Skip to content

Ishavasya Upanishad in Kannada – ಈಶಾವಾಸ್ಯೋಪನಿಷತ್

Ishavasya Upanishad Lyrics or Isha UpanishadPin

Ishavasya Upanishad or Isha Upanishad is regarded as the first among the 108 Upanishads. The word “Isa” means Lord of the Universe, so, Isha Upanishad is an Upanishad of Isa or Ishvara, the Lord of Creation. Get Ishavasya Upanishad in Kannada Pdf Lyrics here and chant it to lead a spiritual and divine centered life.

Ishavasya Upanishad in Kannada – ಈಶಾವಾಸ್ಯೋಪನಿಷತ್ 

ಓಂ ಪೂರ್ಣ॒ಮದ॒: ಪೂರ್ಣ॒ಮಿದಂ॒ ಪೂರ್ಣಾ॒ತ್ಪೂರ್ಣ॒ಮುದ॒ಚ್ಯತೇ ।
ಪೂರ್ಣ॒ಸ್ಯ ಪೂರ್ಣ॒ಮಾದಾ॒ಯ ಪೂರ್ಣ॒ಮೇವಾವಶಿ॒ಷ್ಯತೇ ॥
ಓಂ ಶಾ॒ನ್ತಿಃ ಶಾ॒ನ್ತಿಃ ಶಾ॒ನ್ತಿಃ ॥

ಓಂ ಈ॒ಶಾ ವಾ॒ಸ್ಯ॑ಮಿ॒ದಗ್ಂ ಸರ್ವಂ॒ ಯತ್ಕಿಂ ಚ॒ ಜಗ॑ತ್ಯಾಂ॒ ಜಗ॑ತ್ ।
ತೇನ॑ ತ್ಯ॒ಕ್ತೇನ॑ ಭುಞ್ಜೀಥಾ॒ ಮಾ ಗೃ॑ಧ॒: ಕಸ್ಯ॑ ಸ್ವಿ॒ದ್ಧನಮ್᳚ ॥ ೧ ॥

ಕು॒ರ್ವನ್ನೇ॒ವೇಹ ಕರ್ಮಾ᳚ಣಿ ಜಿಜೀವಿ॒ಷೇಚ್ಛ॒ತಗ್ಂ ಸಮಾ᳚: ।
ಏ॒ವಂ ತ್ವಯಿ॒ ನಾನ್ಯಥೇ॒ತೋ᳚ಽಸ್ತಿ ನ ಕರ್ಮ॑ ಲಿಪ್ಯತೇ॒ ನರೇ᳚ ॥ ೨ ॥

ಅ॒ಸು॒ರ್ಯಾ॒ ನಾಮ॒ ತೇ ಲೋ॒ಕಾ ಅ॒ನ್ಧೇನ॒ ತಮ॒ಸಾವೃ॑ತಾಃ ।
ತಾಗ್ಂಸ್ತೇ ಪ್ರೇತ್ಯಾ॒ಭಿಗ॑ಚ್ಛನ್ತಿ॒ ಯೇ ಕೇ ಚಾ᳚ತ್ಮ॒ಹನೋ॒ ಜನಾ᳚: ॥ ೩ ॥

ಅನೇ᳚ಜ॒ದೇಕಂ॒ ಮನ॑ಸೋ॒ ಜವೀ᳚ಯೋ॒ ನೈನ॑ದ್ದೇ॒ವಾ ಆ᳚ಪ್ನುವ॒ನ್ಪೂರ್ವ॒ಮರ್ಷ॑ತ್ ।
ತದ್ಧಾವ॑ತೋ॒ಽನ್ಯಾನತ್ಯೇ᳚ತಿ॒ ತಿಷ್ಠ॒ತ್ತಸ್ಮಿನ್᳚ನಪೋ ಮಾ᳚ತ॒ರಿಶ್ವಾ᳚ ದಧಾತಿ ॥ ೪ ॥

ತದೇ᳚ಜತಿ॒ ತನ್ನೈಜ॑ತಿ॒ ತದ್ದೂ॒ರೇ ತದ್ವನ್᳚ತಿ॒ಕೇ ।
ತದ॒ನ್ತರ॑ಸ್ಯ॒ ಸರ್ವ॑ಸ್ಯ॒ ತದು॒ ಸರ್ವ॑ಸ್ಯಾಸ್ಯ ಬಾಹ್ಯ॒ತಃ ॥ ೫ ॥

