Dakshinamurthy Sahasranama Stotram is the 1000 Names of Dakshinamurthy composed as a hymn. Lord Dakshinamurthy is an aspect of Lord Shiva as a Guru (teacher). Get Sri Dakshinamurthy Sahasranama Stotram in Kannada Pdf Lyrics here and chant it for Lord Dakshinamurthy.
Dakshinamurthy Sahasranama Stotram in Kannada – ಶ್ರೀ ದಕ್ಷಿಣಾಮೂರ್ತಿ ಸಹಸ್ರನಾಮ ಸ್ತೋತ್ರಂ
ಅಸ್ಯ ಶ್ರೀದಕ್ಷಿಣಾಮೂರ್ತಿಸಹಸ್ರನಾಮಸ್ತೋತ್ರಸ್ಯ ಬ್ರಹ್ಮಾ ಋಷಿಃ ಅನುಷ್ಟುಪ್ ಛಂದಃ ದಕ್ಷಿಣಾಮೂರ್ತಿರ್ದೇವತಾ ಓಂ ಬೀಜಂ ಸ್ವಾಹಾ ಶಕ್ತಿಃ ನಮಃ ಕೀಲಕಂ ಮೇಧಾದಕ್ಷಿಣಾಮೂರ್ತಿ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ಹ್ರಾಮಿತ್ಯಾದಿನಾ ನ್ಯಾಸಃ ||
ಧ್ಯಾನಂ –
ಸಿದ್ಧಿತೋಯನಿಧೇರ್ಮಧ್ಯೇ ರತ್ನಗ್ರೈವೇ ಮನೋರಮೇ |
ಕದಂಬವನಿಕಾಮಧ್ಯೇ ಶ್ರೀಮದ್ವಟತರೋರಧಃ || ೧ ||
ಆಸೀನಮಾದ್ಯಂ ಪುರುಷಮಾದಿಮಧ್ಯಾಂತವರ್ಜಿತಮ್ |
ಶುದ್ಧಸ್ಫಟಿಕಗೋಕ್ಷೀರಶರತ್ಪೂರ್ಣೇಂದುಶೇಖರಮ್ || ೨ ||
ದಕ್ಷಿಣೇ ಚಾಕ್ಷಮಾಲಾಂ ಚ ವಹ್ನಿಂ ವೈ ವಾಮಹಸ್ತಕೇ |
ಜಟಾಮಂಡಲಸಂಲಗ್ನಶೀತಾಂಶುಕರಮಂಡಿತಮ್ || ೩ ||
ನಾಗಹಾರಧರಂ ಚಾರುಕಂಕಣೈಃ ಕಟಿಸೂತ್ರಕೈಃ |
ವಿರಾಜಮಾನವೃಷಭಂ ವ್ಯಾಘ್ರಚರ್ಮಾಂಬರಾವೃತಮ್ || ೪ ||
ಚಿಂತಾಮಣಿಮಹಾಬೃಂದೈಃ ಕಲ್ಪಕೈಃ ಕಾಮಧೇನುಭಿಃ |
ಚತುಃಷಷ್ಟಿಕಲಾವಿದ್ಯಾಮೂರ್ತಿಭಿಃ ಶ್ರುತಿಮಸ್ತಕೈಃ || ೫ ||
ರತ್ನಸಿಂಹಾಸನೇ ಸಾಧುದ್ವೀಪಿಚರ್ಮಸಮಾಯುತೇ |
ತತ್ರಾಷ್ಟದಳಪದ್ಮಸ್ಯ ಕರ್ಣಿಕಾಯಾಂ ಸುಶೋಭನೇ || ೬ ||
ವೀರಾಸನೇ ಸಮಾಸೀನಂ ಲಂಬದಕ್ಷಪದಾಂಬುಜಮ್ |
ಜ್ಞಾನಮುದ್ರಾಂ ಪುಸ್ತಕಂ ಚ ವರಾಭೀತಿಧರಂ ಹರಮ್ || ೭ ||
ಪಾದಮೂಲಸಮಾಕ್ರಾಂತಮಹಾಪಸ್ಮಾರವೈಭವಮ್ |
ರುದ್ರಾಕ್ಷಮಾಲಾಭರಣಭೂಷಿತಂ ಭೂತಿಭಾಸುರಮ್ || ೮ ||
ಗಜಚರ್ಮೋತ್ತರೀಯಂ ಚ ಮಂದಸ್ಮಿತಮುಖಾಂಬುಜಮ್ |
ಸಿದ್ಧಬೃಂದೈರ್ಯೋಗಿಬೃಂದೈರ್ಮುನಿಬೃಂದೈರ್ನಿಷೇವಿತಮ್ || ೯ ||
ಆರಾಧ್ಯಮಾನವೃಷಭಮಗ್ನೀಂದುರವಿಲೋಚನಮ್ |
ಪೂರಯಂತಂ ಕೃಪಾದೃಷ್ಟ್ಯಾ ಪುಮರ್ಥಾನಾಶ್ರಿತೇ ಜನೇ || ೧೦ ||
