Kamasikashtakam is a devotional hymn for worshipping Lord Lakshmi Narasimha. It was composed by Sri Vendanta Desika, who was a famous philosopher, and guru of Sri Vaishnavism. Get Sri Kamasikashtakam in Kannada Pdf Lyrics here and chant it for the grace of Lord Lakshmi Narasimha.
Kamasikashtakam in Kannada – ಕಾಮಾಸಿಕಾಷ್ಟಕಂ
ಶ್ರುತೀನಾಮುತ್ತರಂ ಭಾಗಂ ವೇಗವತ್ಯಾಶ್ಚ ದಕ್ಷಿಣಂ |
ಕಾಮಾದಧಿವಸನ್ ಜೀಯಾತ್ಕಶ್ಚಿದದ್ಭುತಕೇಸರೀ || 1 ||
ತಪನೇಂದ್ವಗ್ನಿನಯನಃ ತಾಪಾನಪಚಿನೋತು ನಃ |
ತಾಪನೀಯರಹಸ್ಯಾನಾಂ ಸಾರಃ ಕಾಮಾಸಿಕಾಹರಿಃ || 2 ||
ಆಕಂಠಮಾದಿಪುರುಷಂ ಕಂಠೀರವಮುಪರಿ ಕುಂಠಿತಾರಾತಿಂ |
ವೇಗೋಪಕಂಠಸಂಗಾದ್ವಿಮುಕ್ತವೈಕುಂಠಬಹುಮತಿಮುಪಾಸೇ || 3 ||
ಬಂಧುಮಖಿಲಸ್ಯ ಜಂತೋರ್ಬಂಧುರಪರ್ಯಂಕಬಂಧರಮಣೀಯಂ |
ವಿಷಮವಿಲೋಚನಮೀಡೇ ವೇಗವತೀಪುಲಿನಕೇಲಿನರಸಿಂಹಂ || 4 ||
ಸ್ವಸ್ಥಾನೇಷು ಮರುದ್ಗಣಾನ್ ನಿಯಮಯನ್ ಸ್ವಾಧೀನಸರ್ವೇಂದ್ರಿಯಃ
ಪರ್ಯಂಕಸ್ಥಿರಧಾರಣಾಪ್ರಕಟಿತಪ್ರತ್ಯಙ್ಮುಖಾವಸ್ಥಿತಿಃ |
ಪ್ರಾಯೇಣ ಪ್ರಣಿಪೇದುಷಃ ಪ್ರಭುರಸೌ ಯೋಗಂ ನಿಜಂ ಶಿಕ್ಷಯನ್
ಕಾಮಾನಾತನುತಾದಶೇಷ ಜಗತಾಂ ಕಾಮಾಸಿಕಾ ಕೇಸರೀ || 5 ||
ವಿಕಸ್ವರನಖಸ್ವರುಕ್ಷತಹಿರಣ್ಯವಕ್ಷಃಸ್ಥಲೀ
ನಿರರ್ಗಲವಿನಿರ್ಗಲದ್ರುಧಿರಸಿಂಧುಸಂಧ್ಯಾಯಿತಾಃ |
ಅವಂತು ಮದನಾಸಿಕಾ ಮನುಜಪಂಚವಕ್ತ್ರಸ್ಯ ಮಾಂ
ಅಹಂಪ್ರಥಮಿಕಾ ಮಿಥಃ ಪ್ರಕಟಿತಾಹವಾ ಬಾಹವಃ || 6 ||
ಸಟಾಪಟಲಭೀಷಣೇ ಸರಭಸಾಟ್ಟಹಾಸೋದ್ಭಟೇ
ಸ್ಫುರತ್ಕ್ರುಧಿಪರಿಸ್ಫುಟಭ್ರುಕುಟಿಕೇಽಪಿ ವಕ್ತ್ರೇ ಕೃತೇ |
ಕೃಪಾಕಪಟಕೇಸರಿನ್ ದನುಜಡಿಂಭದತ್ತಸ್ತನಾ
ಸರೋಜಸದೃಶಾ ದೃಶಾ ವ್ಯತಿವಿಷಜ್ಯ ತೇ ವ್ಯಜ್ಯತೇ || 7 ||
ತ್ವಯಿ ರಕ್ಷತಿ ರಕ್ಷಕೈಃ ಕಿಮನ್ಯೈಸ್ತ್ವಯಿ ಚಾರಕ್ಷತಿ ರಕ್ಷಕೈಃ ಕಿಮನ್ಯೈಃ |
ಇತಿ ನಿಶ್ಚಿತಧೀಃ ಶ್ರಯಾಮಿ ನಿತ್ಯಂ ನೃಹರೇ ವೇಗವತೀತಟಾಶ್ರಯಂ ತ್ವಾಂ || 8 ||
ಇತ್ಥಂ ಸ್ತುತಃ ಸಕೃದಿಹಾಷ್ಟಭಿರೇಷ ಪದ್ಯೈಃ
ಶ್ರೀವೇಂಕಟೇಶರಚಿತೈಸ್ತ್ರಿದಶೇಂದ್ರವಂದ್ಯಃ |
ದುರ್ದಾಂತಘೋರದುರಿತದ್ವಿರದೇಂದ್ರಭೇದೀ
ಕಾಮಾಸಿಕಾನರಹರಿರ್ವಿತನೋತು ಕಾಮಾನ್ || 9 ||
ಇತಿ ಶ್ರೀವೇದಾಂತದೇಶಿಕೃತಂ ಕಾಮಾಸಿಕಾಷ್ಟಕಂ ಸಂಪೂರ್ಣಂ |
Click to join Bhaktinidhi on Whatsapp 
