Panchamukha Hanuman Kavacham is a very powerful mantra of Lord Hanuman or Anjaneya. This mantra praises lord hanuman in his 5 faced form ( “panchmukha ” means 5 faces). The five faces or heads of Panchmukha Hanuman include 1) Varaha (Boar face), 2) Garud (eagle face), 3) Hanuman (monkey face), 4) Narasimha (lion face), and 5) Hayagriva (horse face). Of these faces, Varaha, Narasimha, and Hayagriva are the incarnations of lord vishnu and Garud is the vehicle mount of lord Vishnu. Therefore, it is believed that Panchmukha hanuman possesses the divine powers of both Lord Hanuman and Lord Vishnu. Get Panchamukha Hanuman Kavacham in Kannada Lyrics pdf here and chant to ward of all evil and negative forces, and to rejuvenate yourself with positive energy.
Panchamukha Hanuman Kavacham in Kannada – ಶ್ರೀ ಪಂಚಮುಖ ಹನುಮತ್ಕವಚಂ
ಅಸ್ಯ ಶ್ರೀ ಪಂಚಮುಖಹನುಮನ್ಮಂತ್ರಸ್ಯ ಬ್ರಹ್ಮಾ ಋಷಿಃ ಗಾಯತ್ರೀಛಂದಃ ಪಂಚಮುಖವಿರಾಟ್ ಹನುಮಾನ್ ದೇವತಾ ಹ್ರೀಂ ಬೀಜಂ ಶ್ರೀಂ ಶಕ್ತಿಃ ಕ್ರೌಂ ಕೀಲಕಂ ಕ್ರೂಂ ಕವಚಂ ಕ್ರೈಂ ಅಸ್ತ್ರಾಯ ಫಟ್ ಇತಿ ದಿಗ್ಬಂಧಃ |
