Shiva Padadi Kesantha Varnana Stotram is a devotional hymn describing the features of Lord Shiva from head to toe. It was composed by Sri Adi Sankaracharya. Get Sri Shiva Padadi Kesantha Varnana Stotram in Tamil Pdf Lyrics here and chant it for the grace of Lord Shiva.
Shiva Padadi Kesantha Varnana Stotram in Tamil – ஶ்ரீ ஶிவ பாதா³தி³கேஶாந்த வர்ணன ஸ்தோத்ரம்
கல்யாணம் நோ வித⁴த்தாம் கடகதடலஸத்கல்பவாடீநிகுஞ்ஜ-
-க்ரீடா³ஸம்ஸக்தவித்³யாத⁴ரநிகரவதூ⁴கீ³தருத்³ராபதா³ந꞉ ।
தாரைர்ஹேரம்ப³நாதை³ஸ்தரளிதநிநத³த்தாரகாராதிகேகீ
கைலாஸ꞉ ஶர்வநிர்வ்ருத்யபி⁴ஜநகபத³꞉ ஸர்வதா³ பர்வதேந்த்³ர꞉ ॥ 1 ॥
யஸ்ய ப்ராஹு꞉ ஸ்வரூபம் ஸகலதி³விஷதா³ம் ஸாரஸர்வஸ்வயோக³ம்
யஸ்யேஷு꞉ ஶார்ங்க³த⁴ந்வா ஸமஜநி ஜக³தாம் ரக்ஷணே ஜாக³ரூக꞉ ।
மௌர்வீ த³ர்வீகராணாமபி ச பரிப்³ருட⁴꞉ பூஸ்த்ரயீ ஸா ச லக்ஷ்யம்
ஸோ(அ)வ்யாத³வ்யாஜமஸ்மாநஶிவபி⁴த³நிஶம் நாகிநாம் ஶ்ரீபிநாக꞉ ॥ 2 ॥
ஆதங்காவேக³ஹாரீ ஸகலதி³விஷதா³மங்க்⁴ரிபத்³மாஶ்ரயாணாம்
மாதங்கா³த்³யுக்³ரதை³த்யப்ரகரதநுக³ளத்³ரக்ததா⁴ராக்ததா⁴ர꞉ ।
க்ரூர꞉ ஸூராயுதாநாமபி ச பரிப⁴வம் ஸ்வீயபா⁴ஸா விதந்வ-
-ந்கோ⁴ராகார꞉ குடா²ரோ த்³ருட⁴தரது³ரிதாக்²யாடவீம் பாடயேந்ந꞉ ॥ 3 ॥
காலாராதே꞉ கராக்³ரே க்ருதவஸதிருர꞉ஶாணஶாதோ ரிபூணாம்
காலே காலே குலாத்³ரிப்ரவரதநயயா கல்பிதஸ்நேஹலேப꞉ ।
பாயாந்ந꞉ பாவகார்சி꞉ப்ரஸரஸக²முக²꞉ பாபஹந்தா நிதாந்தம்
ஶூல꞉ ஶ்ரீபாத³ஸேவாப⁴ஜநரஸஜுஷாம் பாலநைகாந்தஶீல꞉ ॥ 4 ॥
தே³வஸ்யாங்காஶ்ரயாயா꞉ குலகி³ரிது³ஹிதுர்நேத்ரகோணப்ரசார-
-ப்ரஸ்தாராநத்யுதா³ராந்பிபடி²ஷுரிவ யோ நித்யமத்யாத³ரேண ।
ஆத⁴த்தே ப⁴ங்கி³துங்கை³ரநிஶமவயவைரந்தரங்க³ம் ஸமோத³ம்
