Skip to content

Sheetala Ashtakam in English

Sheetala Ashtakam or Shitala AshtakamPin

Sheetala Ashtakam is an eight stanza stotram from Skanda Purana for worshipping Goddess Sheetala Devi. Get Sri Sheetala Ashtakam in English Pdf Lyrics here and chant it for the grace of Goddess Sheetala Devi. 

Sheetala Ashtakam in English 

asya śrīśītalāstōtrasya mahādēva r̥ṣiḥ| anuṣṭup candaḥ| śītalā dēvatā| lakṣmīrbījaṁ | bhavānī śaktiḥ| sarvavisphōṭakanivr̥tyarthē japē viniyōgaḥ ||

īśvara uvāca

vandē:’haṁ śītalāṁ dēvīṁ rāsabhasthāṁ digambarāṁ |
mārjanīkalaśōpētāṁ śūrpālaṅkr̥tamastakām || 1 ||

vandē:’haṁ śītalāṁ dēvīṁ sarvarōgabhayāpahāṁ |
yāmāsādya nivartēta visphōṭakabhayaṁ mahat || 2 ||

śītalē śītalē cēti yō brūyāddāhapīḍitaḥ |
visphōṭakabhayaṁ ghōraṁ kṣipraṁ tasya praṇaśyati || 3 ||

yastvāmudakamadhyē tu dhyātvā sampūjayēnnaraḥ |
visphōṭakabhayaṁ ghōraṁ gr̥hē tasya na jāyatē || 4 ||

śītalē jvaradagdhasya pūtigandhayutasya ca |
pranaṣṭacakṣuṣaḥ puṁsaḥ tvāmāhurjīvanauṣadham || 5 ||

śītalē tanujānrōgān nr̥ṇāṁ harasi dustyajān |
visphōṭakavidīrṇānāṁ tvamēkā:’mr̥tavarṣiṇī || 6 ||

galagaṇḍagrahā rōgā yē cānyē dāruṇā nr̥ṇāṁ |
tvadanudhyānamātrēṇa śītalē yānti saṅkṣayam || 7 ||

na mantrō nauṣadhaṁ tasya pāparōgasya vidyatē |
tvāmēkāṁ śītalē dhātrīṁ nānyāṁ paśyāmi dēvatām || 8 ||

mr̥ṇālatantusadr̥śīṁ nābhihr̥nmadhyasaṁsthitāṁ |
yastvāṁ sañcintayēddēvi tasya mr̥tyurna jāyatē || 9 ||

aṣṭakaṁ śītalādēvyā yō naraḥ prapaṭhētsadā |
visphōṭakabhayaṁ ghōraṁ gr̥hē tasya na jāyatē || 10 ||

śrōtavyaṁ paṭhitavyaṁ ca śraddhābhaktisamanvitaiḥ |
upasargavināśāya paraṁ svastyayanaṁ mahat || 11 ||

śītalē tvaṁ jaganmātā śītalē tvaṁ jagatpitā |
śītalē tvaṁ jagaddhātrī śītalāyai namō namaḥ || 12 ||

rāsabhō gardabhaścaiva kharō vaiśākhanandanaḥ |
śītalāvāhanaścaiva dūrvākandanikr̥ntanaḥ || 13 ||

ētāni kharanāmāni śītalāgrē tu yaḥ paṭhēt |
tasya gēhē śiśūnāṁ ca śītalā ruṅna jāyatē || 14 ||

śītalāṣṭakamēvēdaṁ na dēyaṁ yasyakasyacit |
dātavyaṁ ca sadā tasmai śraddhābhaktiyutāya vai || 15 ||

iti śrīskāndapurāṇē śītalāṣṭakam ||

Leave a Reply

Your email address will not be published. Required fields are marked *