Mukunda Mala Stotram is devotional hymn in praise of Mukunda (Lord Vishnu in his Sri Krishna avatara). It was composed by King Kusalsekhara, who was devotee-king from the Chera dynasty, and later became one of the 12 Alvars, the poet-saints who were ardent devotees of Lord Vishnu.
“Mukunda” means “the giver of liberation (moksha), and “Mala” means “garland”. So, Mukunda Mala Stotram literally means “A Garland of hymns to Mukunda (Vishnu/Sri Krishna)”. Get Sri Mukunda Mala Stotram in Bengali Lyrics Pdf here and chant it for the grace of Lord Krishna.
Mukunda Mala Stotram in Bengali – মুকুন্দমালা স্তোত্রম
ঘুষ্যতে যস্য় নগরে রংগয়াত্রা দিনে দিনে ।
তমহং শিরসা বংদে রাজানং কুলশেখরম্ ॥
শ্রীবল্লভেতি বরদেতি দয়াপরেতি
ভক্তপ্রিয়েতি ভবলুংঠনকোবিদেতি ।
নাথেতি নাগশযনেতি জগন্নিবাসে-
-ত্য়ালাপনং প্রতিপদং কুরু মে মুকুংদ ॥ 1 ॥
জযতু জযতু দেবো দেবকীনংদনোঽয়ং
জযতু জযতু কৃষ্ণো বৃষ্ণিবংশপ্রদীপঃ ।
জযতু জযতু মেঘশ্য়ামলঃ কোমলাংগো
জযতু জযতু পৃথ্বীভারনাশো মুকুংদঃ ॥ 2 ॥
মুকুংদ মূর্ধ্না প্রণিপত্য় যাচে
ভবংতমেকাংতমিয়ংতমর্থম্ ।
অবিস্মৃতিস্ত্বচ্চরণারবিংদে
ভবে ভবে মেঽস্তু ভবত্প্রসাদাত্ ॥ 3 ॥
নাহং বংদে তব চরণয়োর্দ্বংদ্বমদ্বংদ্বহেতোঃ
কুংভীপাকং গুরুমপি হরে নারকং নাপনেতুম্ ।
রম্য়ারামামৃদুতনুলতা নংদনে নাপি রংতুং
ভাবে ভাবে হৃদযভবনে ভাবয়েয়ং ভবংতম্ ॥ 4 ॥
নাস্থা ধর্মে ন বসুনিচয়ে নৈব কামোপভোগে
যদ্যদ্ভব্য়ং ভবতু ভগবন্ পূর্বকর্মানুরূপম্ ।
এতত্প্রার্থ্য়ং মম বহুমতং জন্মজন্মাংতরেঽপি
ত্বত্পাদাংভোরুহয়ুগগতা নিশ্চলা ভক্তিরস্তু ॥ 5 ॥
দিবি বা ভুবি বা মমাস্তু বাসো
নরকে বা নরকাংতক প্রকামম্ ।
অবধীরিত শারদারবিংদৌ
চরণৌ তে মরণেঽপি চিংতয়ামি ॥ 6 ॥
কৃষ্ণ ত্বদীয় পদপংকজপংজরাংত-
-মদ্য়ৈব মে বিশতু মানসরাজহংসঃ ।
প্রাণপ্রয়াণসময়ে কফবাতপিত্তৈঃ
কংঠাবরোধনবিধৌ স্মরণং কুতস্তে ॥ 7 ॥
চিংতয়ামি হরিমেব সংততং
মংদমংদ হসিতাননাংবুজং
নংদগোপতনয়ং পরাত্পরং