ಶ್ರೀ ಗರುಡ ಉವಾಚ |
ಅಥ ಧ್ಯಾನಂ ಪ್ರವಕ್ಷ್ಯಾಮಿ ಶೃಣು ಸರ್ವಾಂಗಸುಂದರಿ |
ಯತ್ಕೃತಂ ದೇವದೇವೇನ ಧ್ಯಾನಂ ಹನುಮತಃ ಪ್ರಿಯಮ್ || ೧ ||
ಪಂಚವಕ್ತ್ರಂ ಮಹಾಭೀಮಂ ತ್ರಿಪಂಚನಯನೈರ್ಯುತಮ್ |
ಬಾಹುಭಿರ್ದಶಭಿರ್ಯುಕ್ತಂ ಸರ್ವಕಾಮಾರ್ಥಸಿದ್ಧಿದಮ್ || ೨ ||
ಪೂರ್ವಂ ತು ವಾನರಂ ವಕ್ತ್ರಂ ಕೋಟಿಸೂರ್ಯಸಮಪ್ರಭಮ್ |
ದಂಷ್ಟ್ರಾಕರಾಳವದನಂ ಭೃಕುಟೀಕುಟಿಲೇಕ್ಷಣಮ್ || ೩ ||
ಅಸ್ಯೈವ ದಕ್ಷಿಣಂ ವಕ್ತ್ರಂ ನಾರಸಿಂಹಂ ಮಹಾದ್ಭುತಮ್ |
ಅತ್ಯುಗ್ರತೇಜೋವಪುಷಂ ಭೀಷಣಂ ಭಯನಾಶನಮ್ || ೪ ||
ಪಶ್ಚಿಮಂ ಗಾರುಡಂ ವಕ್ತ್ರಂ ವಕ್ರತುಂಡಂ ಮಹಾಬಲಮ್ |
ಸರ್ವನಾಗಪ್ರಶಮನಂ ವಿಷಭೂತಾದಿಕೃಂತನಮ್ || ೫ ||
ಉತ್ತರಂ ಸೌಕರಂ ವಕ್ತ್ರಂ ಕೃಷ್ಣಂ ದೀಪ್ತಂ ನಭೋಪಮಮ್ |
ಪಾತಾಳಸಿಂಹವೇತಾಲಜ್ವರರೋಗಾದಿಕೃಂತನಮ್ || ೬ ||
ಊರ್ಧ್ವಂ ಹಯಾನನಂ ಘೋರಂ ದಾನವಾಂತಕರಂ ಪರಮ್ |
ಯೇನ ವಕ್ತ್ರೇಣ ವಿಪ್ರೇಂದ್ರ ತಾರಕಾಖ್ಯಂ ಮಹಾಸುರಮ್ || ೭ ||
ಜಘಾನ ಶರಣಂ ತತ್ಸ್ಯಾತ್ಸರ್ವಶತ್ರುಹರಂ ಪರಮ್ |
ಧ್ಯಾತ್ವಾ ಪಂಚಮುಖಂ ರುದ್ರಂ ಹನೂಮಂತಂ ದಯಾನಿಧಿಮ್ || ೮ ||
ಖಡ್ಗಂ ತ್ರಿಶೂಲಂ ಖಟ್ವಾಂಗಂ ಪಾಶಮಂಕುಶಪರ್ವತಮ್ |
ಮುಷ್ಟಿಂ ಕೌಮೋದಕೀಂ ವೃಕ್ಷಂ ಧಾರಯಂತಂ ಕಮಂಡಲುಮ್ || ೯ ||
ಭಿಂದಿಪಾಲಂ ಜ್ಞಾನಮುದ್ರಾಂ ದಶಭಿರ್ಮುನಿಪುಂಗವಮ್ |
ಏತಾನ್ಯಾಯುಧಜಾಲಾನಿ ಧಾರಯಂತಂ ಭಜಾಮ್ಯಹಮ್ || ೧೦ ||
ಪ್ರೇತಾಸನೋಪವಿಷ್ಟಂ ತಂ ಸರ್ವಾಭರಣಭೂಷಿತಮ್ |
ದಿವ್ಯಮಾಲ್ಯಾಂಬರಧರಂ ದಿವ್ಯಗಂಧಾನುಲೇಪನಮ್ |
