Skandopanishad is a spiritual text that is part of Krishna Yuajurveda. It teaches that Lord Skanda (Subrahmanya) is not just a warrior god but the one supreme reality (Brahman) behind everything. It says that Skanda is the same as Brahma, Vishnu, and Shiva, and that remembering him even for a moment can remove sins, worries, and difficulties. The Upanishad also says that meditating on Skanda early in the morning brings peace, good health, and spiritual growth. Get Skandopanishad in Kannada Lyrics Pdf here and chant it for the grace of Lord Subrahmanya.
Skandopanishad in Kannada – ಸ್ಕಂದೋಪನಿಷತ್
ಯತ್ರಾಸಂಭಿನ್ನತಾಂ ಯಾತಿ ಸ್ವಾತಿರಿಕ್ತಭಿದಾತತಿಃ |
ಸಂವಿನ್ಮಾತ್ರಂ ಪರಂ ಬ್ರಹ್ಮ ತತ್ಸ್ವಮಾತ್ರಂ ವಿಜೃಂಭತೇ ||
ಓಂ ಸಹ ನಾವವತು | ಸಹ ನೌ ಭುನಕ್ತು | ಸಹ ವೀರ್ಯಂ ಕರವಾವಹೈ | ತೇಜಸ್ವಿ ನಾವಧೀತಮಸ್ತು ಮಾ ವಿದ್ವಿಷಾವಹೈ | ಓಂ ಶಾಂತಿಃ ಶಾಂತಿಃ ಶಾಂತಿಃ ||
ಅಚ್ಯುತೋಽಸ್ಮಿ ಮಹಾದೇವ ತವ ಕಾರುಣ್ಯಲೇಶತಃ |
ವಿಜ್ಞಾನಘನ ಏವಾಸ್ಮಿ ಶಿವೋಽಸ್ಮಿ ಕಿಮತಃ ಪರಮ್ || ೧ ||
ನ ನಿಜಂ ನಿಜವದ್ಭಾತ್ಯಂತಃಕರಣಜೃಂಭಣಾತ್ |
ಅಂತಃಕರಣನಾಶೇನ ಸಂವಿನ್ಮಾತ್ರಸ್ಥಿತೋ ಹರಿಃ || ೨ ||
ಸಂವಿನ್ಮಾತ್ರಸ್ಥಿತಶ್ಚಾಹಮಜೋಽಸ್ಮಿ ಕಿಮತಃ ಪರಮ್ |
ವ್ಯತಿರಿಕ್ತಂ ಜಡಂ ಸರ್ವಂ ಸ್ವಪ್ನವಚ್ಚ ವಿನಶ್ಯತಿ || ೩ ||
ಚಿಜ್ಜಡಾನಾಂ ತು ಯೋ ದ್ರಷ್ಟಾ ಸೋಽಚ್ಯುತೋ ಜ್ಞಾನವಿಗ್ರಹಃ |
ಸ ಏವ ಹಿ ಮಹಾದೇವಃ ಸ ಏವ ಹಿ ಮಹಾಹರಿಃ || ೪ ||
ಸ ಏವ ಹಿ ಜ್ಯೋತಿಷಾಂ ಜ್ಯೋತಿಃ ಸ ಏವ ಪರಮೇಶ್ವರಃ |
ಸ ಏವ ಹಿ ಪರಂ ಬ್ರಹ್ಮ ತದ್ಬ್ರಹ್ಮಾಹಂ ನ ಸಂಶಯಃ || ೫ ||