ಏವಂ ವಿಭಾವಯೇದೀಶಂ ಸರ್ವವಿದ್ಯಾಕಳಾನಿಧಿಮ್ || ೧೧ ||
ಲಮಿತ್ಯಾದಿ ಪಂಚೋಪಚಾರಾಃ ||
ಸ್ತೋತ್ರಂ –
ದೇವದೇವೋ ಮಹಾದೇವೋ ದೇವಾನಾಮಪಿ ದೇಶಿಕಃ |
ದಕ್ಷಿಣಾಮೂರ್ತಿರೀಶಾನೋ ದಯಾಪೂರಿತದಿಙ್ಮುಖಃ || ೧ ||
ಕೈಲಾಸಶಿಖರೋತ್ತುಂಗಕಮನೀಯನಿಜಾಕೃತಿಃ |
ವಟದ್ರುಮತಟೀದಿವ್ಯಕನಕಾಸನಸಂಸ್ಥಿತಃ || ೨ ||
ಕಟೀತಟಪಟೀಭೂತಕರಿಚರ್ಮೋಜ್ಜ್ವಲಾಕೃತಿಃ |
ಪಾಟೀರಪಾಂಡುರಾಕಾರಪರಿಪೂರ್ಣಸುಧಾಧಿಪಃ |೩ ||
ಜಟಾಕೋಟೀರಘಟಿತಸುಧಾಕರಸುಧಾಪ್ಲುತಃ |
ಪಶ್ಯಲ್ಲಲಾಟಸುಭಗಸುಂದರಭ್ರೂವಿಲಾಸವಾನ್ || ೪ ||
ಕಟಾಕ್ಷಸರಣೀನಿರ್ಯತ್ಕರುಣಾಪೂರ್ಣಲೋಚನಃ |
ಕರ್ಣಾಲೋಲತಟಿದ್ವರ್ಣಕುಂಡಲೋಜ್ಜ್ವಲಗಂಡಭೂಃ || ೫ ||
ತಿಲಪ್ರಸೂನಸಂಕಾಶನಾಸಿಕಾಪುಟಭಾಸುರಃ |
ಮಂದಸ್ಮಿತಸ್ಫುರನ್ಮುಗ್ಧಮಹನೀಯಮುಖಾಂಬುಜಃ || ೬ ||
ಕುಂದಕುಡ್ಮಲಸಂಸ್ಪರ್ಧಿದಂತಪಂಕ್ತಿವಿರಾಜಿತಃ |
ಸಿಂದೂರಾರುಣಸುಸ್ನಿಗ್ಧಕೋಮಲಾಧರಪಲ್ಲವಃ || ೭ ||
ಶಂಖಾಟೋಪಗಲದ್ದಿವ್ಯಗಳವೈಭವಮಂಜುಲಃ |
ಕರಕಂದಲಿತಜ್ಞಾನಮುದ್ರಾರುದ್ರಾಕ್ಷಮಾಲಿಕಃ || ೮ ||
ಅನ್ಯಹಸ್ತತಲನ್ಯಸ್ತವೀಣಾಪುಸ್ತೋಲ್ಲಸದ್ವಪುಃ |
ವಿಶಾಲರುಚಿರೋರಸ್ಕವಲಿಮತ್ಪಲ್ಲವೋದರಃ || ೯ ||
ಬೃಹತ್ಕಟಿನಿತಂಬಾಢ್ಯಃ ಪೀವರೋರುದ್ವಯಾನ್ವಿತಃ |
ಜಂಘಾವಿಜಿತತೂಣೀರಸ್ತುಂಗಗುಲ್ಫಯುಗೋಜ್ಜ್ವಲಃ || ೧೦ ||
ಮೃದುಪಾಟಲಪಾದಾಬ್ಜಶ್ಚಂದ್ರಾಭನಖದೀಧಿತಿಃ |
ಅಪಸವ್ಯೋರುವಿನ್ಯಸ್ತಸವ್ಯಪಾದಸರೋರುಹಃ || ೧೧ ||
ಘೋರಾಪಸ್ಮಾರನಿಕ್ಷಿಪ್ತಧೀರದಕ್ಷಪದಾಂಬುಜಃ |
ಸನಕಾದಿಮುನಿಧ್ಯೇಯಃ ಸರ್ವಾಭರಣಭೂಷಿತಃ || ೧೨ ||
ದಿವ್ಯಚಂದನಲಿಪ್ತಾಂಗಶ್ಚಾರುಹಾಸಪರಿಷ್ಕೃತಃ |
ಕರ್ಪೂರಧವಳಾಕಾರಃ ಕಂದರ್ಪಶತಸುಂದರಃ || ೧೩ ||
ಕಾತ್ಯಾಯನೀಪ್ರೇಮನಿಧಿಃ ಕರುಣಾರಸವಾರಿಧಿಃ |
ಕಾಮಿತಾರ್ಥಪ್ರದಃ ಶ್ರೀಮತ್ಕಮಲಾವಲ್ಲಭಪ್ರಿಯಃ || ೧೪ ||
ಕಟಾಕ್ಷಿತಾತ್ಮವಿಜ್ಞಾನಃ ಕೈವಲ್ಯಾನಂದಕಂದಲಃ |
ಮಂದಹಾಸಸಮಾನೇಂದುಃ ಛಿನ್ನಾಜ್ಞಾನತಮಸ್ತತಿಃ || ೧೫ ||
ಸಂಸಾರಾನಲಸಂತಪ್ತಜನತಾಮೃತಸಾಗರಃ |
ಗಂಭೀರಹೃದಯಾಂಭೋಜನಭೋಮಣಿನಿಭಾಕೃತಿಃ || ೧೬ ||
ನಿಶಾಕರಕರಾಕಾರವಶೀಕೃತಜಗತ್ತ್ರಯಃ |