ಯಸ್ತು ಸರ್ವಾ᳚ಣಿ ಭೂ॒ತಾನ್ಯಾ॒ತ್ಮನ್ಯೇ॒ವಾನು॒ಪಶ್ಯ॑ತಿ ।
ಸ॒ರ್ವ॒ಭೂ॒ತೇಷು॑ ಚಾ॒ತ್ಮಾನಂ॒ ತತೋ॒ ನ ವಿ ಜು॑ಗುಪ್ಸತೇ ॥ ೬ ॥

ಯಸ್ಮಿ॒ನ್ಸರ್ವಾ᳚ಣಿ ಭೂ॒ತಾನ್ಯಾ॒ತ್ಮೈವಾಭೂ᳚ದ್ವಿಜಾನ॒ತಃ ।
ತತ್ರ॒ ಕೋ ಮೋಹ॒: ಕಃ ಶೋಕ॑ ಏಕ॒ತ್ವಮ॑ನು॒ಪಶ್ಯ॑ತಃ ॥ ೭ ॥

ಸ ಪರ್ಯ॑ಗಾಚ್ಛು॒ಕ್ರಮ॑ಕಾ॒ಯಮವ್᳚ರ॒ಣಮ॑ಸ್ನಾವಿ॒ರಗ್ಂ ಶು॒ದ್ಧಮಪಾ᳚ಪವಿದ್ಧಮ್ ।
ಕ॒ವಿರ್ಮ॑ನೀ॒ಷೀ ಪ॑ರಿ॒ಭೂಃ ಸ್ವ॑ಯಂ॒ಭೂರ್ಯಾ᳚ಥಾತಥ್ಯ॒ತೋಽರ್ಥಾ॒ನ್ ವ್ಯ॑ದಧಾಚ್ಛಾಶ್ವ॒ತೀಭ್ಯ॒: ಸಮಾ᳚ಭ್ಯಃ ॥ ೮ ॥

ಅ॒ನ್ಧಂ ತಮ॒: ಪ್ರ ವಿ॑ಶನ್ತಿ॒ ಯೇಽವಿ॑ದ್ಯಾಮು॒ಪಾಸ॑ತೇ ।
ತತೋ॒ ಭೂಯ॑ ಇವ॒ ತೇ ತಮೋ॒ ಯ ಉ॑ ವಿ॒ದ್ಯಾಯಾ᳚ಗ್ಂ ರ॒ತಾಃ ॥ ೯ ॥

ಅ॒ನ್ಯದೇ॒ವಾಹುರ್ವಿ॒ದ್ಯಯಾ॒ನ್ಯದಾ᳚ಹು॒ರವಿ॑ದ್ಯಯಾ ।
ಇತಿ॑ ಶುಶ್ರುಮ॒ ಧೀರಾ᳚ಣಾಂ॒ ಯೇ ನ॒ಸ್ತದ್ವಿ॑ಚಚಕ್ಷಿ॒ರೇ ॥ ೧೦ ॥

ವಿ॒ದ್ಯಾಂ ಚಾವಿ॑ದ್ಯಾಂ ಚ॒ ಯಸ್ತದ್ವೇದೋ॒ಭಯ॑ಗ್ಂ ಸ॒ಹ ।
ಅವಿ॑ದ್ಯಯಾ ಮೃ॒ತ್ಯುಂ ತೀ॒ರ್ತ್ವಾ ವಿ॒ದ್ಯಯಾ॒ಽಮೃತ॑ಮಶ್ನುತೇ ॥ ೧೧ ॥

ಅ॒ನ್ಧಂ ತಮ॒: ಪ್ರವಿ॑ಶನ್ತಿ॒ ಯೇಽಸಂ᳚ಭೂತಿಮು॒ಪಾಸ॑ತೇ ।
ತತೋ॒ ಭೂಯ॑ ಇವ॒ ತೇ ತಮೋ॒ ಯ ಉ॒ ಸಂಭೂ᳚ತ್ಯಾಗ್ಂ ರ॒ತಾಃ ॥ ೧೨ ॥

ಅ॒ನ್ಯದೇ॒ವಾಹುಃ ಸಂ᳚ಭ॒ವಾದ॒ನ್ಯದಾ᳚ಹು॒ರಸಂ᳚ಭವಾತ್ ।
ಇತಿ॑ ಶುಶ್ರುಮ॒ ಧೀರಾ᳚ಣಾಂ॒ ಯೇ ನ॒ಸ್ತದ್ವಿ॑ಚಚಕ್ಷಿ॒ರೇ ॥ ೧೩ ॥