ಸರ್ವಾಶ್ಚರ್ಯಮಯಂ ದೇವಂ ಹನುಮದ್ವಿಶ್ವತೋಮುಖಮ್ || ೧೧ ||
ಪಂಚಾಸ್ಯಮಚ್ಯುತಮನೇಕವಿಚಿತ್ರವರ್ಣ-
-ವಕ್ತ್ರಂ ಶಶಾಂಕಶಿಖರಂ ಕಪಿರಾಜವರ್ಯಮ್ |
ಪೀತಾಂಬರಾದಿಮುಕುಟೈರುಪಶೋಭಿತಾಂಗಂ
ಪಿಂಗಾಕ್ಷಮಾದ್ಯಮನಿಶಂ ಮನಸಾ ಸ್ಮರಾಮಿ || ೧೨ ||
ಮರ್ಕಟೇಶಂ ಮಹೋತ್ಸಾಹಂ ಸರ್ವಶತ್ರುಹರಂ ಪರಮ್ |
ಶತ್ರುಂ ಸಂಹರ ಮಾಂ ರಕ್ಷ ಶ್ರೀಮನ್ನಾಪದಮುದ್ಧರ || ೧೩ ||
ಹರಿಮರ್ಕಟ ಮರ್ಕಟ ಮಂತ್ರಮಿದಂ
ಪರಿಲಿಖ್ಯತಿ ಲಿಖ್ಯತಿ ವಾಮತಲೇ |
ಯದಿ ನಶ್ಯತಿ ನಶ್ಯತಿ ಶತ್ರುಕುಲಂ
ಯದಿ ಮುಂಚತಿ ಮುಂಚತಿ ವಾಮಲತಾ || ೧೪ ||
ಓಂ ಹರಿಮರ್ಕಟಾಯ ಸ್ವಾಹಾ |
ಓಂ ನಮೋ ಭಗವತೇ ಪಂಚವದನಾಯ ಪೂರ್ವಕಪಿಮುಖಾಯ ಸಕಲಶತ್ರುಸಂಹಾರಕಾಯ ಸ್ವಾಹಾ |
ಓಂ ನಮೋ ಭಗವತೇ ಪಂಚವದನಾಯ ದಕ್ಷಿಣಮುಖಾಯ ಕರಾಳವದನಾಯ ನರಸಿಂಹಾಯ ಸಕಲಭೂತಪ್ರಮಥನಾಯ ಸ್ವಾಹಾ |
ಓಂ ನಮೋ ಭಗವತೇ ಪಂಚವದನಾಯ ಪಶ್ಚಿಮಮುಖಾಯ ಗರುಡಾನನಾಯ ಸಕಲವಿಷಹರಾಯ ಸ್ವಾಹಾ |
ಓಂ ನಮೋ ಭಗವತೇ ಪಂಚವದನಾಯ ಉತ್ತರಮುಖಾಯ ಆದಿವರಾಹಾಯ ಸಕಲಸಂಪತ್ಕರಾಯ ಸ್ವಾಹಾ |
ಓಂ ನಮೋ ಭಗವತೇ ಪಂಚವದನಾಯ ಊರ್ಧ್ವಮುಖಾಯ ಹಯಗ್ರೀವಾಯ ಸಕಲಜನವಶಂಕರಾಯ ಸ್ವಾಹಾ |
ಓಂ ಅಸ್ಯ ಶ್ರೀ ಪಂಚಮುಖಹನುಮನ್ಮಂತ್ರಸ್ಯ ಶ್ರೀರಾಮಚಂದ್ರ ಋಷಿಃ ಅನುಷ್ಟುಪ್ಛಂದಃ ಪಂಚಮುಖವೀರಹನುಮಾನ್ ದೇವತಾ ಹನುಮಾನ್ ಇತಿ ಬೀಜಂ ವಾಯುಪುತ್ರ ಇತಿ ಶಕ್ತಿಃ ಅಂಜನೀಸುತ ಇತಿ ಕೀಲಕಮ್ ಶ್ರೀರಾಮದೂತಹನುಮತ್ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಇತಿ ಋಷ್ಯಾದಿಕಂ ವಿನ್ಯಸೇತ್ |
