Ganapati Mangalashtakam is a devotional prayer to Lord Ganesh Ji. Get Sri Ganapati Mangalashtakam in Hindi Pdf Lyrics here and chant it with devotion for the grace of Lord Ganesha.
Ganapati Mangalashtakam in Hindi – श्री गणपति मङ्गलाष्टकम्
गजाननाय गाङ्गेयसहजाय सदात्मने ।
गौरीप्रियतनूजाय गणेशायास्तु मङ्गलम् ॥ १ ॥
नागयज्ञोपवीताय नतविघ्नविनाशिने ।
नन्द्यादिगणनाथाय नायकायास्तु मङ्गलम् ॥ २ ॥
इभवक्त्राय चेन्द्रादिवन्दिताय चिदात्मने ।
ईशानप्रेमपात्राय चेष्टदायास्तु मङ्गलम् ॥ ३ ॥
सुमुखाय सुशुण्डाग्रोक्षिप्तामृतघटाय च ।
सुरबृन्दनिषेव्याय सुखदायास्तु मङ्गलम् ॥ ४ ॥
चतुर्भुजाय चन्द्रार्धविलसन्मस्तकाय च ।
चरणावनतानर्थ तारणायास्तु मङ्गलम् ॥ ५ ॥
वक्रतुण्डाय वटवे वन्द्याय वरदाय च ।
विरूपाक्षसुतायास्तु विघ्ननाशाय मङ्गलम् ॥ ६ ॥
प्रमोदामोदरूपाय सिद्धिविज्ञानरूपिणे ।
प्रकृष्टपापनाशाय फलदायास्तु मङ्गलम् ॥ ७ ॥
मङ्गलं गणनाथाय मङ्गलं हरसूनवे ।
मङ्गलं विघ्नराजाय विघ्नहर्त्रेस्तु मङ्गलम् ॥ ८ ॥
श्लोकाष्टकमिदं पुण्यं मङ्गलप्रदमादरात् ।
पठितव्यं प्रयत्नेन सर्वविघ्ननिवृत्तये ॥ ९ ॥
इति श्री गणपति मङ्गलाष्टकम् ।
Click to join Bhaktinidhi on Whatsapp 