ஸோமாபீட³ஸ்ய ஸோ(அ)யம் ப்ரதி³ஶது குஶலம் பாணிரங்க³꞉ குரங்க³꞉ ॥ 5 ॥
கண்ட²ப்ராந்தாவஸஜ்ஜத்கநகமயமஹாக⁴ண்டிகாகோ⁴ரகோ⁴ஷை꞉
கண்டா²ராவைரகுண்டை²ரபி ப⁴ரிதஜக³ச்சக்ரவாளாந்தராள꞉ ।
சண்ட³꞉ ப்ரோத்³த³ண்ட³ஶ்ருங்க³꞉ ககுத³கப³லிதோத்துங்க³கைலாஸஶ்ருங்க³꞉
கண்டே²காலஸ்ய வாஹ꞉ ஶமயது ஶமலம் ஶாஶ்வத꞉ ஶாக்வரேந்த்³ர꞉ ॥ 6 ॥
நிர்யத்³தா³நாம்பு³தா⁴ராபரிமளதரளீபூ⁴தரோலம்ப³பாலீ-
-ஜ²ங்காரை꞉ ஶங்கராத்³ரே꞉ ஶிக²ரஶதத³ரீ꞉ பூரயந்பூ⁴ரிகோ⁴ஷை꞉ ।
ஶார்வ꞉ ஸௌவர்ணஶைலப்ரதிமப்ருது²வபு꞉ ஸர்வவிக்⁴நாபஹர்தா
ஶர்வாண்யா꞉ பூர்வஸூநு꞉ ஸ ப⁴வது ப⁴வதாம் ஸ்வஸ்திதோ³ ஹஸ்திவக்த்ர꞉ ॥ 7 ॥
ய꞉ புண்யைர்தே³வதாநாம் ஸமஜநி ஶிவயோ꞉ ஶ்லாக்⁴யவீர்யைகமத்யா-
-த்³யந்நாம்நி ஶ்ரூயமாணே தி³திஜப⁴டக⁴டா பீ⁴திபா⁴ரம் ப⁴ஜந்தே ।
பூ⁴யாத்ஸோ(அ)யம் விபூ⁴த்யை நிஶிதஶரஶிகா²பாடிதக்ரௌஞ்சஶைல꞉
ஸம்ஸாராகா³த⁴கூபோத³ரபதிதஸமுத்தாரகஸ்தாரகாரி꞉ ॥ 8 ॥
ஆரூட⁴꞉ ப்ரௌட⁴வேக³ப்ரவிஜிதபவநம் துங்க³துங்க³ம் துரங்க³ம்
சேலம் நீலம் வஸாந꞉ கரதலவிளஸத்காண்ட³கோத³ண்ட³த³ண்ட³꞉ ।
ராக³த்³வேஷாதி³நாநாவித⁴ம்ருக³படலீபீ⁴திக்ருத்³பூ⁴தப⁴ர்தா
குர்வந்நாகே²டலீலாம் பரிலஸது மந꞉காநநே மாமகீநே ॥ 9 ॥
அம்போ⁴ஜாப்⁴யாம் ச ரம்பா⁴ரத²சரணலதாத்³வந்த்³வகும்பீ⁴ந்த்³ரகும்பை⁴-
-ர்பி³ம்பே³நேந்தோ³ஶ்ச கம்போ³ருபரி விளஸதா வித்³ருமேணோத்பலாப்⁴யாம் ।
அம்போ⁴தே³நாபி ஸம்பா⁴விதமுபஜநிதாட³ம்ப³ரம் ஶம்ப³ராரே꞉
ஶம்போ⁴꞉ ஸம்போ⁴க³யோக்³யம் கிமபி த⁴நமித³ம் ஸம்ப⁴வேத்ஸம்பதே³ ந꞉ ॥ 10 ॥
வேணீஸௌபா⁴க்³யவிஸ்மாபிததபநஸுதாசாருவேணீவிளாஸா-
-ந்வாணீநிர்தூ⁴தவாணீகரதலவித்⁴ருதோதா³ரவீணாவிராவான் ।
ஏணீநேத்ராந்தப⁴ங்கீ³நிரஸநநிபுணாபாங்க³கோணாநுபாஸே
ஶோணாந்ப்ராணாநுதூ³ட⁴ப்ரதிநவஸுஷமாகந்த³ளாநிந்து³மௌளே꞉ ॥ 11 ॥