ಅಥ ಕರನ್ಯಾಸಃ |
ಓಂ ಅಂಜನೀಸುತಾಯ ಅಂಗುಷ್ಠಾಭ್ಯಾಂ ನಮಃ |
ಓಂ ರುದ್ರಮೂರ್ತಯೇ ತರ್ಜನೀಭ್ಯಾಂ ನಮಃ |
ಓಂ ವಾಯುಪುತ್ರಾಯ ಮಧ್ಯಮಾಭ್ಯಾಂ ನಮಃ |
ಓಂ ಅಗ್ನಿಗರ್ಭಾಯ ಅನಾಮಿಕಾಭ್ಯಾಂ ನಮಃ |
ಓಂ ರಾಮದೂತಾಯ ಕನಿಷ್ಠಿಕಾಭ್ಯಾಂ ನಮಃ |
ಓಂ ಪಂಚಮುಖಹನುಮತೇ ಕರತಲಕರಪೃಷ್ಠಾಭ್ಯಾಂ ನಮಃ |
ಅಥ ಅಂಗನ್ಯಾಸಃ |
ಓಂ ಅಂಜನೀಸುತಾಯ ಹೃದಯಾಯ ನಮಃ |
ಓಂ ರುದ್ರಮೂರ್ತಯೇ ಶಿರಸೇ ಸ್ವಾಹಾ |
ಓಂ ವಾಯುಪುತ್ರಾಯ ಶಿಖಾಯೈ ವಷಟ್ |
ಓಂ ಅಗ್ನಿಗರ್ಭಾಯ ಕವಚಾಯ ಹುಮ್ |
ಓಂ ರಾಮದೂತಾಯ ನೇತ್ರತ್ರಯಾಯ ವೌಷಟ್ |
ಓಂ ಪಂಚಮುಖಹನುಮತೇ ಅಸ್ತ್ರಾಯ ಫಟ್ |
ಪಂಚಮುಖಹನುಮತೇ ಸ್ವಾಹಾ ಇತಿ ದಿಗ್ಬಂಧಃ |
ಅಥ ಧ್ಯಾನಂ |
ವಂದೇ ವಾನರನಾರಸಿಂಹಖಗರಾಟ್ಕ್ರೋಡಾಶ್ವವಕ್ತ್ರಾನ್ವಿತಂ
ದಿವ್ಯಾಲಂಕರಣಂ ತ್ರಿಪಂಚನಯನಂ ದೇದೀಪ್ಯಮಾನಂ ರುಚಾ |
ಹಸ್ತಾಬ್ಜೈರಸಿಖೇಟಪುಸ್ತಕಸುಧಾಕುಂಭಾಂಕುಶಾದ್ರಿಂ ಹಲಂ
ಖಟ್ವಾಂಗಂ ಫಣಿಭೂರುಹಂ ದಶಭುಜಂ ಸರ್ವಾರಿವೀರಾಪಹಮ್ |
ಅಥ ಮಂತ್ರಃ |
ಓಂ ಶ್ರೀರಾಮದೂತಾಯ ಆಂಜನೇಯಾಯ ವಾಯುಪುತ್ರಾಯ ಮಹಾಬಲಪರಾಕ್ರಮಾಯ ಸೀತಾದುಃಖನಿವಾರಣಾಯ ಲಂಕಾದಹನಕಾರಣಾಯ ಮಹಾಬಲಪ್ರಚಂಡಾಯ ಫಾಲ್ಗುನಸಖಾಯ ಕೋಲಾಹಲಸಕಲಬ್ರಹ್ಮಾಂಡವಿಶ್ವರೂಪಾಯ
ಸಪ್ತಸಮುದ್ರನಿರ್ಲಂಘನಾಯ ಪಿಂಗಳನಯನಾಯ ಅಮಿತವಿಕ್ರಮಾಯ ಸೂರ್ಯಬಿಂಬಫಲಸೇವನಾಯ ದುಷ್ಟನಿವಾರಣಾಯ ದೃಷ್ಟಿನಿರಾಲಂಕೃತಾಯ ಸಂಜೀವಿನೀಸಂಜೀವಿತಾಂಗದ-ಲಕ್ಷ್ಮಣಮಹಾಕಪಿಸೈನ್ಯಪ್ರಾಣದಾಯ
ದಶಕಂಠವಿಧ್ವಂಸನಾಯ ರಾಮೇಷ್ಟಾಯ ಮಹಾಫಾಲ್ಗುನಸಖಾಯ ಸೀತಾಸಹಿತರಾಮವರಪ್ರದಾಯ ಷಟ್ಪ್ರಯೋಗಾಗಮಪಂಚಮುಖವೀರಹನುಮನ್ಮಂತ್ರಜಪೇ ವಿನಿಯೋಗಃ |
