Lord Shiv Ji is also called Mahadev as he is revered and worshipped by both devatas(gods) and Rakshasas (Demons). Get Sri Mahadev Stotra in Hindi Pdf Lyrics here and chant it with devotion for the grace of Lord Shiva.
Mahadev Stotra in Hindi – श्री महादेव स्तोत्र
बृहस्पतिरुवाच ।
जय देव परानन्द जय चित्सत्यविग्रह ।
जय संसारलोकघ्न जय पापहर प्रभो ॥ १ ॥
जय पूर्णमहादेव जय देवारिमर्दन ।
जय कल्याण देवेश जय त्रिपुरमर्दन ॥ २ ॥
जयाऽहङ्कारशत्रुघ्न जय मायाविषापहा ।
जय वेदान्तसंवेद्य जय वाचामगोचरा ॥ ३ ॥
जय रागहर श्रेष्ठ जय विद्वेषहराग्रज ।
जय साम्ब सदाचार जय देवसमाहित ॥ ४ ॥
जय ब्रह्मादिभिः पूज्य जय विष्णोः परामृत ।
जय विद्या महेशान जय विद्याप्रदानिशम् ॥ ५ ॥
जय सर्वाङ्गसम्पूर्ण नागाभरणभूषण ।
जय ब्रह्मविदाम्प्राप्य जय भोगापवर्गदः ॥ ६ ॥
जय कामहर प्राज्ञ जय कारुण्यविग्रह ।
जय भस्ममहादेव जय भस्मावगुण्ठितः ॥ ७ ॥
जय भस्मरतानां तु पाशभङ्गपरायण ।
जय हृत्पङ्कजे नित्यं यतिभिः पूज्यविग्रहः ॥ ८ ॥
श्री सूत उवाच ।
इति स्तुत्वा महादेवं प्रणिपत्य बृहस्पतिः ।
कृतार्थः क्लेशनिर्मुक्तो भक्त्या परवशो भवेत् ॥ ९ ॥
य इदं पठते नित्यं सन्ध्ययोरुभयोरपि ।
भक्तिपारङ्गतो भूत्वा परम्ब्रह्माधिगच्छति ॥ १० ॥
गङ्गा प्रवाहवत्तस्य वाग्विभूतिर्विजृम्भते ।
बृहस्पति समो बुद्ध्या गुरुभक्त्या मया समः ॥ ११ ॥
पुत्रार्थी लभते पुत्रान् कन्यार्थी कन्यकामिमात् ।
ब्रह्मवर्चसकामस्तु तदाप्नोति न संशयः ॥ १२ ॥
तस्माद्भवद्भिर्मुनयः सन्ध्ययोरुभयोरपि ।
जप्यं स्तोत्रमिदं पुण्यं देवदेवस्य भक्तितः ॥ १३ ॥
इति श्री महादेव स्तोत्रम् ॥
Click to join Bhaktinidhi on Whatsapp 
Very good work by you thank you so much but it is my humble request that please provide these strotam in pdf form so we can download easily pls provide easy link to pdf thanks