ந்ருத்தாரம்பே⁴ஷு ஹஸ்தாஹதமுரஜதி⁴மித்³தி⁴ங்க்ருதைரத்யுதா³ரை-
-ஶ்சித்தாநந்த³ம் வித⁴த்தே ஸத³ஸி ப⁴க³வத꞉ ஸந்ததம் ய꞉ ஸ நந்தீ³ ।
சண்டீ³ஶாத்³யாஸ்ததா²ந்யே சதுரகு³ணக³ணப்ரீணிதஸ்வாமிஸத்கா-
-ரோத்கர்ஷோத்³யத்ப்ரஸாதா³꞉ ப்ரமத²பரிப்³ருடா⁴꞉ பாந்து ஸந்தோஷிணோ ந꞉ ॥ 12 ॥
முக்தாமாணிக்யஜாலை꞉ பரிகலிதமஹாஸாலமாலோகநீயம்
ப்ரத்யுப்தாநர்க⁴ரத்நைர்தி³ஶி தி³ஶி ப⁴வநை꞉ கல்பிதைர்தி³க்பதீநாம் ।
உத்³யாநைரத்³ரிகந்யாபரிஜநவநிதாமாநநீயை꞉ பரீதம்
ஹ்ருத்³யம் ஹ்ருத்³யஸ்து நித்யம் மம பு⁴வநபதேர்தா⁴ம ஸோமார்த⁴மௌளே꞉ ॥ 13 ॥
ஸ்தம்பை⁴ர்ஜம்பா⁴ரிரத்நப்ரவரவிரசிதை꞉ ஸம்ப்⁴ருதோபாந்தபா⁴க³ம்
ஶும்ப⁴த்ஸோபாநமார்க³ம் ஶுசிமணிநிசயைர்கு³ம்பி⁴தாநல்பஶில்பம் ।
கும்பை⁴꞉ ஸம்பூர்ணஶோப⁴ம் ஶிரஸி ஸுக⁴டிதை꞉ ஶாதகும்பை⁴ரபங்கை꞉
ஶம்போ⁴꞉ ஸம்பா⁴வநீயம் ஸகலமுநிஜநை꞉ ஸ்வஸ்தித³ம் ஸ்யாத்ஸதோ³ ந꞉ ॥ 14 ॥
ந்யஸ்தோ மத்⁴யே ஸபா⁴யா꞉ பரிஸரவிளஸத்பாத³பீடா²பி⁴ராமோ
ஹ்ருத்³ய꞉ பாதை³ஶ்சதுர்பி⁴꞉ கநகமணிமயைருச்சகைருஜ்ஜ்வலாத்மா ॥
வாஸோரத்நேந கேநாப்யதி⁴கம்ருது³தரேணாஸ்த்ருதோ விஸ்த்ருதஶ்ரீ꞉
பீட²꞉ பீடா³ப⁴ரம் ந꞉ ஶமயது ஶிவயோ꞉ ஸ்வைரஸம்வாஸயோக்³ய꞉ ॥ 15 ॥
ஆஸீநஸ்யாதி⁴பீட²ம் த்ரிஜக³த³தி⁴பதேரங்க்⁴ரிபீடா²நுஷக்தௌ
பாதோ²ஜாபோ⁴க³பா⁴ஜௌ பரிம்ருது³ளதலோல்லாஸிபத்³மாதி³ரேகௌ² ।
பாதாம் பாதா³வுபௌ⁴ தௌ நமத³மரகிரீடோல்லஸச்சாருஹீர-
-ஶ்ரேணீஶோணாயமாநோந்நதநக²த³ஶகோத்³பா⁴ஸமாநௌ ஸமாநௌ ॥ 16 ॥
யந்நாதோ³ வேத³வாசாம் நிக³த³தி நிகி²லம் லக்ஷணம் பக்ஷிகேது-
-ர்லக்ஷ்மீஸம்போ⁴க³ஸௌக்²யம் விரசயதி யயோஶ்சாபரே ரூபபே⁴தே³ ।
ஶம்போ⁴꞉ ஸம்பா⁴வநீயே பத³கமலஸமாஸங்க³தஸ்துங்க³ஶோபே⁴
மாங்க³ல்யம் ந꞉ ஸமக்³ரம் ஸகலஸுக²கரே நூபுரே பூரயேதாம் ॥ 17 ॥