ತಾಪಸಾರಾಧ್ಯಪಾದಾಬ್ಜಸ್ತರುಣಾನಂದವಿಗ್ರಹಃ || ೧೭ ||
ಭೂತಿಭೂಷಿತಸರ್ವಾಂಗೋ ಭೂತಾಧಿಪತಿರೀಶ್ವರಃ |
ವದನೇಂದುಸ್ಮಿತಜ್ಯೋತ್ಸ್ನಾನಿಲೀನತ್ರಿಪುರಾಕೃತಿಃ || ೧೮ ||
ತಾಪತ್ರಯತಮೋಭಾನುಃ ಪಾಪಾರಣ್ಯದವಾನಲಃ |
ಸಂಸಾರಸಾಗರೋದ್ಧರ್ತಾ ಹಂಸಾಗ್ರ್ಯೋಪಾಸ್ಯವಿಗ್ರಹಃ || ೧೯ ||
ಲಲಾಟಹುತಭುಗ್ದಗ್ಧಮನೋಭವಶುಭಾಕೃತಿಃ |
ತುಚ್ಛೀಕೃತಜಗಜ್ಜಾಲಸ್ತುಷಾರಕರಶೀತಲಃ || ೨೦ ||
ಅಸ್ತಂಗತಸಮಸ್ತೇಚ್ಛೋ ನಿಸ್ತುಲಾನಂದಮಂಥರಃ |
ಧೀರೋದಾತ್ತಗುಣಾಧಾರ ಉದಾರವರವೈಭವಃ || ೨೧ ||
ಅಪಾರಕರುಣಾಮೂರ್ತಿರಜ್ಞಾನಧ್ವಾಂತಭಾಸ್ಕರಃ |
ಭಕ್ತಮಾನಸಹಂಸಾಗ್ರ್ಯೋ ಭವಾಮಯಭಿಷಕ್ತಮಃ || ೨೨ ||
ಯೋಗೀಂದ್ರಪೂಜ್ಯಪಾದಾಬ್ಜೋ ಯೋಗಪಟ್ಟೋಲ್ಲಸತ್ಕಟಿಃ |
ಶುದ್ಧಸ್ಫಟಿಕಸಂಕಾಶೋ ಬದ್ಧಪನ್ನಗಭೂಷಣಃ || ೨೩ ||
ನಾನಾಮುನಿಸಮಾಕೀರ್ಣೋ ನಾಸಾಗ್ರನ್ಯಸ್ತಲೋಚನಃ |
ವೇದಮೂರ್ಧೈಕಸಂವೇದ್ಯೋ ನಾದಧ್ಯಾನಪರಾಯಣಃ || ೨೪ ||
ಧರಾಧರೇಂದುರಾನಂದಸಂದೋಹರಸಸಾಗರಃ |
ದ್ವೈತಬೃಂದವಿಮೋಹಾಂಧ್ಯಪರಾಕೃತದೃಗದ್ಭುತಃ || ೨೫ ||
ಪ್ರತ್ಯಗಾತ್ಮಾ ಪರಂಜ್ಯೋತಿಃ ಪುರಾಣಃ ಪರಮೇಶ್ವರಃ |
ಪ್ರಪಂಚೋಪಶಮಃ ಪ್ರಾಜ್ಞಃ ಪುಣ್ಯಕೀರ್ತಿಃ ಪುರಾತನಃ || ೨೬ ||
ಸರ್ವಾಧಿಷ್ಠಾನಸನ್ಮಾತ್ರಃ ಸ್ವಾತ್ಮಬಂಧಹರೋ ಹರಃ |
ಸರ್ವಪ್ರೇಮನಿಜಾಹಾಸಃ ಸರ್ವಾನುಗ್ರಹಕೃಚ್ಛಿವಃ || ೨೭ ||
ಸರ್ವೇಂದ್ರಿಯಗುಣಾಭಾಸಃ ಸರ್ವಭೂತಗುಣಾಶ್ರಯಃ |
ಸಚ್ಚಿದಾನಂದಪೂರ್ಣಾತ್ಮಾ ಸ್ವೇ ಮಹಿಮ್ನಿ ಪ್ರತಿಷ್ಠಿತಃ || ೨೮ ||
ಸರ್ವಭೂತಾಂತರಃ ಸಾಕ್ಷೀ ಸರ್ವಜ್ಞಃ ಸರ್ವಕಾಮದಃ |
ಸನಕಾದಿಮಹಾಯೋಗಿಸಮಾರಾಧಿತಪಾದುಕಃ || ೨೯ ||
ಆದಿದೇವೋ ದಯಾಸಿಂಧುಃ ಶಿಕ್ಷಿತಾಸುರವಿಗ್ರಹಃ |
ಯಕ್ಷಕಿನ್ನರಗಂಧರ್ವಸ್ತೂಯಮಾನಾತ್ಮವೈಭವಃ || ೩೦ ||
ಬ್ರಹ್ಮಾದಿದೇವವಿನುತೋ ಯೋಗಮಾಯಾನಿಯೋಜಕಃ |
ಶಿವಯೋಗೀ ಶಿವಾನಂದಃ ಶಿವಭಕ್ತಸಮುದ್ಧರಃ || ೩೧ ||
ವೇದಾಂತಸಾರಸಂದೋಹಃ ಸರ್ವಸತ್ತ್ವಾವಲಂಬನಃ |
ವಟಮೂಲಾಶ್ರಯೋ ವಾಗ್ಮೀ ಮಾನ್ಯೋ ಮಲಯಜಪ್ರಿಯಃ || ೩೨ ||
ಸುಶೀಲೋ ವಾಂಛಿತಾರ್ಥಜ್ಞಃ ಪ್ರಸನ್ನವದನೇಕ್ಷಣಃ |
ನೃತ್ತಗೀತಕಲಾಭಿಜ್ಞಃ ಕರ್ಮವಿತ್ಕರ್ಮಮೋಚಕಃ || ೩೩ ||
ಕರ್ಮಸಾಕ್ಷೀ ಕರ್ಮಮಯಃ ಕರ್ಮಣಾಂ ಚ ಫಲಪ್ರದಃ |
