Jagannatha Panchakam is a five stanza stotram for worshipping Lord Jagannatha. Get Sri Jagannatha Panchakam in Bengali Pdf Lyrics here and chant it with devotion for the grace of Lord Jagannatha of Puri.
Jagannatha Panchakam in Bengali – শ্রী জগন্নাথ পঞ্চকম্
রক্তাম্ভোরুহদর্পভঞ্জনমহাসৌন্দর্যনেত্রদ্বয়ং
মুক্তাহারবিলম্বিহেমমুকুটং রত্নোজ্জ্বলৎকুণ্ডলম্ ।
বর্ষামেঘসমাননীলবপুষং গ্রৈবেয়হারান্বিতং
পার্শ্বে চক্রধরং প্রসন্নবদনং নীলাদ্রিনাথং ভজে ॥ ১॥
ফুল্লেন্দীবরলোচনং নবঘনশ্যামাভিরামাকৃতিং
বিশ্বেশং কমলাবিলাসবিলসৎপাদারবিন্দদ্বয়ম্ ।
দৈত্যারিং সকলেন্দুমণ্ডিতমুখং চক্রাব্জহস্তদ্বয়ং
বন্দে শ্রীপুরুষোত্তমং প্রতিদিনং লক্ষ্মীনিবাসালয়ম্ ॥ ২॥
উদ্যন্নীরদনীলসুন্দরতনুং পূর্ণেন্দুবিম্বাননং
রাজীবোৎপলপত্রনেত্রয়ুগলং কারুণ্যবারাংনিধিম্ ।
ভক্তানাং সকলার্তিনাশনকরং চিন্তার্থিচিন্তামণিং
বন্দে শ্রীপুরুষোত্তমং প্রতিদিনং নীলাদ্রিচূডামণিম্ ॥ ৩॥
নীলাদ্রৌ শঙ্খমধ্যে শতদলকমলে রত্নসিংহাসনস্থং
সর্বালঙ্কারয়ুক্তং নবঘন রুচিরং সংয়ুতং চাগ্রজেন ।
ভদ্রায়া বামভাগে রথচরণয়ুতং ব্রহ্মরুদ্রেন্দ্রবন্দ্যং
বেদানাং সারমীশং সুজনপরিবৃতং ব্রহ্মদারুং স্মরামি ॥ ৪॥
দোর্ভ্যাং শোভিতলাঙ্গলং সমুসলং কাদম্বরীচঞ্চলং
রত্নাঢ্যং বরকুণ্ডলং ভুজবলৈরাকান্তভূমণ্ডলম্ ।
বজ্রাভামলচারুগণ্ডয়ুগলং নাগেন্দ্রচূডোজ্জ্বলং
সঙ্গ্রামে চপলং শশাঙ্কধবলং শ্রীকামপালং ভজে ॥ ৫॥
ইতি শ্রী জগন্নাথপঞ্চকং সমাপ্তম্ ॥
Click to join Bhaktinidhi on Whatsapp 
