರಡು ಲಕ್ಷಣಗಳಾದ ಉದ್ದವಾದ, ಕೊಂಬಿನ ಲಕ್ಷಣಗಳನ್ನು ಬಳಸದೆಯೇ ಪತಂಜಲಿ ಮುನಿ ಈ ಅದ್ಭುತ ಸ್ತೋತ್ರವನ್ನು ರಚಿಸಿದ್ದಾರೆ.
Nataraja Stotram in Kannada – ಶ್ರೀ ನಟರಾಜ ಸ್ತೋತ್ರಂ
ಸದಂಚಿತ ಮುದಂಚಿತ ನಿಕುಂಚಿತಪದಂ ಝಲಝಲಂ ಚಲಿತಮಂಜುಕಟಕಂ
ಪತಂಜಲಿ ದೃಗಂಜನಮನಂಜನಮಚಂಚಲಪದಂ ಜನನಭಂಜನಕರಮ್ |
ಕದಂಬರುಚಿಮಂಬರವಸಂ ಪರಮಮಂಬುದಕದಂಬಕ ವಿಡಂಬಕ ಗಳಂ
ಚಿದಂಬುಧಿಮಣಿಂ ಬುಧಹೃದಂಬುಜರವಿಂ ಪರಚಿದಂಬರನಟಂ ಹೃದಿ ಭಜ || ೧ ||
ಹರಂ ತ್ರಿಪುರಭಂಜನಮನಂತಕೃತಕಂಕಣಮಖಂಡದಯಮಂತರಹಿತಂ
ವಿರಿಂಚಿಸುರಸಂಹತಿಪುರಂಧರ ವಿಚಿಂತಿತಪದಂ ತರುಣಚಂದ್ರಮಕುಟಮ್ |
ಪರಂ ಪದ ವಿಖಂಡಿತಯಮಂ ಭಸಿತಮಂಡಿತತನುಂ ಮದನವಂಚನಪರಂ
ಚಿರಂತನಮಮುಂ ಪ್ರಣವಸಂಚಿತನಿಧಿಂ ಪರಚಿದಂಬರನಟಂ ಹೃದಿ ಭಜ || ೨ ||
ಅವಂತಮಖಿಲಂ ಜಗದಭಂಗ ಗುಣತುಂಗಮಮತಂ ಧೃತವಿಧುಂ ಸುರಸರಿ-
-ತ್ತರಂಗ ನಿಕುರುಂಬ ಧೃತಿ ಲಂಪಟ ಜಟಂ ಶಮನದಂಭಸುಹರಂ ಭವಹರಮ್ |
ಶಿವಂ ದಶದಿಗಂತರವಿಜೃಂಭಿತಕರಂ ಕರಲಸನ್ಮೃಗಶಿಶುಂ ಪಶುಪತಿಂ
ಹರಂ ಶಶಿಧನಂಜಯಪತಂಗನಯನಂ ಪರಚಿದಂಬರನಟಂ ಹೃದಿ ಭಜ || ೩ ||
ಅನಂತನವರತ್ನವಿಲಸತ್ಕಟಕಕಿಂಕಿಣಿ ಝಲಂ ಝಲಝಲಂ ಝಲರವಂ
ಮುಕುಂದವಿಧಿಹಸ್ತಗತಮದ್ದಲ ಲಯಧ್ವನಿ ಧಿಮಿದ್ಧಿಮಿತ ನರ್ತನಪದಮ್ |
ಶಕುಂತರಥ ಬರ್ಹಿರಥ ನಂದಿಮುಖ ದಂತಿಮುಖ ಭೃಂಗಿರಿಟಿಸಂಘನಿಕಟಂ ಭಯಹರಮ್
ಸನಂದಸನಕಪ್ರಮುಖವಂದಿತಪದಂ ಪರಚಿದಂಬರನಟಂ ಹೃದಿ ಭಜ || ೪ ||
ಅನಂತಮಹಸಂ ತ್ರಿದಶವಂದ್ಯಚರಣಂ ಮುನಿಹೃದಂತರ ವಸಂತಮಮಲಂ
ಕಬಂಧ ವಿಯದಿಂದ್ವವನಿ ಗಂಧವಹ ವಹ್ನಿ ಮಖಬಂಧು ರವಿ ಮಂಜುವಪುಷಮ್ |
ಅನಂತವಿಭವಂ ತ್ರಿಜಗದಂತರಮಣಿಂ ತ್ರಿನಯನಂ ತ್ರಿಪುರಖಂಡನಪರಂ
ಸನಂದಮುನಿವಂದಿತಪದಂ ಸಕರುಣಂ ಪರಚಿದಂಬರನಟಂ ಹೃದಿ ಭಜ || ೫ ||
