Skip to content

Siva Sankara Stotram in Kannada – ಶ್ರೀ ಶಿವ ಶಂಕರ ಸ್ತೋತ್ರಂ

Siva Sankara Stotram or Shiva Shankara Stotram or Shiv Shankar StotraPin

Siva Sankara Stotram is a devotional prayer for addressing Lord Shiva. Get Sri Siva Sankara Stotram in Kannada Pdf Lyrics here and chant it with devotion for the grace of Lord Shiva.

Siva Sankara Stotram in Kannada – ಶ್ರೀ ಶಿವ ಶಂಕರ ಸ್ತೋತ್ರಂ 

ಅತಿಭೀಷಣಕಟುಭಾಷಣಯಮಕಿಂಕಿರಪಟಲೀ-
-ಕೃತತಾಡನಪರಿಪೀಡನಮರಣಾಗಮಸಮಯೇ |
ಉಮಯಾ ಸಹ ಮಮ ಚೇತಸಿ ಯಮಶಾಸನ ನಿವಸನ್
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೧ ||

ಅಸದಿಂದ್ರಿಯವಿಷಯೋದಯಸುಖಸಾತ್ಕೃತಸುಕೃತೇಃ
ಪರದೂಷಣಪರಿಮೋಕ್ಷಣ ಕೃತಪಾತಕವಿಕೃತೇಃ |
ಶಮನಾನನಭವಕಾನನನಿರತೇರ್ಭವ ಶರಣಂ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೨ ||

ವಿಷಯಾಭಿಧಬಡಿಶಾಯುಧಪಿಶಿತಾಯಿತಸುಖತೋ
ಮಕರಾಯಿತಗತಿಸಂಸೃತಿಕೃತಸಾಹಸವಿಪದಮ್ |
ಪರಮಾಲಯ ಪರಿಪಾಲಯ ಪರಿತಾಪಿತಮನಿಶಂ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೩ ||

ದಯಿತಾ ಮಮ ದುಹಿತಾ ಮಮ ಜನನೀ ಮಮ ಜನಕೋ
ಮಮ ಕಲ್ಪಿತಮತಿಸಂತತಿಮರುಭೂಮಿಷು ನಿರತಮ್ |
ಗಿರಿಜಾಸಖ ಜನಿತಾಸುಖವಸತಿಂ ಕುರು ಸುಖಿನಂ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೪ ||

ಜನಿನಾಶನ ಮೃತಿಮೋಚನ ಶಿವಪೂಜನನಿರತೇಃ
ಅಭಿತೋಽದೃಶಮಿದಮೀದೃಶಮಹಮಾವಹ ಇತಿ ಹಾ |
ಗಜಕಚ್ಛಪಜನಿತಶ್ರಮ ವಿಮಲೀಕುರು ಸುಮತಿಂ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೫ ||

ತ್ವಯಿ ತಿಷ್ಠತಿ ಸಕಲಸ್ಥಿತಿಕರುಣಾತ್ಮನಿ ಹೃದಯೇ
ವಸುಮಾರ್ಗಣಕೃಪಣೇಕ್ಷಣಮನಸಾ ಶಿವವಿಮುಖಮ್ |
ಅಕೃತಾಹ್ನಿಕಮಸುಪೋಷಕಮವತಾದ್ಗಿರಿಸುತಯಾ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೬ ||

ಪಿತರಾವಿತಿ ಸುಖದಾವಿತಿ ಶಿಶುನಾ ಕೃತಹೃದಯೌ
ಶಿವಯಾ ಹೃತಭಯಕೇ ಹೃದಿ ಜನಿತಂ ತವ ಸುಕೃತಮ್ |
ಇತಿ ಮೇ ಶಿವ ಹೃದಯಂ ಭವ ಭವತಾತ್ತವ ದಯಯಾ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೭ ||

ಶರಣಾಗತಭರಣಾಶ್ರಿತ ಕರುಣಾಮೃತಜಲಧೇ
ಶರಣಂ ತವ ಚರಣೌ ಶಿವ ಮಮ ಸಂಸೃತಿವಸತೇಃ |
ಪರಿಚಿನ್ಮಯ ಜಗದಾಮಯಭಿಷಜೇ ನತಿರವತಾತ್
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೮ ||

ವಿವಿಧಾಧಿಭಿರತಿಭೀತಿಭಿರಕೃತಾಧಿಕಸುಕೃತಂ
ಶತಕೋಟಿಷು ನರಕಾದಿಷು ಹತಪಾತಕವಿವಶಮ್ |
ಮೃಡ ಮಾಮವ ಸುಕೃತೀಭವ ಶಿವಯಾ ಸಹ ಕೃಪಯಾ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೯ ||

ಕಲಿನಾಶನ ಗರಲಾಶನ ಕಮಲಾಸನವಿನುತ
ಕಮಲಾಪತಿನಯನಾರ್ಚಿತ ಕರುಣಾಕೃತಿಚರಣ |
ಕರುಣಾಕರ ಮುನಿಸೇವಿತ ಭವಸಾಗರಹರಣ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೧೦ ||

ವಿಜಿತೇಂದ್ರಿಯವಿಬುಧಾರ್ಚಿತ ವಿಮಲಾಂಬುಜಚರಣ
ಭವನಾಶನ ಭಯನಾಶನ ಭಜಿತಾಂಗಿತಹೃದಯ |
ಫಣಿಭೂಷಣ ಮುನಿವೇಷಣ ಮದನಾಂತಕ ಶರಣಂ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೧೧ ||

ತ್ರಿಪುರಾಂತಕ ತ್ರಿದಶೇಶ್ವರ ತ್ರಿಗುಣಾತ್ಮಕ ಶಂಭೋ
ವೃಷವಾಹನ ವಿಷದೂಷಣ ಪತಿತೋದ್ಧರ ಶರಣಮ್ |
ಕನಕಾಸನ ಕನಕಾಂಬರ ಕಲಿನಾಶನ ಶರಣಂ
ಶಿವಶಂಕರ ಶಿವಶಂಕರ ಹರ ಮೇ ಹರ ದುರಿತಮ್ || ೧೨ ||

ಇತಿ ಶ್ರೀ ಶಿವ ಶಂಕರ ಸ್ತೋತ್ರಂ ||

1 thought on “Siva Sankara Stotram in Kannada – ಶ್ರೀ ಶಿವ ಶಂಕರ ಸ್ತೋತ್ರಂ”

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ. ಅತ್ಯಗತ್ಯ ವಿವರಗಳನ್ನು * ಎಂದು ಗುರುತಿಸಲಾಗಿದೆ