নারদাদিমুনিবৃংদবংদিতম্ ॥ 8 ॥
করচরণসরোজে কাংতিমন্নেত্রমীনে
শ্রমমুষি ভুজবীচিব্য়াকুলেঽগাধমার্গে ।
হরিসরসি বিগাহ্য়াপীয় তেজোজলৌঘং
ভবমরুপরিখিন্নঃ খেদমদ্য় ত্যজামি ॥ 9 ॥
সরসিজনযনে সশংখচক্রে
মুরভিদি মা বিরম স্বচিত্ত রংতুম্ ।
সুখতরমপরং ন জাতু জানে
হরিচরণস্মরণামৃতেন তুল্যম্ ॥ 10 ॥
মা ভীর্মংদমনো বিচিংত্য় বহুধা যামীশ্চিরং যাতনাঃ
নামী নঃ প্রভবংতি পাপরিপবঃ স্বামী ননু শ্রীধরঃ ।
আলস্য়ং ব্যপনীয় ভক্তিসুলভং ধ্য়াযস্ব নারাযণং
লোকস্য় ব্যসনাপনোদনকরো দাসস্য় কিং ন ক্ষমঃ ॥ 11 ॥
ভবজলধিগতানাং দ্বংদ্ববাতাহতানাং
সুতদুহিতৃকলত্রত্রাণভারার্দিতানাম্ ।
বিষমবিষযতোয়ে মজ্জতামপ্লবানাং
ভবতু শরণমেকো বিষ্ণুপোতো নরাণাম্ ॥ 12 ॥
ভবজলধিমগাধং দুস্তরং নিস্তরেয়ং
কথমহমিতি চেতো মা স্ম গাঃ কাতরত্বম্ ।
সরসিজদৃশি দেবে তাবকী ভক্তিরেকা
নরকভিদি নিষণ্ণা তারয়িষ্যত্যবশ্যম্ ॥ 13 ॥
তৃষ্ণাতোয়ে মদনপবনোদ্ধূত মোহোর্মিমালে
দারাবর্তে তনযসহজগ্রাহসংঘাকুলে চ ।
সংসারাখ্য়ে মহতি জলধৌ মজ্জতাং নস্ত্রিধামন্
পাদাংভোজে বরদ ভবতো ভক্তিনাবং প্রযচ্ছ ॥ 14 ॥
মাদ্রাক্ষং ক্ষীণপুণ্য়ান্ ক্ষণমপি ভবতো ভক্তিহীনান্পদাব্জে
মাশ্রৌষং শ্রাব্যবংধং তব চরিতমপাস্য়ান্যদাখ্য়ানজাতম্ ।
মাস্মার্ষং মাধব ত্বামপি ভুবনপতে চেতসাপহ্নুবানা-
-ন্মাভূবং ত্বত্সপর্য়াব্যতিকররহিতো জন্মজন্মাংতরেঽপি ॥ 15 ॥
জিহ্বে কীর্তয় কেশবং মুররিপুং চেতো ভজ শ্রীধরং
পাণিদ্বংদ্ব সমর্চয়াচ্য়ুতকথাঃ শ্রোত্রদ্বয় ত্বং শৃণু ।
কৃষ্ণং লোকয় লোচনদ্বয় হরের্গচ্ছাংঘ্রিয়ুগ্মালয়ং
জিঘ্র ঘ্রাণ মুকুংদপাদতুলসীং মূর্ধন্নমাধোক্ষজম্ ॥ 16 ॥
হে লোকাঃ শৃণুত প্রসূতিমরণব্য়াধেশ্চিকিত্সামিমাং
যোগজ্ঞাঃ সমুদাহরংতি মুনয়ো যাং যাজ্ঞবল্ক্য়াদয়ঃ ।
অংতর্জ্য়োতিরমেযমেকমমৃতং কৃষ্ণাখ্যমাপীযতাং
তত্পীতং পরমৌষধং বিতনুতে নির্বাণমাত্য়ংতিকম্ ॥ 17 ।
হে মর্ত্য়াঃ পরমং হিতং শৃণুত বো বক্ষ্য়ামি সংক্ষেপতঃ
সংসারার্ণবমাপদূর্মিবহুলং সম্যক্প্রবিশ্য় স্থিতাঃ ।
নানাজ্ঞানমপাস্য় চেতসি নমো নারাযণায়েত্যমুং
মংত্রং সপ্রণবং প্রণামসহিতং প্রাবর্তযধ্বং মুহুঃ ॥ 18 ॥