ಸಂಭೂ᳚ತಿಂ ಚ ವಿನಾ॒ಶಂ ಚ॒ ಯಸ್ತದ್ವೇದೋ॒ಭಯ॑ಗ್ಂ ಸ॒ಹ ।
ವಿ॒ನಾ॒ಶೇನ॑ ಮೃ॒ತ್ಯುಂ ತೀ॒ರ್ತ್ವಾ ಸಂಭೂ᳚ತ್ಯಾ॒ಽಮೃತ॑ಮಶ್ನುತೇ ॥ ೧೪ ॥

ಹಿ॒ರ॒ಣ್ಮಯೇ᳚ನ॒ ಪಾತ್ರೇ᳚ಣ ಸ॒ತ್ಯಸ್ಯಾಪಿ॑ಹಿತಂ॒ ಮುಖಮ್᳚ ।
ತತ್ತ್ವಂ ಪೂ᳚ಷ॒ನ್ನಪಾವೃ॑ಣು ಸ॒ತ್ಯಧರ್ಮಾ᳚ಯ ದೃ॒ಷ್ಟಯೇ᳚ ॥ ೧೫ ॥

ಪೂಷನ್᳚ನೇಕ ಋಷೇ ಯಮ ಸೂರ್ಯ॒ ಪ್ರಾಜಾ᳚ಪತ್ಯ॒ ವ್ಯೂ᳚ಹ ರ॒ಶ್ಮೀನ್ತ್ಸಮೂ᳚ಹ॒ ತೇಜೋ॒ ಯತ್ತೇ᳚ ರೂ॒ಪಂ ಕಲ್ಯಾ᳚ಣತಮಂ॒ ತತ್ತೇ᳚ ಪಶ್ಯಾಮಿ । ಯೋ॒ಽಸಾವ॒ಸೌ ಪು॑ರುಷ॒: ಸೋ॒ಽಹಮ॑ಸ್ಮಿ ॥ ೧೬ ॥

ವಾ॒ಯುರನಿ॑ಲಮ॒ಮೃತ॒ಮಥೇ॒ದಂ ಭಸ್ಮಾ᳚ನ್ತ॒ಗ್ಂ॒ ಶರೀ᳚ರಮ್ ।
ಓಂ ೩ ಕ್ರತೋ॒ ಸ್ಮರ॑ ಕೃ॒ತಗ್ಂ ಸ್ಮ॑ರ॒ ಕ್ರತೋ॒ ಸ್ಮರ॑ ಕೃ॒ತಗ್ಂ ಸ್ಮ॑ರ ॥ ೧೭ ॥

ಅಗ್ನೇ॒ ನಯ॑ ಸು॒ಪಥಾ᳚ ರಾ॒ಯೇ ಅ॒ಸ್ಮಾನ್ವಿಶ್ವಾ᳚ನಿ ದೇವ ವ॒ಯುನಾ᳚ನಿ ವಿ॒ದ್ವಾನ್ ।
ಯು॒ಯೋ॒ಧ್ಯ॒ಸ್ಮಜ್ಜು॑ಹುರಾ॒ಣಮೇನೋ॒ ಭೂಯಿ॑ಷ್ಠಾಂ ತೇ॒ ನಮ॑ ಉಕ್ತಿಂ ವಿಧೇಮ ॥ ೧೮ ॥

ಓಂ ಪೂರ್ಣ॒ಮದ॒: ಪೂರ್ಣ॒ಮಿದಂ॒ ಪೂರ್ಣಾ॒ತ್ಪೂರ್ಣ॒ಮುದ॒ಚ್ಯತೇ ।
ಪೂರ್ಣ॒ಸ್ಯ ಪೂರ್ಣ॒ಮಾದಾ॒ಯ ಪೂರ್ಣ॒ಮೇವಾವಶಿ॒ಷ್ಯತೇ ॥
ಓಂ ಶಾ॒ನ್ತಿಃ ಶಾ॒ನ್ತಿಃ ಶಾ॒ನ್ತಿಃ ॥

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ. ಅತ್ಯಗತ್ಯ ವಿವರಗಳನ್ನು * ಎಂದು ಗುರುತಿಸಲಾಗಿದೆ