ಜ್ಞಾನದಾತಾ ಸದಾಚಾರಃ ಸರ್ವೋಪದ್ರವಮೋಚಕಃ || ೩೪ ||
ಅನಾಥನಾಥೋ ಭಗವಾನಾಶ್ರಿತಾಮರಪಾದಪಃ |
ವರಪ್ರದಃ ಪ್ರಕಾಶಾತ್ಮಾ ಸರ್ವಭೂತಹಿತೇ ರತಃ || ೩೫ ||
ವ್ಯಾಘ್ರಚರ್ಮಾಸನಾಸೀನ ಆದಿಕರ್ತಾ ಮಹೇಶ್ವರಃ |
ಸುವಿಕ್ರಮಃ ಸರ್ವಗತೋ ವಿಶಿಷ್ಟಜನವತ್ಸಲಃ || ೩೬ ||
ಚಿಂತಾಶೋಕಪ್ರಶಮನೋ ಜಗದಾನಂದಕಾರಕಃ |
ರಶ್ಮಿಮಾನ್ ಭುವನೇಶಶ್ಚ ದೇವಾಸುರಸುಪೂಜಿತಃ || ೩೭ ||
ಮೃತ್ಯುಂಜಯೋ ವ್ಯೋಮಕೇಶಃ ಷಟ್ತ್ರಿಂಶತ್ತತ್ತ್ವಸಂಗ್ರಹಃ |
ಅಜ್ಞಾತಸಂಭವೋ ಭಿಕ್ಷುರದ್ವಿತೀಯೋ ದಿಗಂಬರಃ || ೩೮ ||
ಸಮಸ್ತದೇವತಾಮೂರ್ತಿಃ ಸೋಮಸೂರ್ಯಾಗ್ನಿಲೋಚನಃ |
ಸರ್ವಸಾಮ್ರಾಜ್ಯನಿಪುಣೋ ಧರ್ಮಮಾರ್ಗಪ್ರವರ್ತಕಃ || ೩೯ ||
ವಿಶ್ವಾಧಿಕಃ ಪಶುಪತಿಃ ಪಶುಪಾಶವಿಮೋಚಕಃ |
ಅಷ್ಟಮೂರ್ತಿರ್ದೀಪ್ತಮೂರ್ತಿರ್ನಾಮೋಚ್ಚಾರಣಮುಕ್ತಿದಃ || ೪೦ ||
ಸಹಸ್ರಾದಿತ್ಯಸಂಕಾಶಃ ಸದಾಷೋಡಶವಾರ್ಷಿಕಃ |
ದಿವ್ಯಕೇಲೀಸಮಾಯುಕ್ತೋ ದಿವ್ಯಮಾಲ್ಯಾಂಬರಾವೃತಃ || ೪೧ ||
ಅನರ್ಘರತ್ನಸಂಪೂರ್ಣೋ ಮಲ್ಲಿಕಾಕುಸುಮಪ್ರಿಯಃ |
ತಪ್ತಚಾಮೀಕರಾಕಾರೋ ಜಿತದಾವಾನಲಾಕೃತಿಃ || ೪೨ ||
ನಿರಂಜನೋ ನಿರ್ವಿಕಾರೋ ನಿಜಾವಾಸೋ ನಿರಾಕೃತಿಃ |
ಜಗದ್ಗುರುರ್ಜಗತ್ಕರ್ತಾ ಜಗದೀಶೋ ಜಗತ್ಪತಿಃ || ೪೩ ||
ಕಾಮಹಂತಾ ಕಾಮಮೂರ್ತಿಃ ಕಳ್ಯಾಣವೃಷವಾಹನಃ |
ಗಂಗಾಧರೋ ಮಹಾದೇವೋ ದೀನಬಂಧವಿಮೋಚಕಃ || ೪೪ ||
ಧೂರ್ಜಟಿಃ ಖಂಡಪರಶುಃ ಸದ್ಗುಣೋ ಗಿರಿಜಾಸಖಃ |
ಅವ್ಯಯೋ ಭೂತಸೇನೇಶಃ ಪಾಪಘ್ನಃ ಪುಣ್ಯದಾಯಕಃ || ೪೫ ||
ಉಪದೇಷ್ಟಾ ದೃಢಪ್ರಜ್ಞೋ ರುದ್ರೋ ರೋಗವಿನಾಶನಃ |
ನಿತ್ಯಾನಂದೋ ನಿರಾಧಾರೋ ಹರೋ ದೇವಶಿಖಾಮಣಿಃ || ೪೬ ||
ಪ್ರಣತಾರ್ತಿಹರಃ ಸೋಮಃ ಸಾಂದ್ರಾನಂದೋ ಮಹಾಮತಿಃ |
ಆಶ್ಚರ್ಯವೈಭವೋ ದೇವಃ ಸಂಸಾರಾರ್ಣವತಾರಕಃ || ೪೭ ||
ಯಜ್ಞೇಶೋ ರಾಜರಾಜೇಶೋ ಭಸ್ಮರುದ್ರಾಕ್ಷಲಾಂಛನಃ |
ಅನಂತಸ್ತಾರಕಃ ಸ್ಥಾಣುಃ ಸರ್ವವಿದ್ಯೇಶ್ವರೋ ಹರಿಃ || ೪೮ ||
ವಿಶ್ವರೂಪೋ ವಿರೂಪಾಕ್ಷಃ ಪ್ರಭುಃ ಪರಿಬೃಢೋ ದೃಢಃ |
ಭವ್ಯೋ ಜಿತಾರಿಷಡ್ವರ್ಗೋ ಮಹೋದಾರೋ ವಿಷಾಶನಃ || ೪೯ ||
ಸುಕೀರ್ತಿರಾದಿಪುರುಷೋ ಜರಾಮರಣವರ್ಜಿತಃ |
ಪ್ರಮಾಣಭೂತೋ ದುರ್ಜ್ಞೇಯಃ ಪುಣ್ಯಃ ಪರಪುರಂಜಯಃ || ೫೦ ||