পৃথ্বীরেণুরণুঃ পয়াংসি কণিকাঃ ফল্গুঃ স্ফুলিংগোঽলঘু-
-স্তেজো নিঃশ্বসনং মরুত্তনুতরং রংধ্রং সুসূক্ষ্মং নভঃ ।
ক্ষুদ্রা রুদ্রপিতামহপ্রভৃতয়ঃ কীটাঃ সমস্তাঃ সুরাঃ
দৃষ্টে যত্র স তাবকো বিজযতে ভূমাবধূতাবধিঃ ॥ 19 ॥
বদ্ধেনাংজলিনা নতেন শিরসা গাত্রৈঃ সরোমোদ্গমৈঃ
কংঠেন স্বরগদ্গদেন নযনেনোদ্গীর্ণবাষ্পাংবুনা ।
নিত্য়ং ত্বচ্চরণারবিংদয়ুগল ধ্য়ানামৃতাস্বাদিনা-
-মস্মাকং সরসীরুহাক্ষ সততং সংপদ্যতাং জীবিতম্ ॥ 20 ॥
হে গোপালক হে কৃপাজলনিধে হে সিংধুকন্য়াপতে
হে কংসাংতক হে গজেংদ্রকরুণাপারীণ হে মাধব ।
হে রামানুজ হে জগত্ত্রযগুরো হে পুংডরীকাক্ষ মাং
হে গোপীজননাথ পালয় পরং জানামি ন ত্বাং বিনা ॥ 21 ॥
ভক্তাপাযভুজংগগারুডমণিস্ত্রৈলোক্যরক্ষামণিঃ
গোপীলোচনচাতকাংবুদমণিঃ সৌংদর্যমুদ্রামণিঃ ।
যঃ কাংতামণি রুক্মিণী ঘনকুচদ্বংদ্বৈকভূষামণিঃ
শ্রেয়ো দেবশিখামণির্দিশতু নো গোপালচূডামণিঃ ॥ 22 ॥
শত্রুচ্ছেদৈকমংত্রং সকলমুপনিষদ্বাক্যসংপূজ্যমংত্রং
সংসারোত্তারমংত্রং সমুপচিততমঃ সংঘনির্য়াণমংত্রম্ ।
সর্বৈশ্বর্য়ৈকমংত্রং ব্যসনভুজগসংদষ্টসংত্রাণমংত্রং
জিহ্বে শ্রীকৃষ্ণমংত্রং জপ জপ সততং জন্মসাফল্যমংত্রম্ ॥ 23 ॥
ব্য়ামোহ প্রশমৌষধং মুনিমনোবৃত্তি প্রবৃত্ত্য়ৌষধং
দৈত্য়েংদ্রার্তিকরৌষধং ত্রিভুবনী সংজীবনৈকৌষধম্ ।
ভক্তাত্য়ংতহিতৌষধং ভবভযপ্রধ্বংসনৈকৌষধং
শ্রেয়ঃপ্রাপ্তিকরৌষধং পিব মনঃ শ্রীকৃষ্ণদিব্য়ৌষধম্ ॥ 24 ॥
আম্নায়াভ্যসনান্যরণ্যরুদিতং বেদব্রতান্যন্বহং
মেদশ্ছেদফলানি পূর্তবিধয়ঃ সর্বে হুতং ভস্মনি ।
তীর্থানামবগাহনানি চ গজস্নানং বিনা যত্পদ-
-দ্বংদ্বাংভোরুহসংস্মৃতির্বিজযতে দেবঃ স নারাযণঃ ॥ 25 ॥
শ্রীমন্নাম প্রোচ্য় নারাযণাখ্য়ং
কে ন প্রাপুর্বাংছিতং পাপিনোঽপি ।
হা নঃ পূর্বং বাক্প্রবৃত্তা ন তস্মিন্
তেন প্রাপ্তং গর্ভবাসাদিদুঃখম্ ॥ 26 ॥
মজ্জন্মনঃ ফলমিদং মধুকৈটভারে
মত্প্রার্থনীয় মদনুগ্রহ এষ এব ।
ত্বদ্ভৃত্যভৃত্য় পরিচারক ভৃত্যভৃত্য়
ভৃত্যস্য় ভৃত্য় ইতি মাং স্মর লোকনাথ ॥ 27 ॥
নাথে নঃ পুরুষোত্তমে ত্রিজগতামেকাধিপে চেতসা
সেব্য়ে স্বস্য় পদস্য় দাতরি সুরে নারাযণে তিষ্ঠতি ।
