Skip to content

Mangala Gowri Stotram in Telugu – శ్రీ మంగళ గౌరీ స్తోత్రం

Mangala Gowri Stotram or Mangla Gauri Stotra or Mangala Gauri StotramPin

Get Sri Mangala Gowri Stotram in Telugu Lyrics pdf here and chant it with devotion for the grace of Mangala Gowri Devi.

Mangala Gowri Stotram in Telugu – శ్రీ మంగళగౌరీ స్తోత్రం

దేవి త్వదీయచరణాంబుజరేణు గౌరీం
భాలస్థలీం వహతి యః ప్రణతిప్రవీణః |
జన్మాంతరేఽపి రజనీకరచారులేఖా
తాం గౌరయత్యతితరాం కిల తస్య పుంసః || ౧ ||

శ్రీమంగళే సకలమంగళజన్మభూమే
శ్రీమంగళే సకలకల్మషతూలవహ్నే |
శ్రీమంగళే సకలదానవదర్పహంత్రి
శ్రీమంగళేఽఖిలమిదం పరిపాహి విశ్వమ్ || ౨ ||

విశ్వేశ్వరి త్వమసి విశ్వజనస్య కర్త్రీ
త్వం పాలయిత్ర్యసి తథా ప్రళయేఽపి హంత్రీ |
త్వన్నామకీర్తనసముల్లసదచ్ఛపుణ్యా
స్రోతస్వినీ హరతి పాతకకూలవృక్షాన్ || ౩ ||

మాతర్భవాని భవతీ భవతీవ్రదుఃఖ-
-సంభారహారిణి శరణ్యమిహాస్తి నాన్యా |
ధన్యాస్త ఏవ భువనేషు త ఏవ మాన్యా
యేషు స్ఫురేత్తవశుభః కరుణాకటాక్షః || ౪ ||

యే త్వా స్మరంతి సతతం సహజప్రకాశాం
కాశీపురీస్థితిమతీం నతమోక్షలక్ష్మీమ్ |
తాం సంస్మరేత్స్మరహరో ధృతశుద్ధబుద్ధీ-
-న్నిర్వాణరక్షణవిచక్షణపాత్రభూతాన్ || ౫ ||

మాతస్తవాంఘ్రియుగళం విమలం హృదిస్థం
యస్యాస్తి తస్య భువనం సకలం కరస్థమ్ |
యో నామతేజ ఏతి మంగళగౌరి నిత్యం
సిద్ధ్యష్టకం న పరిముంచతి తస్య గేహమ్ || ౬ ||

త్వం దేవి వేదజననీ ప్రణవస్వరూపా
గాయత్ర్యసి త్వమసి వై ద్విజకామధేనుః |
త్వం వ్యాహృతిత్రయమిహాఽఖిలకర్మసిద్ధ్యై
స్వాహాస్వధాసి సుమనః పితృతృప్తిహేతుః || ౭ ||

గౌరి త్వమేవ శశిమౌళిని వేధసి త్వం
సావిత్ర్యసి త్వమసి చక్రిణి చారులక్ష్మీః |
కాశ్యాం త్వమస్యమలరూపిణి మోక్షలక్ష్మీః
త్వం మే శరణ్యమిహ మంగళగౌరి మాతః || ౮ ||

స్తుత్వేతి తాం స్మరహరార్ధశరీరశోభాం
శ్రీమంగళాష్టక మహాస్తవనేన భానుః |
దేవీం చ దేవమసకృత్పరితః ప్రణమ్య
తూష్ణీం బభూవ సవితా శివయోః పురస్తాత్ || ౯ ||

ఇతి శ్రీ స్కాందపురాణే కాశీఖండే రవికృత శ్రీ మంగళ గౌరీ స్తోత్రం |

స్పందించండి

మీ ఈమెయిలు చిరునామా ప్రచురించబడదు. తప్పనిసరి ఖాళీలు *‌తో గుర్తించబడ్డాయి