ಗುಣಾಕಾರೋ ಗುಣಶ್ರೇಷ್ಠಃ ಸಚ್ಚಿದಾನಂದವಿಗ್ರಹಃ |
ಸುಖದಃ ಕಾರಣಂ ಕರ್ತಾ ಭವಬಂಧವಿಮೋಚಕಃ || ೫೧ ||
ಅನಿರ್ವಿಣ್ಣೋ ಗುಣಗ್ರಾಹೀ ನಿಷ್ಕಳಂಕಃ ಕಳಂಕಹಾ |
ಪುರುಷಃ ಶಾಶ್ವತೋ ಯೋಗೀ ವ್ಯಕ್ತಾವ್ಯಕ್ತಃ ಸನಾತನಃ || ೫೨ ||
ಚರಾಚರಾತ್ಮಾ ಸೂಕ್ಷ್ಮಾತ್ಮಾ ವಿಶ್ವಕರ್ಮಾ ತಮೋಪಹೃತ್ |
ಭುಜಂಗಭೂಷಣೋ ಭರ್ಗಸ್ತರುಣಃ ಕರುಣಾಲಯಃ || ೫೩ ||
ಅಣಿಮಾದಿಗುಣೋಪೇತೋ ಲೋಕವಶ್ಯವಿಧಾಯಕಃ |
ಯೋಗಪಟ್ಟಧರೋ ಮುಕ್ತೋ ಮುಕ್ತಾನಾಂ ಪರಮಾ ಗತಿಃ || ೫೪ ||
ಗುರುರೂಪಧರಃ ಶ್ರೀಮತ್ಪರಮಾನಂದಸಾಗರಃ |
ಸಹಸ್ರಬಾಹುಃ ಸರ್ವೇಶಃ ಸಹಸ್ರಾವಯವಾನ್ವಿತಃ || ೫೫ ||
ಸಹಸ್ರಮೂರ್ಧಾ ಸರ್ವಾತ್ಮಾ ಸಹಸ್ರಾಕ್ಷಃ ಸಹಸ್ರಪಾತ್ |
ನಿರಾಭಾಸಃ ಸೂಕ್ಷ್ಮತನುರ್ಹೃದಿ ಜ್ಞಾತಃ ಪರಾತ್ಪರಃ || ೫೬ ||
ಸರ್ವಾತ್ಮಗಃ ಸರ್ವಸಾಕ್ಷೀ ನಿಃಸಂಗೋ ನಿರುಪದ್ರವಃ |
ನಿಷ್ಕಳಃ ಸಕಲಾಧ್ಯಕ್ಷಶ್ಚಿನ್ಮಯಸ್ತಮಸಃ ಪರಃ || ೫೭ ||
ಜ್ಞಾನವೈರಾಗ್ಯಸಂಪನ್ನೋ ಯೋಗಾನಂದಮಯಃ ಶಿವಃ |
ಶಾಶ್ವತೈಶ್ವರ್ಯಸಂಪೂರ್ಣೋ ಮಹಾಯೋಗೀಶ್ವರೇಶ್ವರಃ || ೫೮ ||
ಸಹಸ್ರಶಕ್ತಿಸಂಯುಕ್ತಃ ಪುಣ್ಯಕಾಯೋ ದುರಾಸದಃ |
ತಾರಕಬ್ರಹ್ಮಸಂಪೂರ್ಣಸ್ತಪಸ್ವಿಜನಸಂವೃತಃ || ೫೯ ||
ವಿಧೀಂದ್ರಾಮರಸಂಪೂಜ್ಯೋ ಜ್ಯೋತಿಷಾಂ ಜ್ಯೋತಿರುತ್ತಮಃ |
ನಿರಕ್ಷರೋ ನಿರಾಲಂಬಃ ಸ್ವಾತ್ಮಾರಾಮೋ ವಿಕರ್ತನಃ || ೬೦ ||
ನಿರವದ್ಯೋ ನಿರಾತಂಕೋ ಭೀಮೋ ಭೀಮಪರಾಕ್ರಮಃ |
ವೀರಭದ್ರಃ ಪುರಾರಾತಿರ್ಜಲಂಧರಶಿರೋಹರಃ || ೬೧ ||
ಅಂಧಕಾಸುರಸಂಹರ್ತಾ ಭಗನೇತ್ರಭಿದದ್ಭುತಃ |
ವಿಶ್ವಗ್ರಾಸೋಽಧರ್ಮಶತ್ರುರ್ಬ್ರಹ್ಮಜ್ಞಾನೈಕಮಂಥರಃ || ೬೨ ||
ಅಗ್ರೇಸರಸ್ತೀರ್ಥಭೂತಃ ಸಿತಭಸ್ಮಾವಕುಂಠನಃ |
ಅಕುಂಠಮೇಧಾಃ ಶ್ರೀಕಂಠೋ ವೈಕುಂಠಪರಮಪ್ರಿಯಃ || ೬೩ ||
ಲಲಾಟೋಜ್ಜ್ವಲನೇತ್ರಾಬ್ಜಸ್ತುಷಾರಕರಶೇಖರಃ |
ಗಜಾಸುರಶಿರಶ್ಛೇತ್ತಾ ಗಂಗೋದ್ಭಾಸಿತಮೂರ್ಧಜಃ || ೬೪ ||
ಕಳ್ಯಾಣಾಚಲಕೋದಂಡಃ ಕಮಲಾಪತಿಸಾಯಕಃ |
ವಾರಾಂಶೇವಧಿತೂಣೀರಃ ಸರೋಜಾಸನಸಾರಥಿಃ || ೬೫ ||
ತ್ರಯೀತುರಂಗಸಂಕ್ರಾಂತೋ ವಾಸುಕಿಜ್ಯಾವಿರಾಜಿತಃ |
ರವೀಂದುಚರಣಾಚಾರಿಧರಾರಥವಿರಾಜಿತಃ || ೬೬ ||
ತ್ರಯ್ಯಂತಪ್ರಗ್ರಹೋದಾರಚಾರುಘಂಟಾರವೋಜ್ಜ್ವಲಃ |