যং কংচিত্পুরুষাধমং কতিপযগ্রামেশমল্পার্থদং
সেবায়ৈ মৃগয়ামহে নরমহো মূকা বরাকা বযম্ ॥ 28 ॥
মদন পরিহর স্থিতিং মদীয়ে
মনসি মুকুংদপদারবিংদধাম্নি ।
হরনযনকৃশানুনা কৃশোঽসি
স্মরসি ন চক্রপরাক্রমং মুরারেঃ ॥ 29 ॥
তত্ত্বং ব্রুবাণানি পরং পরস্মা-
-ন্মধু ক্ষরংতীব সতাং ফলানি ।
প্রাবর্তয় প্রাংজলিরস্মি জিহ্বে
নামানি নারাযণ গোচরাণি ॥ 30 ॥
ইদং শরীরং পরিণামপেশলং
পতত্যবশ্য়ং শ্লথসংধিজর্জরম্ ।
কিমৌষধৈঃ ক্লিশ্যসি মূঢ দুর্মতে
নিরাময়ং কৃষ্ণরসাযনং পিব ॥ 31 ॥
দারা বারাকরবরসুতা তে তনূজো বিরিংচিঃ
স্তোতা বেদস্তব সুরগণো ভৃত্যবর্গঃ প্রসাদঃ ।
মুক্তির্মায়া জগদবিকলং তাবকী দেবকী তে
মাতা মিত্রং বলরিপুসুতস্ত্বয়্যতোঽন্যন্ন জানে ॥ 32 ॥
কৃষ্ণো রক্ষতু নো জগত্ত্রযগুরুঃ কৃষ্ণং নমস্য়াম্যহং
কৃষ্ণেনামরশত্রবো বিনিহতাঃ কৃষ্ণায় তস্মৈ নমঃ ।
কৃষ্ণাদেব সমুত্থিতং জগদিদং কৃষ্ণস্য় দাসোঽস্ম্যহং
কৃষ্ণে তিষ্ঠতি সর্বমেতদখিলং হে কৃষ্ণ রক্ষস্ব মাম্ ॥ 33 ॥
তত্ত্বং প্রসীদ ভগবন্ কুরু ময়্যনাথে
বিষ্ণো কৃপাং পরমকারুণিকঃ কিল ত্বম্ ।
সংসারসাগরনিমগ্নমনংতদীন-
-মুদ্ধর্তুমর্হসি হরে পুরুষোত্তমোঽসি ॥ 34 ॥
নমামি নারাযণপাদপংকজং
করোমি নারাযণপূজনং সদা ।
বদামি নারাযণনাম নির্মলং
স্মরামি নারাযণতত্ত্বমব্যযম্ ॥ 35 ॥
শ্রীনাথ নারাযণ বাসুদেব
শ্রীকৃষ্ণ ভক্তপ্রিয় চক্রপাণে ।
শ্রীপদ্মনাভাচ্য়ুত কৈটভারে
শ্রীরাম পদ্মাক্ষ হরে মুরারে ॥ 36 ॥
অনংত বৈকুংঠ মুকুংদ কৃষ্ণ
গোবিংদ দামোদর মাধবেতি ।
বক্তুং সমর্থোঽপি ন বক্তি কশ্চি-
-দহো জনানাং ব্যসনাভিমুখ্যম্ ॥ 37 ॥
ধ্য়ায়ংতি যে বিষ্ণুমনংতমব্যয়ং
হৃত্পদ্মমধ্য়ে সততং ব্যবস্থিতম্ ।
সমাহিতানাং সততাভযপ্রদং
তে যাংতি সিদ্ধিং পরমাং চ বৈষ্ণবীম্ ॥ 38 ॥
ক্ষীরসাগরতরংগশীকরা-
-ঽঽসারতারকিতচারুমূর্তয়ে ।
ভোগিভোগশযনীযশায়িনে
মাধবায় মধুবিদ্বিষে নমঃ ॥ 39 ॥
যস্য় প্রিয়ৌ শ্রুতিধরৌ কবিলোকবীরৌ
মিত্রে দ্বিজন্মবরপদ্মশরাবভূতাম্ ।
তেনাংবুজাক্ষচরণাংবুজষট্পদেন
রাজ্ঞা কৃতা কৃতিরিয়ং কুলশেখরেণ ॥ 40 ॥
ইতি কুলশেখর প্রণীতং মুকুংদমালা ।
Click to join Bhaktinidhi on Whatsapp 