அங்கே³ ஶ்ருங்கா³ரயோநே꞉ ஸபதி³ ஶலப⁴தாம் நேத்ரவஹ்நௌ ப்ரயாதே
ஶத்ரோருத்³த்⁴ருத்ய தஸ்மாதி³ஷுதி⁴யுக³மதோ⁴ ந்யஸ்தமக்³ரே கிமேதத் ।
ஶங்காமித்த²ம் நதாநாமமரபரிஷதா³மந்தரங்கூரயத்த-
-த்ஸங்கா⁴தம் சாரு ஜங்கா⁴யுக³மகி²லபதேரம்ஹஸாம் ஸம்ஹரேந்ந꞉ ॥ 18 ॥
ஜாநுத்³வந்த்³வேந மீநத்⁴வஜந்ருவரஸமுத்³ரோபமாநேந ஸாகம்
ராஜந்தௌ ராஜரம்பா⁴கரிகரகநகஸ்தம்ப⁴ஸம்பா⁴வநீயௌ ।
ஊரூ கௌ³ரீகராம்போ⁴ருஹஸரஸஸமாமர்த³நாநந்த³பா⁴ஜௌ
சாரூ தூ³ரீக்ரியாஸ்தாம் து³ரிதமுபசிதம் ஜந்மஜந்மாந்தரே ந꞉ ॥ 19 ॥
ஆமுக்தாநர்க⁴ரத்நப்ரகரகரபரிஷ்வக்தகல்யாணகாஞ்சீ-
-தா³ம்நா ப³த்³தே³ந து³க்³த⁴த்³யுதிநிசயமுஷா சீநபட்டாம்ப³ரேண ।
ஸம்வீதே ஶைலகந்யாஸுசரிதபரிபாகாயமாணே நிதம்பே³
நித்யம் நர்நர்து சித்தம் மம நிகி²லஜக³த்ஸ்வாமிந꞉ ஸோமமௌளே꞉ ॥ 20 ॥
ஸந்த்⁴யாகாலாநுரஜ்யத்³தி³நகரஸருசா காலதௌ⁴தேந கா³ட⁴ம்
வ்யாநத்³த⁴꞉ ஸ்நிக்³த⁴முக்³த⁴꞉ ஸரஸமுத³ரப³ந்தே⁴ந வீதோபமேந ।
உத்³தீ³ப்தை꞉ ஸ்வப்ரகாஶைருபசிதமஹிமா மந்மதா²ரேருதா³ரோ
மத்⁴யோ மித்²யார்த²ஸத்⁴ர்யங்மம தி³ஶது ஸதா³ ஸங்க³திம் மங்க³ளாநாம் ॥ 21 ॥
நாபீ⁴சக்ராளவாலாந்நவநவஸுஷமாதோ³ஹத³ஶ்ரீபரீதா-
-து³த்³க³ச்ச²ந்தீ புரஸ்தாது³த³ரபத²மதிக்ரம்ய வக்ஷ꞉ ப்ரயாந்தி ।
ஶ்யாமா காமாக³மார்த²ப்ரகத²நலிபிவத்³பா⁴ஸதே யா நிகாமம்
ஸா மா ஸோமார்த⁴மௌளே꞉ ஸுக²யது ஸததம் ரோமவல்லீமதல்லீ ॥ 22 ॥
ஆஶ்லேஷேஷ்வத்³ரிஜாயா꞉ கடி²நகுசதடீலிப்தகாஶ்மீரபங்க-
-வ்யாஸங்கா³து³த்³யத³ர்கத்³யுதிபி⁴ருபசிதஸ்பர்த⁴முத்³தா³மஹ்ருத்³யம் ।
த³க்ஷாராதேருதூ³ட⁴ப்ரதிநவமணிமாலாவளீபா⁴ஸமாநம்
வக்ஷோ விக்ஷோபி⁴தாக⁴ம் ஸததநதிஜுஷாம் ரக்ஷதாத³க்ஷதம் ந꞉ ॥ 23 ॥
வாமாங்கே விஸ்பு²ரந்த்யா꞉ கரதலவிளஸச்சாருரக்தோத்பலாயா꞉
காந்தாயா வாமவக்ஷோருஹப⁴ரஶிக²ரோந்மர்த³நவ்யக்³ரமேகம் ।
