Ayyappa Ashtottara Shatanama Stotram is the 108 names of Ayyappa composed in the form of a hymn. Get Sri Ayyappa Ashtottara Shatanama Stotram in Kannada Pdf Lyrics here and chant it with devotion for the grace of Lord Ayyappan.
Ayyappa Ashtottara Shatanama Stotram in Kannada – ಶ್ರೀ ಅಯ್ಯಪ್ಪ ಅಷ್ಟೋತ್ತರಶತನಾಮ ಸ್ತೋತ್ರಂ
ಮಹಾಶಾಸ್ತಾ ಮಹಾದೇವೋ ಮಹಾದೇವಸುತೋಽವ್ಯಯಃ |
ಲೋಕಕರ್ತಾ ಲೋಕಭರ್ತಾ ಲೋಕಹರ್ತಾ ಪರಾತ್ಪರಃ || ೧ ||
ತ್ರಿಲೋಕರಕ್ಷಕೋ ಧನ್ವೀ ತಪಸ್ವೀ ಭೂತಸೈನಿಕಃ |
ಮಂತ್ರವೇದೀ ಮಹಾವೇದೀ ಮಾರುತೋ ಜಗದೀಶ್ವರಃ || ೨ ||
ಲೋಕಾಧ್ಯಕ್ಷೋಽಗ್ರಣೀಃ ಶ್ರೀಮಾನಪ್ರಮೇಯಪರಾಕ್ರಮಃ |
ಸಿಂಹಾರೂಢೋ ಗಜಾರೂಢೋ ಹಯಾರೂಢೋ ಮಹೇಶ್ವರಃ || ೩ ||
ನಾನಾಶಸ್ತ್ರಧರೋಽನರ್ಘೋ ನಾನಾವಿದ್ಯಾವಿಶಾರದಃ |
ನಾನಾರೂಪಧರೋ ವೀರೋ ನಾನಾಪ್ರಾಣಿನಿಷೇವಿತಃ || ೪ ||
ಭೂತೇಶೋ ಭೂತಿತೋ ಭೃತ್ಯೋ ಭುಜಂಗಾಭರಣೋಜ್ವಲಃ |
ಇಕ್ಷುಧನ್ವೀ ಪುಷ್ಪಬಾಣೋ ಮಹಾರೂಪೋ ಮಹಾಪ್ರಭುಃ || ೫ ||
ಮಾಯಾದೇವೀಸುತೋ ಮಾನ್ಯೋ ಮಹನೀಯೋ ಮಹಾಗುಣಃ |
ಮಹಾಶೈವೋ ಮಹಾರುದ್ರೋ ವೈಷ್ಣವೋ ವಿಷ್ಣುಪೂಜಕಃ || ೬ ||
ವಿಘ್ನೇಶೋ ವೀರಭದ್ರೇಶೋ ಭೈರವೋ ಷಣ್ಮುಖಪ್ರಿಯಃ |
ಮೇರುಶೃಂಗಸಮಾಸೀನೋ ಮುನಿಸಂಘನಿಷೇವಿತಃ || ೭ ||
ದೇವೋ ಭದ್ರೋ ಜಗನ್ನಾಥೋ ಗಣನಾಥೋ ಗಣೇಶ್ವರಃ |
ಮಹಾಯೋಗೀ ಮಹಾಮಾಯೀ ಮಹಾಜ್ಞಾನೀ ಮಹಾಸ್ಥಿರಃ || ೮ ||
ದೇವಶಾಸ್ತಾ ಭೂತಶಾಸ್ತಾ ಭೀಮಹಾಸಪರಾಕ್ರಮಃ |
ನಾಗಹಾರೋ ನಾಗಕೇಶೋ ವ್ಯೋಮಕೇಶಃ ಸನಾತನಃ || ೯ ||
ಸಗುಣೋ ನಿರ್ಗುಣೋ ನಿತ್ಯೋ ನಿತ್ಯತೃಪ್ತೋ ನಿರಾಶ್ರಯಃ |
ಲೋಕಾಶ್ರಯೋ ಗಣಾಧೀಶಶ್ಚತುಷ್ಷಷ್ಟಿಕಲಾಮಯಃ || ೧೦ ||
ಋಗ್ಯಜುಃಸಾಮಥರ್ವಾತ್ಮಾ ಮಲ್ಲಕಾಸುರಭಂಜನಃ |
ತ್ರಿಮೂರ್ತಿ ದೈತ್ಯಮಥನಃ ಪ್ರಕೃತಿಃ ಪುರುಷೋತ್ತಮಃ || ೧೧ ||
ಕಾಲಜ್ಞಾನೀ ಮಹಾಜ್ಞಾನೀ ಕಾಮದಃ ಕಮಲೇಕ್ಷಣಃ |
ಕಲ್ಪವೃಕ್ಷೋ ಮಹಾವೃಕ್ಷೋ ವಿದ್ಯಾವೃಕ್ಷೋ ವಿಭೂತಿದಃ || ೧೨ ||
ಸಂಸಾರತಾಪವಿಚ್ಛೇತ್ತಾ ಪಶುಲೋಕಭಯಂಕರಃ |
ರೋಗಹಂತಾ ಪ್ರಾಣದಾತಾ ಪರಗರ್ವವಿಭಂಜನಃ || ೧೩ ||
ಸರ್ವಶಾಸ್ತ್ರಾರ್ಥತತ್ವಜ್ಞೋ ನೀತಿಮಾನ್ ಪಾಪಭಂಜನಃ |
ಪುಷ್ಕಲಾಪೂರ್ಣಾಸಂಯುಕ್ತಃ ಪರಮಾತ್ಮಾ ಸತಾಂಗತಿಃ || ೧೪ ||
ಅನಂತಾದಿತ್ಯಸಂಕಾಶಃ ಸುಬ್ರಹ್ಮಣ್ಯಾನುಜೋ ಬಲೀ |
ಭಕ್ತಾನುಕಂಪೀ ದೇವೇಶೋ ಭಗವಾನ್ ಭಕ್ತವತ್ಸಲಃ || ೧೫ ||
ಇತಿ ಶ್ರೀ ಅಯ್ಯಪ್ಪ ಅಷ್ಟೋತ್ತರಶತನಾಮ ಸ್ತೋತ್ರಂ ಪರಿಪೂರ್ಣ ||
Click to join Bhaktinidhi on Whatsapp 