ಉತ್ತಾನಪರ್ವಲೋಮಾಢ್ಯೋ ಲೀಲಾವಿಜಿತಮನ್ಮಥಃ || ೬೭ ||
ಜಾತುಪ್ರಪನ್ನಜನತಾಜೀವನೋಪಾಯನೋತ್ಸುಕಃ |
ಸಂಸಾರಾರ್ಣವನಿರ್ಮಗ್ನಸಮುದ್ಧರಣಪಂಡಿತಃ || ೬೮ ||
ಮದದ್ವಿರದಧಿಕ್ಕಾರಿಗತಿಮಂಜುಲವೈಭವಃ |
ಮತ್ತಕೋಕಿಲಮಾಧುರ್ಯರಸನಿರ್ಭರಗೀರ್ಗಣಃ || ೬೯ ||
ಕೈವಲ್ಯೋದಧಿಕಲ್ಲೋಲಲೀಲಾತಾಂಡವಪಂಡಿತಃ |
ವಿಷ್ಣುರ್ಜಿಷ್ಣುರ್ವಾಸುದೇವಃ ಪ್ರಭವಿಷ್ಣುಃ ಪುರಾತನಃ || ೭೦ ||
ವರ್ಧಿಷ್ಣುರ್ವರದೋ ವೈದ್ಯೋ ಹರಿರ್ನಾರಾಯಣೋಽಚ್ಯುತಃ |
ಅಜ್ಞಾನವನದಾವಾಗ್ನಿಃ ಪ್ರಜ್ಞಾಪ್ರಾಸಾದಭೂಪತಿಃ || ೭೧ ||
ಸರ್ಪಭೂಷಿತಸರ್ವಾಂಗಃ ಕರ್ಪೂರೋಜ್ಜ್ವಲಿತಾಕೃತಿಃ |
ಅನಾದಿಮಧ್ಯನಿಧನೋ ಗಿರೀಶೋ ಗಿರಿಜಾಪತಿಃ || ೭೨ ||
ವೀತರಾಗೋ ವಿನೀತಾತ್ಮಾ ತಪಸ್ವೀ ಭೂತಭಾವನಃ |
ದೇವಾಸುರಗುರುಧ್ಯೇಯೋ ದೇವಾಸುರನಮಸ್ಕೃತಃ || ೭೩ ||
ದೇವಾದಿದೇವೋ ದೇವರ್ಷಿರ್ದೇವಾಸುರವರಪ್ರದಃ |
ಸರ್ವದೇವಮಯೋಽಚಿಂತ್ಯೋ ದೇವಾತ್ಮಾ ಚಾತ್ಮಸಂಭವಃ || ೭೪ ||
ನಿರ್ಲೇಪೋ ನಿಷ್ಪ್ರಪಂಚಾತ್ಮಾ ನಿರ್ವಿಘ್ನೋ ವಿಘ್ನನಾಶಕಃ |
ಏಕಜ್ಯೋತಿರ್ನಿರಾತಂಕೋ ವ್ಯಾಪ್ತಮೂರ್ತಿರನಾಕುಲಃ || ೭೫ ||
ನಿರವದ್ಯಪದೋಪಾಧಿರ್ವಿದ್ಯಾರಾಶಿರನುತ್ತಮಃ |
ನಿತ್ಯಾನಂದಃ ಸುರಾಧ್ಯಕ್ಷೋ ನಿಃಸಂಕಲ್ಪೋ ನಿರಂಜನಃ || ೭೬ ||
ನಿಷ್ಕಳಂಕೋ ನಿರಾಕಾರೋ ನಿಷ್ಪ್ರಪಂಚೋ ನಿರಾಮಯಃ |
ವಿದ್ಯಾಧರೋ ವಿಯತ್ಕೇಶೋ ಮಾರ್ಕಂಡೇಯವರಪ್ರದಃ || ೭೭ ||
ಭೈರವೋ ಭೈರವೀನಾಥಃ ಕಾಮದಃ ಕಮಲಾಸನಃ |
ವೇದವೇದ್ಯಃ ಸುರಾನಂದೋ ಲಸಜ್ಜ್ಯೋತಿಃ ಪ್ರಭಾಕರಃ || ೭೮ ||
ಚೂಡಾಮಣಿಃ ಸುರಾಧೀಶೋ ಯಜ್ಞಗೇಯೋ ಹರಿಪ್ರಿಯಃ |
ನಿರ್ಲೇಪೋ ನೀತಿಮಾನ್ ಸೂತ್ರೀ ಶ್ರೀಹಾಲಾಹಲಸುಂದರಃ || ೭೯ ||
ಧರ್ಮದಕ್ಷೋ ಮಹಾರಾಜಃ ಕಿರೀಟೀ ವಂದಿತೋ ಗುಹಃ |
ಮಾಧವೋ ಯಾಮಿನೀನಾಥಃ ಶಂಬರಃ ಶಬರೀಪ್ರಿಯಃ || ೮೦ ||
ಸಂಗೀತವೇತ್ತಾ ಲೋಕಜ್ಞಃ ಶಾಂತಃ ಕಲಶಸಂಭವಃ |
ಬ್ರಹ್ಮಣ್ಯೋ ವರದೋ ನಿತ್ಯಃ ಶೂಲೀ ಗುರುವರೋ ಹರಃ || ೮೧ ||
ಮಾರ್ತಾಂಡಃ ಪುಂಡರೀಕಾಕ್ಷೋ ಲೋಕನಾಯಕವಿಕ್ರಮಃ |
ಮುಕುಂದಾರ್ಚ್ಯೋ ವೈದ್ಯನಾಥಃ ಪುರಂದರವರಪ್ರದಃ || ೮೨ ||
ಭಾಷಾವಿಹೀನೋ ಭಾಷಾಜ್ಞೋ ವಿಘ್ನೇಶೋ ವಿಘ್ನನಾಶನಃ |