ಓಂ ಹರಿಮರ್ಕಟಮರ್ಕಟಾಯ ಬಂಬಂಬಂಬಂಬಂ ವೌಷಟ್ ಸ್ವಾಹಾ |
ಓಂ ಹರಿಮರ್ಕಟಮರ್ಕಟಾಯ ಫಂಫಂಫಂಫಂಫಂ ಫಟ್ ಸ್ವಾಹಾ |
ಓಂ ಹರಿಮರ್ಕಟಮರ್ಕಟಾಯ ಖೇಂಖೇಂಖೇಂಖೇಂಖೇಂ ಮಾರಣಾಯ ಸ್ವಾಹಾ |
ಓಂ ಹರಿಮರ್ಕಟಮರ್ಕಟಾಯ ಲುಂಲುಂಲುಂಲುಂಲುಂ ಆಕರ್ಷಿತಸಕಲಸಂಪತ್ಕರಾಯ ಸ್ವಾಹಾ |
ಓಂ ಹರಿಮರ್ಕಟಮರ್ಕಟಾಯ ಧಂಧಂಧಂಧಂಧಂ ಶತ್ರುಸ್ತಂಭನಾಯ ಸ್ವಾಹಾ |
ಓಂ ಟಂಟಂಟಂಟಂಟಂ ಕೂರ್ಮಮೂರ್ತಯೇ ಪಂಚಮುಖವೀರಹನುಮತೇ ಪರಯಂತ್ರ ಪರತಂತ್ರೋಚ್ಚಾಟನಾಯ ಸ್ವಾಹಾ |
ಓಂ ಕಂಖಂಗಂಘಂಙಂ ಚಂಛಂಜಂಝಂಞಂ ಟಂಠಂಡಂಢಂಣಂ ತಂಥಂದಂಧಂನಂ ಪಂಫಂಬಂಭಂಮಂ ಯಂರಂಲಂವಂ ಶಂಷಂಸಂಹಂ ಳಂಕ್ಷಂ ಸ್ವಾಹಾ |
ಇತಿ ದಿಗ್ಬಂಧಃ |
ಓಂ ಪೂರ್ವಕಪಿಮುಖಾಯ ಪಂಚಮುಖಹನುಮತೇ ಟಂಟಂಟಂಟಂಟಂ ಸಕಲಶತ್ರುಸಂಹರಣಾಯ ಸ್ವಾಹಾ |
ಓಂ ದಕ್ಷಿಣಮುಖಾಯ ಪಂಚಮುಖಹನುಮತೇ ಕರಾಳವದನಾಯ ನರಸಿಂಹಾಯ ಓಂ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಹ್ರಃ ಸಕಲಭೂತಪ್ರೇತದಮನಾಯ ಸ್ವಾಹಾ |
ಓಂ ಪಶ್ಚಿಮಮುಖಾಯ ಗರುಡಾನನಾಯ ಪಂಚಮುಖಹನುಮತೇ ಮಂಮಂಮಂಮಂಮಂ ಸಕಲವಿಷಹರಾಯ ಸ್ವಾಹಾ |
ಓಂ ಉತ್ತರಮುಖಾಯ ಆದಿವರಾಹಾಯ ಲಂಲಂಲಂಲಂಲಂ ನೃಸಿಂಹಾಯ ನೀಲಕಂಠಮೂರ್ತಯೇ ಪಂಚಮುಖಹನುಮತೇ ಸ್ವಾಹಾ |
ಓಂ ಊರ್ಧ್ವಮುಖಾಯ ಹಯಗ್ರೀವಾಯ ರುಂರುಂರುಂರುಂರುಂ ರುದ್ರಮೂರ್ತಯೇ ಸಕಲಪ್ರಯೋಜನನಿರ್ವಾಹಕಾಯ ಸ್ವಾಹಾ |