அந்யாம்ஸ்த்ரீநப்யுதா³ராந்வரபரஶும்ருகா³ளங்க்ருதாநிந்து³மௌளே-
-ர்பா³ஹூநாப³த்³த⁴ஹேமாங்க³த³மணிகடகாநந்தராளோகயாம꞉ ॥ 24 ॥
ஸம்ப்⁴ராந்தாயா꞉ ஶிவாயா꞉ பதிவிளயபி⁴யா ஸர்வலோகோபதாபா-
-த்ஸம்விக்³நஸ்யாபி விஷ்ணோ꞉ ஸரப⁴ஸமுப⁴யோர்வாரணப்ரேரணாப்⁴யாம் ।
மத்⁴யே த்ரைஶங்கவீயாமநுப⁴வதி த³ஶாம் யத்ர ஹாலாஹலோஷ்மா
ஸோ(அ)யம் ஸர்வாபதா³ம் ந꞉ ஶமயது நிசயம் நீலகண்ட²ஸ்ய கண்ட²꞉ ॥ 25 ॥
ஹ்ருத்³யைரத்³ரீந்த்³ரகந்யாம்ருது³த³ஶநபதை³ர்முத்³ரிதோ வித்³ருமஶ்ரீ-
-ருத்³த்³யோதந்த்யா நிதாந்தம் த⁴வளத⁴வளயா மிஶ்ரிதோ த³ந்தகாந்த்யா ।
முக்தாமாணிக்யஜாலவ்யதிகரஸத்³ருஶா தேஜஸா பா⁴ஸமாந꞉
ஸத்³யோஜாதஸ்ய த³த்³யாத³த⁴ரமணிரஸௌ ஸம்பதா³ம் ஸஞ்சயம் ந꞉ ॥ 26 ॥
கர்ணாலங்காரநாநாமணிநிகரருசாம் ஸஞ்சயைரஞ்சிதாயாம்
வர்ண்யாயாம் ஸ்வர்ணபத்³மோத³ரபரிவிளஸத்கர்ணிகாஸம்நிபா⁴யாம் ।
பத்³த⁴த்யாம் ப்ராணவாயோ꞉ ப்ரணதஜநஹ்ருத³ம்போ⁴ஜவாஸஸ்ய ஶம்போ⁴-
-ர்நித்யம் நஶ்சித்தமேதத்³விரசயது ஸுகே²நாஸிகாம் நாஸிகாயாம் ॥ 27 ॥
அத்யந்தம் பா⁴ஸமாநே ருசிரதரருசாம் ஸங்க³மாத்ஸந்மணீநா-
-முத்³யச்சண்டா³ம்ஶுதா⁴மப்ரஸரநிரஸநஸ்பஷ்டத்³ருஷ்டாபதா³நே ।
பூ⁴யாஸ்தாம் பூ⁴தயே ந꞉ கரிவரஜயிந꞉ கர்ணபாஶாவளம்பே³
ப⁴க்தாலீபா⁴லஸஜ்ஜஜ்ஜநிமரணலிபே꞉ குண்ட³லே குண்ட³லே தே ॥ 28 ॥
யாப்⁴யாம் காலவ்யவஸ்தா² ப⁴வதி தநுமதாம் யோ முக²ம் தே³வதாநாம்
யேஷாமாஹு꞉ ஸ்வரூபம் ஜக³தி முநிவரா தே³வதாநாம் த்ரயீம் தாம் ।
ருத்³ராணீவக்த்ரபங்கேருஹஸததவிஹாரோத்ஸுகேந்தி³ந்தி³ரேப்⁴ய-
-ஸ்தேப்⁴யஸ்த்ரிப்⁴ய꞉ ப்ரணாமாஞ்ஜலிமுபரசயே த்ரீக்ஷணஸ்யேக்ஷணேப்⁴ய꞉ ॥ 29 ॥
வாமம் வாமாங்ககா³யா வத³நஸரஸிஜே வ்யாவளத்³வல்லபா⁴யா
வ்யாநம்ரேஷ்வந்யத³ந்யத்புநரளிகப⁴வம் வீதநி꞉ஶேஷரௌக்ஷ்யம் ।