ಅಚಿಂತ್ಯಮಳಿಬೃಂದರುಚಿಬಂಧುರಗಳಂ ಕುರಿತ ಕುಂದ ನಿಕುರುಂಬ ಧವಳಂ
ಮುಕುಂದ ಸುರಬೃಂದ ಬಲಹಂತೃ ಕೃತವಂದನ ಲಸಂತಮಹಿಕುಂಡಲಧರಮ್ |
ಅಕಂಪಮನುಕಂಪಿತರತಿಂ ಸುಜನಮಂಗಳನಿಧಿಂ ಗಜಹರಂ ಪಶುಪತಿಂ
ಧನಂಜಯನುತಂ ಪ್ರಣತರಂಜನಪರಂ ಪರಚಿದಂಬರನಟಂ ಹೃದಿ ಭಜ || ೬ ||
ಪರಂ ಸುರವರಂ ಪುರಹರಂ ಪಶುಪತಿಂ ಜನಿತ ದಂತಿಮುಖ ಷಣ್ಮುಖಮಮುಂ
ಮೃಡಂ ಕನಕಪಿಂಗಳಜಟಂ ಸನಕಪಂಕಜರವಿಂ ಸುಮನಸಂ ಹಿಮರುಚಿಮ್ |
ಅಸಂಘಮನಸಂ ಜಲಧಿ ಜನ್ಮಗರಳಂ ಕಬಳಯಂತಮತುಲಂ ಗುಣನಿಧಿಂ
ಸನಂದವರದಂ ಶಮಿತಮಿಂದುವದನಂ ಪರಚಿದಂಬರನಟಂ ಹೃದಿ ಭಜ || ೭ ||
ಅಜಂ ಕ್ಷಿತಿರಥಂ ಭುಜಗಪುಂಗವಗುಣಂ ಕನಕಶೃಂಗಿಧನುಷಂ ಕರಲಸ-
-ತ್ಕುರಂಗ ಪೃಥುಟಂಕಪರಶುಂ ರುಚಿರ ಕುಂಕುಮರುಚಿಂ ಡಮರುಕಂ ಚ ದಧತಮ್ |
ಮುಕುಂದ ವಿಶಿಖಂ ನಮದವಂಧ್ಯಫಲದಂ ನಿಗಮಬೃಂದತುರಗಂ ನಿರುಪಮಂ
ಸಚಂಡಿಕಮಮುಂ ಝಟಿತಿಸಂಹೃತಪುರಂ ಪರಚಿದಂಬರನಟಂ ಹೃದಿ ಭಜ || ೮ ||
ಅನಂಗಪರಿಪಂಥಿನಮಜಂ ಕ್ಷಿತಿಧುರಂಧರಮಲಂ ಕರುಣಯಂತಮಖಿಲಂ
ಜ್ವಲಂತಮನಲಂದಧತಮಂತಕರಿಪುಂ ಸತತಮಿಂದ್ರಸುರವಂದಿತಪದಮ್ |
ಉದಂಚದರವಿಂದಕುಲಬಂಧುಶತಬಿಂಬರುಚಿ ಸಂಹತಿ ಸುಗಂಧಿ ವಪುಷಂ
ಪತಂಜಲಿನುತಂ ಪ್ರಣವಪಂಜರಶುಕಂ ಪರಚಿದಂಬರನಟಂ ಹೃದಿ ಭಜ || ೯ ||
ಇತಿ ಸ್ತವಮಮುಂ ಭುಜಗಪುಂಗವ ಕೃತಂ ಪ್ರತಿದಿನಂ ಪಠತಿ ಯಃ ಕೃತಮುಖಃ
ಸದಃ ಪ್ರಭುಪದದ್ವಿತಯದರ್ಶನಪದಂ ಸುಲಲಿತಂ ಚರಣಶೃಂಗರಹಿತಮ್ |
ಸರಃ ಪ್ರಭವ ಸಂಭವ ಹರಿತ್ಪತಿ ಹರಿಪ್ರಮುಖ ದಿವ್ಯನುತ ಶಂಕರಪದಂ
ಸ ಗಚ್ಛತಿ ಪರಂ ನ ತು ಜನುರ್ಜಲನಿಧಿಂ ಪರಮದುಃಖಜನಕಂ ದುರಿತದಮ್ || ೧೦ ||
ಇತಿ ಶ್ರೀಪತಂಜಲಿಮುನಿ ಪ್ರಣೀತಂ ಚರಣಶೃಂಗರಹಿತ ನಟರಾಜ ಸ್ತೋತ್ರಂ ||
Click to join Bhaktinidhi on Whatsapp 