ಜೀವಃ ಶಿವಃ ಶಿವೋ ಜೀವಃ ಸ ಜೀವಃ ಕೇವಲಃ ಶಿವಃ |
ತುಷೇಣ ಬದ್ಧೋ ವ್ರೀಹಿಃ ಸ್ಯಾತ್ತುಷಾಭಾವೇನ ತಂಡುಲಃ || ೬ ||
ಏವಂ ಬದ್ಧಸ್ತಥಾ ಜೀವಃ ಕರ್ಮನಾಶೇ ಸದಾಶಿವಃ |
ಪಾಶಬದ್ಧಸ್ತಥಾ ಜೀವಃ ಪಾಶಮುಕ್ತಃ ಸದಾಶಿವಃ || ೭ ||
ಶಿವಾಯ ವಿಷ್ಣುರೂಪಾಯ ಶಿವರೂಪಾಯ ವಿಷ್ಣವೇ |
ಶಿವಸ್ಯ ಹೃದಯಂ ವಿಷ್ಣುರ್ವಿಷ್ಣೋಶ್ಚ ಹೃದಯಂ ಶಿವಃ || ೮ ||
ಯಥಾ ಶಿವಮಯೋ ವಿಷ್ಣುರೇವಂ ವಿಷ್ಣುಮಯಃ ಶಿವಃ |
ಯಥಾಂತರಂ ನ ಪಶ್ಯಾಮಿ ತಥಾ ಮೇ ಸ್ವಸ್ತಿರಾಯುಷಿ || ೯ ||
ಯಥಾಂತರಂ ನ ಭೇದಾಃ ಸ್ಯುಃ ಶಿವಕೇಶವಯೋಸ್ತಥಾ |
ದೇಹೋ ದೇವಾಲಯಃ ಪ್ರೋಕ್ತಃ ಸ ಜೀವಃ ಕೇವಲಃ ಶಿವಃ |
ತ್ಯಜೇದಜ್ಞಾನನಿರ್ಮಾಲ್ಯಂ ಸೋಽಹಂ‍ಭಾವೇನ ಪೂಜಯೇತ್ || ೧೦ ||
ಅಭೇದದರ್ಶನಂ ಜ್ಞಾನಂ ಧ್ಯಾನಂ ನಿರ್ವಿಷಯಂ ಮನಃ |
ಸ್ನಾನಂ ಮನೋಮಲತ್ಯಾಗಃ ಶೌಚಮಿಂದ್ರಿಯನಿಗ್ರಹಃ || ೧೧ ||
ಬ್ರಹ್ಮಾಮೃತಂ ಪಿಬೇದ್ಭೈಕ್ಷ್ಯಮಾಚರೇದ್ದೇಹರಕ್ಷಣೇ |
ವಸೇದೇಕಾಂತಿಕೋ ಭೂತ್ವಾ ಚೈಕಾಂತೇ ದ್ವೈತವರ್ಜಿತೇ || ೧೨ ||
ಇತ್ಯೇವಮಾಚರೇದ್ಧೀಮಾನ್ಸ ಏವಂ ಮುಕ್ತಿಮಾಪ್ನುಯಾತ್ |
ಶ್ರೀಪರಮಧಾಮ್ನೇ ಸ್ವಸ್ತಿ ಚಿರಾಯುಷ್ಯೋನ್ನಮ ಇತಿ || ೧೩ ||
ವಿರಿಂಚಿನಾರಾಯಣಶಂಕರಾತ್ಮಕಂ
ನೃಸಿಂಹ ದೇವೇಶ ತವ ಪ್ರಸಾದತಃ |
ಅಚಿಂತ್ಯಮವ್ಯಕ್ತಮನಂತಮವ್ಯಯಂ
ವೇದಾತ್ಮಕಂ ಬ್ರಹ್ಮ ನಿಜಂ ವಿಜಾನತೇ || ೧೪ ||
ತದ್ವಿಷ್ಣೋಃ ಪರಮಂ ಪದಂ ಸದಾ ಪಶ್ಯಂತಿ ಸೂರಯಃ | ದಿವೀವ ಚಕ್ಷುರಾತತಮ್ | ತದ್ವಿಪ್ರಾಸೋ ವಿಪನ್ಯವೋ ಜಾಗೃವಾಂಸಃ ಸಮಿಂಧತೇ | ವಿಷ್ಣೋರ್ಯತ್ಪರಮಂ ಪದಮ್ | ಇತ್ಯೇತನ್ನಿರ್ವಾಣಾನುಶಾಸನಮಿತಿ ವೇದಾನುಶಾಸನಮಿತಿ ವೇದಾನುಶಾಸನಮಿತ್ಯುಪನಿಷತ್ || ೧೫ ||
ಓಂ ಸಹ ನಾವವತು | ಸಹ ನೌ ಭುನಕ್ತು | ಸಹ ವೀರ್ಯಂ ಕರವಾವಹೈ | ತೇಜಸ್ವಿ ನಾವಧೀತಮಸ್ತು ಮಾ ವಿದ್ವಿಷಾವಹೈ | ಓಂ ಶಾಂತಿಃ ಶಾಂತಿಃ ಶಾಂತಿಃ ||
ಇತಿ ಸ್ಕಂದೋಪನಿಷತ್ಸಮಾಪ್ತಾ |
Click to join Bhaktinidhi on Whatsapp 