ಕಿನ್ನರೇಶೋ ಬೃಹದ್ಭಾನುಃ ಶ್ರೀನಿವಾಸಃ ಕಪಾಲಭೃತ್ || ೮೩ ||
ವಿಜಯೋ ಭೂತಭಾವಜ್ಞೋ ಭೀಮಸೇನೋ ದಿವಾಕರಃ |
ಬಿಲ್ವಪ್ರಿಯೋ ವಸಿಷ್ಠೇಶಃ ಸರ್ವಮಾರ್ಗಪ್ರವರ್ತಕಃ || ೮೪ ||
ಓಷಧೀಶೋ ವಾಮದೇವೋ ಗೋವಿಂದೋ ನೀಲಲೋಹಿತಃ |
ಷಡರ್ಧನಯನಃ ಶ್ರೀಮನ್ಮಹಾದೇವೋ ವೃಷಧ್ವಜಃ || ೮೫ ||
ಕರ್ಪೂರದೀಪಿಕಾಲೋಲಃ ಕರ್ಪೂರರಸಚರ್ಚಿತಃ |
ಅವ್ಯಾಜಕರುಣಾಮೂರ್ತಿಸ್ತ್ಯಾಗರಾಜಃ ಕ್ಷಪಾಕರಃ || ೮೬ ||
ಆಶ್ಚರ್ಯವಿಗ್ರಹಃ ಸೂಕ್ಷ್ಮಃ ಸಿದ್ಧೇಶಃ ಸ್ವರ್ಣಭೈರವಃ |
ದೇವರಾಜಃ ಕೃಪಾಸಿಂಧುರದ್ವಯೋಽಮಿತವಿಕ್ರಮಃ || ೮೭ ||
ನಿರ್ಭೇದೋ ನಿತ್ಯಸತ್ವಸ್ಥೋ ನಿರ್ಯೋಗಕ್ಷೇಮ ಆತ್ಮವಾನ್ |
ನಿರಪಾಯೋ ನಿರಾಸಂಗೋ ನಿಃಶಬ್ದೋ ನಿರುಪಾಧಿಕಃ || ೮೮ ||
ಭವಃ ಸರ್ವೇಶ್ವರಃ ಸ್ವಾಮೀ ಭವಭೀತಿವಿಭಂಜನಃ |
ದಾರಿದ್ರ್ಯತೃಣಕೂಟಾಗ್ನಿರ್ದಾರಿತಾಸುರಸಂತತಿಃ || ೮೯ ||
ಮುಕ್ತಿದೋ ಮುದಿತೋಽಕುಬ್ಜೋ ಧಾರ್ಮಿಕೋ ಭಕ್ತವತ್ಸಲಃ |
ಅಭ್ಯಾಸಾತಿಶಯಜ್ಞೇಯಶ್ಚಂದ್ರಮೌಳಿಃ ಕಳಾಧರಃ || ೯೦ ||
ಮಹಾಬಲೋ ಮಹಾವೀರ್ಯೋ ವಿಭುಃ ಶ್ರೀಶಃ ಶುಭಪ್ರದಃ |
ಸಿದ್ಧಃ ಪುರಾಣಪುರುಷೋ ರಣಮಂಡಲಭೈರವಃ || ೯೧ ||
ಸದ್ಯೋಜಾತೋ ವಟಾರಣ್ಯವಾಸೀ ಪುರುಷವಲ್ಲಭಃ |
ಹರಿಕೇಶೋ ಮಹಾತ್ರಾತಾ ನೀಲಗ್ರೀವಃ ಸುಮಂಗಳಃ || ೯೨ ||
ಹಿರಣ್ಯಬಾಹುಸ್ತೀಕ್ಷ್ಣಾಂಶುಃ ಕಾಮೇಶಃ ಸೋಮವಿಗ್ರಹಃ |
ಸರ್ವಾತ್ಮಾ ಸರ್ವಕರ್ತಾ ಚ ತಾಂಡವೋ ಮುಂಡಮಾಲಿಕಃ || ೯೩ ||
ಅಗ್ರಗಣ್ಯಃ ಸುಗಂಭೀರೋ ದೇಶಿಕೋ ವೈದಿಕೋತ್ತಮಃ |
ಪ್ರಸನ್ನದೇವೋ ವಾಗೀಶಶ್ಚಿಂತಾತಿಮಿರಭಾಸ್ಕರಃ || ೯೪ ||
ಗೌರೀಪತಿಸ್ತುಂಗಮೌಳಿರ್ಮಖರಾಜೋ ಮಹಾಕವಿಃ |
ಶ್ರೀಧರಃ ಸರ್ವಸಿದ್ಧೇಶೋ ವಿಶ್ವನಾಥೋ ದಯಾನಿಧಿಃ || ೯೫ ||
ಅಂತರ್ಮುಖೋ ಬಹಿರ್ದೃಷ್ಟಿಃ ಸಿದ್ಧವೇಷಮನೋಹರಃ |
ಕೃತ್ತಿವಾಸಾಃ ಕೃಪಾಸಿಂಧುರ್ಮಂತ್ರಸಿದ್ಧೋ ಮತಿಪ್ರದಃ || ೯೬ ||
ಮಹೋತ್ಕೃಷ್ಟಃ ಪುಣ್ಯಕರೋ ಜಗತ್ಸಾಕ್ಷೀ ಸದಾಶಿವಃ |
ಮಹಾಕ್ರತುರ್ಮಹಾಯಜ್ವಾ ವಿಶ್ವಕರ್ಮಾ ತಪೋನಿಧಿಃ || ೯೭ ||
ಛಂದೋಮಯೋ ಮಹಾಜ್ಞಾನೀ ಸರ್ವಜ್ಞೋ ದೇವವಂದಿತಃ |
ಸಾರ್ವಭೌಮಃ ಸದಾನಂದಃ ಕರುಣಾಮೃತವಾರಿಧಿಃ || ೯೮ ||
ಕಾಲಕಾಲಃ ಕಲಿಧ್ವಂಸೀ ಜರಾಮರಣನಾಶಕಃ |