பூ⁴யோ பூ⁴யோபி மோதா³ந்நிபதத³தித³யாஶீதளம் சூதபா³ணே
த³க்ஷாரேரீக்ஷணாநாம் த்ரயமபஹரதாதா³ஶு தாபத்ரயம் ந꞉ ॥ 30 ॥
யஸ்மிந்நர்தே⁴ந்து³முக்³த⁴த்³யுதிநிசயதிரஸ்காரநிஸ்தந்த்³ரகாந்தௌ
காஶ்மீரக்ஷோத³ஸங்கல்பதமிவ ருசிரம் சித்ரகம் பா⁴தி நேத்ரம் ।
தஸ்மிந்நுல்லீலசில்லீநடவரதருணீலாஸ்யரங்கா³யமாணே
காலாரே꞉ பா²லதே³ஶே விஹரது ஹ்ருத³யம் வீதசிந்தாந்தரம் ந꞉ ॥ 31 ॥
ஸ்வாமிந்க³ங்கா³மிவாங்கீ³குரு தவ ஶிரஸா மாமபீத்யர்த²யந்தீம்
த⁴ந்யாம் கந்யாம் க²ராம்ஶோ꞉ ஶிரஸி வஹதி கிம் ந்வேஷ காருண்யஶாலீ ।
இத்த²ம் ஶங்காம் ஜநாநாம் ஜநயத³திக⁴நம் கைஶிகம் காலமேக⁴-
-ச்சா²யம் பூ⁴யாது³தா³ரம் த்ரிபுரவிஜயிந꞉ ஶ்ரேயஸே பூ⁴யஸே ந꞉ ॥ 32 ॥
ஶ்ருங்கா³ராகல்பயோக்³யை꞉ ஶிக²ரிவரஸுதாஸத்ஸகீ²ஹஸ்தலூநை꞉
ஸூநைராப³த்³த⁴மாலாவளிபரிவிளஸத்ஸௌரபா⁴க்ருஷ்டப்⁴ருங்க³ம் ।
துங்க³ம் மாணிக்யகாந்த்யா பரிஹஸிதஸுராவாஸஶைலேந்த்³ரஶ்ருங்க³ம்
ஸங்க⁴ம் ந꞉ ஸங்கடாநாம் விக⁴டயது ஸதா³ காங்கடீகம் கிரீடம் ॥ 33 ॥
வக்ராகார꞉ கலங்கீ ஜட³தநுரஹமப்யங்க்⁴ரிஸேவாநுபா⁴வா-
-து³த்தம்ஸத்வம் ப்ரயாத꞉ ஸுலப⁴தரக்⁴ருணாஸ்யந்தி³நஶ்சந்த்³ரமௌளே꞉ ।
தத்ஸேவந்தாம் ஜநௌகா⁴꞉ ஶிவமிதி நிஜயாவஸ்த²யைவ ப்³ருவாணம்
வந்தே³ தே³வஸ்ய ஶம்போ⁴ர்முகுடஸுக⁴டிதம் முக்³த⁴பீயூஷபா⁴நும் ॥ 34 ॥
காந்த்யா ஸம்பு²ல்லமல்லீகுஸுமத⁴வளயா வ்யாப்ய விஶ்வம் விராஜ-
-ந்வ்ருத்தாகாரோ விதந்வந்முஹுரபி ச பராம் நிர்வ்ருதிம் பாத³பா⁴ஜாம் ।
ஸாநந்த³ம் நந்தி³தோ³ஷ்ணா மணிகடகவதா வாஹ்யமாந꞉ புராரே꞉
ஶ்வேதச்ச²த்ராக்²யஶீதத்³யுதிரபஹரதாதா³பத³ஸ்தாபதா³ ந꞉ ॥ 35 ॥
தி³வ்யாகல்போஜ்ஜ்வலாநாம் ஶிவகி³ரிஸுதயோ꞉ பார்ஶ்வயோராஶ்ரிதாநாம்
ருத்³ராணீஸத்ஸகீ²நாம் மத³தரளகடாக்ஷாஞ்சலைரஞ்சிதாநாம் ।