ಓಂ ಅಂಜನೀಸುತಾಯ ವಾಯುಪುತ್ರಾಯ ಮಹಾಬಲಾಯ ಸೀತಾಶೋಕನಿವಾರಣಾಯ ಶ್ರೀರಾಮಚಂದ್ರಕೃಪಾಪಾದುಕಾಯ ಮಹಾವೀರ್ಯಪ್ರಮಥನಾಯ ಬ್ರಹ್ಮಾಂಡನಾಥಾಯ ಕಾಮದಾಯ ಪಂಚಮುಖವೀರಹನುಮತೇ ಸ್ವಾಹಾ |
ಭೂತಪ್ರೇತಪಿಶಾಚಬ್ರಹ್ಮರಾಕ್ಷಸ ಶಾಕಿನೀಡಾಕಿನ್ಯಂತರಿಕ್ಷಗ್ರಹ ಪರಯಂತ್ರ ಪರತಂತ್ರೋಚ್ಚಟನಾಯ ಸ್ವಾಹಾ |
ಸಕಲಪ್ರಯೋಜನನಿರ್ವಾಹಕಾಯ ಪಂಚಮುಖವೀರಹನುಮತೇ ಶ್ರೀರಾಮಚಂದ್ರವರಪ್ರಸಾದಾಯ ಜಂಜಂಜಂಜಂಜಂ ಸ್ವಾಹಾ |
ಇದಂ ಕವಚಂ ಪಠಿತ್ವಾ ತು ಮಹಾಕವಚಂ ಪಠೇನ್ನರಃ |
ಏಕವಾರಂ ಜಪೇತ್ ಸ್ತೋತ್ರಂ ಸರ್ವಶತ್ರುನಿವಾರಣಮ್ || ೧೫ ||
ದ್ವಿವಾರಂ ತು ಪಠೇನ್ನಿತ್ಯಂ ಪುತ್ರಪೌತ್ರಪ್ರವರ್ಧನಮ್ |
ತ್ರಿವಾರಂ ಚ ಪಠೇನ್ನಿತ್ಯಂ ಸರ್ವಸಂಪತ್ಕರಂ ಶುಭಮ್ || ೧೬ ||
ಚತುರ್ವಾರಂ ಪಠೇನ್ನಿತ್ಯಂ ಸರ್ವರೋಗನಿವಾರಣಮ್ |
ಪಂಚವಾರಂ ಪಠೇನ್ನಿತ್ಯಂ ಸರ್ವಲೋಕವಶಂಕರಮ್ || ೧೭ ||
ಷಡ್ವಾರಂ ಚ ಪಠೇನ್ನಿತ್ಯಂ ಸರ್ವದೇವವಶಂಕರಮ್ |
ಸಪ್ತವಾರಂ ಪಠೇನ್ನಿತ್ಯಂ ಸರ್ವಸೌಭಾಗ್ಯದಾಯಕಮ್ || ೧೮ ||
ಅಷ್ಟವಾರಂ ಪಠೇನ್ನಿತ್ಯಮಿಷ್ಟಕಾಮಾರ್ಥಸಿದ್ಧಿದಮ್ |
ನವವಾರಂ ಪಠೇನ್ನಿತ್ಯಂ ರಾಜಭೋಗಮವಾಪ್ನುಯಾತ್ || ೧೯ ||
ದಶವಾರಂ ಪಠೇನ್ನಿತ್ಯಂ ತ್ರೈಲೋಕ್ಯಜ್ಞಾನದರ್ಶನಮ್ |
ರುದ್ರಾವೃತ್ತಿಂ ಪಠೇನ್ನಿತ್ಯಂ ಸರ್ವಸಿದ್ಧಿರ್ಭವೇದ್ಧೃವಮ್ || ೨೦ ||
ನಿರ್ಬಲೋ ರೋಗಯುಕ್ತಶ್ಚ ಮಹಾವ್ಯಾಧ್ಯಾದಿಪೀಡಿತಃ |
ಕವಚಸ್ಮರಣೇನೈವ ಮಹಾಬಲಮವಾಪ್ನುಯಾತ್ || ೨೧ ||
ಇತಿ ಸುದರ್ಶನಸಂಹಿತಾಯಾಂ ಶ್ರೀರಾಮಚಂದ್ರಸೀತಾಪ್ರೋಕ್ತಂ ಶ್ರೀ ಪಂಚಮುಖಹನುಮತ್ಕವಚಮ್ |
Click to join Bhaktinidhi on Whatsapp 