உத்³வேல்லத்³பா³ஹுவல்லீவிளஸநஸமயே சாமராந்தோ³ளநீநா-
-முத்³பூ⁴த꞉ கங்கணாலீவலயகலகலோ வாரயேதா³பதோ³ ந꞉ ॥ 36 ॥
ஸ்வர்கௌ³க꞉ஸுந்த³ரீணாம் ஸுலலிதவபுஷாம் ஸ்வாமிஸேவாபராணாம்
வல்க³த்³பூ⁴ஷாணி வக்ராம்பு³ஜபரிவிக³ளந்முக்³த⁴கீ³தாம்ருதாநி ।
நித்யம் ந்ருத்தாந்யுபாஸே பு⁴ஜவிது⁴திபத³ந்யாஸபா⁴வாவளோக-
-ப்ரத்யுத்³யத்ப்ரீதிமாத்³யத்ப்ரமத²நடநடீத³த்தஸம்பா⁴வநாநி ॥ 37 ॥
ஸ்தா²நப்ராப்த்யா ஸ்வராணாம் கிமபி விஶத³தாம் வ்யஞ்ஜயந்மஞ்ஜுவீணா-
-ஸ்வாநாவச்சி²ந்நதாலக்ரமமம்ருதமிவாஸ்வாத்³யமாநம் ஶிவாப்⁴யாம் ।
நாநாராகா³திஹ்ருத்³யம் நவரஸமது⁴ரஸ்தோத்ரஜாதாநுவித்³த⁴ம்
கா³நம் வீணாமஹர்ஷே꞉ கலமதிலலிதம் கர்ணபூரயதாம் ந꞉ ॥ 38 ॥
சேதோ ஜாதப்ரமோத³ம் ஸபதி³ வித³த⁴தீ ப்ராணிநாம் வாணிநீநாம்
பாணித்³வந்த்³வாக்³ரஜாக்³ரத்ஸுலலிதரணிதஸ்வர்ணதாலாநுகூலா ।
ஸ்வீயாராவேண பாதோ²த⁴ரரவபடுநா நாத³யந்தீ மயூரீம்
மாயூரீ மந்த³பா⁴வம் மணிமுரஜப⁴வா மார்ஜநா மார்ஜயேந்ந꞉ ॥ 39 ॥
தே³வேப்⁴யோ தா³நவேப்⁴ய꞉ பித்ருமுநிபரிஷத்ஸித்³த⁴வித்³யாத⁴ரேப்⁴ய꞉
ஸாத்⁴யேப்⁴யஶ்சாரணேப்⁴யோ மநுஜபஶுபதஜ்ஜாதிகீடாதி³கேப்⁴ய꞉ ।
ஶ்ரீகைலாஸப்ரரூடா⁴ஸ்த்ருணவிடபிமுகா²ஶ்சாபி யே ஸந்தி தேப்⁴ய꞉
ஸர்வேப்⁴யோ நிர்விசாரம் நதிமுபரசயே ஶர்வபாதா³ஶ்ரயேப்⁴ய꞉ ॥ 40 ॥
த்⁴யாயந்நித்த²ம் ப்ரபா⁴தே ப்ரதிதி³வஸமித³ம் ஸ்தோத்ரரத்நம் படே²த்³ய꞉
கிம் வா ப்³ரூமஸ்ததீ³யம் ஸுசரிதமத²வா கீர்தயாம꞉ ஸமாஸாத் ।
ஸம்பஜ்ஜாதம் ஸமக்³ரம் ஸத³ஸி ப³ஹுமதிம் ஸர்வலோகப்ரியத்வம்
ஸம்ப்ராப்யாயு꞉ஶதாந்தே பத³மயதி பரப்³ரஹ்மணோ மந்மதா²ரே꞉ ॥ 41 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶ்ரீ ஶிவ பாதா³தி³கேஶாந்தவர்ணந ஸ்தோத்ரம் ॥
Click to join Bhaktinidhi on Whatsapp 