ಶಿತಿಕಂಠಶ್ಚಿದಾನಂದೋ ಯೋಗಿನೀಗಣಸೇವಿತಃ || ೯೯ ||
ಚಂಡೀಶಃ ಶುಕಸಂವೇದ್ಯಃ ಪುಣ್ಯಶ್ಲೋಕೋ ದಿವಸ್ಪತಿಃ |
ಸ್ಥಾಯೀ ಸಕಲತತ್ತ್ವಾತ್ಮಾ ಸದಾಸೇವಕವರ್ಧನಃ || ೧೦೦ ||
ರೋಹಿತಾಶ್ವಃ ಕ್ಷಮಾರೂಪೀ ತಪ್ತಚಾಮೀಕರಪ್ರಭಃ |
ತ್ರಿಯಂಬಕೋ ವರರುಚಿರ್ದೇವದೇವಶ್ಚತುರ್ಭುಜಃ || ೧೦೧ ||
ವಿಶ್ವಂಭರೋ ವಿಚಿತ್ರಾಂಗೋ ವಿಧಾತಾ ಪುರಶಾಸನಃ |
ಸುಬ್ರಹ್ಮಣ್ಯೋ ಜಗತ್ಸ್ವಾಮೀ ರೋಹಿತಾಕ್ಷಃ ಶಿವೋತ್ತಮಃ || ೧೦೨ ||
ನಕ್ಷತ್ರಮಾಲಾಭರಣೋ ಮಘವಾನ್ ಅಘನಾಶನಃ |
ವಿಧಿಕರ್ತಾ ವಿಧಾನಜ್ಞಃ ಪ್ರಧಾನಪುರುಷೇಶ್ವರಃ || ೧೦೩ ||
ಚಿಂತಾಮಣಿಃ ಸುರಗುರುರ್ಧ್ಯೇಯೋ ನೀರಾಜನಪ್ರಿಯಃ |
ಗೋವಿಂದೋ ರಾಜರಾಜೇಶೋ ಬಹುಪುಷ್ಪಾರ್ಚನಪ್ರಿಯಃ || ೧೦೪ ||
ಸರ್ವಾನಂದೋ ದಯಾರೂಪೀ ಶೈಲಜಾಸುಮನೋಹರಃ |
ಸುವಿಕ್ರಮಃ ಸರ್ವಗತೋ ಹೇತುಸಾಧನವರ್ಜಿತಃ || ೧೦೫ ||
ವೃಷಾಂಕೋ ರಮಣೀಯಾಂಗಃ ಸದಂಘ್ರಿಃ ಸಾಮಪಾರಗಃ |
ಮಂತ್ರಾತ್ಮಾ ಕೋಟಿಕಂದರ್ಪಸೌಂದರ್ಯರಸವಾರಿಧಿಃ || ೧೦೬ ||
ಯಜ್ಞೇಶೋ ಯಜ್ಞಪುರುಷಃ ಸೃಷ್ಟಿಸ್ಥಿತ್ಯಂತಕಾರಣಮ್ |
ಪರಹಂಸೈಕಜಿಜ್ಞಾಸ್ಯಃ ಸ್ವಪ್ರಕಾಶಸ್ವರೂಪವಾನ್ || ೧೦೭ ||
ಮುನಿಮೃಗ್ಯೋ ದೇವಮೃಗ್ಯೋ ಮೃಗಹಸ್ತೋ ಮೃಗೇಶ್ವರಃ |
ಮೃಗೇಂದ್ರಚರ್ಮವಸನೋ ನರಸಿಂಹನಿಪಾತನಃ || ೧೦೮ ||
ಮುನಿವಂದ್ಯೋ ಮುನಿಶ್ರೇಷ್ಠೋ ಮುನಿಬೃಂದನಿಷೇವಿತಃ |
ದುಷ್ಟಮೃತ್ಯುರದುಷ್ಟೇಹೋ ಮೃತ್ಯುಹಾ ಮೃತ್ಯುಪೂಜಿತಃ || ೧೦೯ ||
ಅವ್ಯಕ್ತೋಽಂಬುಜಜನ್ಮಾದಿಕೋಟಿಕೋಟಿಸುಪೂಜಿತಃ |
ಲಿಂಗಮೂರ್ತಿರಲಿಂಗಾತ್ಮಾ ಲಿಂಗಾತ್ಮಾ ಲಿಂಗವಿಗ್ರಹಃ || ೧೧೦ ||
ಯಜುರ್ಮೂರ್ತಿಃ ಸಾಮಮೂರ್ತಿರೃಙ್ಮೂರ್ತಿರ್ಮೂರ್ತಿವರ್ಜಿತಃ |
ವಿಶ್ವೇಶೋ ಗಜಚರ್ಮೈಕಚೇಲಾಂಚಿತಕಟೀತಟಃ || ೧೧೧ ||
ಪಾವನಾಂತೇವಸದ್ಯೋಗಿಜನಸಾರ್ಥಸುಧಾಕರಃ |
ಅನಂತಸೋಮಸೂರ್ಯಾಗ್ನಿಮಂಡಲಪ್ರತಿಮಪ್ರಭಃ || ೧೧೨ ||
ಚಿಂತಾಶೋಕಪ್ರಶಮನಃ ಸರ್ವವಿದ್ಯಾವಿಶಾರದಃ |
ಭಕ್ತವಿಜ್ಞಪ್ತಿಸಂಧಾತಾ ಕರ್ತಾ ಗಿರಿವರಾಕೃತಿಃ || ೧೧೩ ||
ಜ್ಞಾನಪ್ರದೋ ಮನೋವಾಸಃ ಕ್ಷೇಮ್ಯೋ ಮೋಹವಿನಾಶನಃ |
ಸುರೋತ್ತಮಶ್ಚಿತ್ರಭಾನುಃ ಸದಾವೈಭವತತ್ಪರಃ || ೧೧೪ ||
ಸುಹೃದಗ್ರೇಸರಃ ಸಿದ್ಧಜ್ಞಾನಮುದ್ರೋ ಗಣಾಧಿಪಃ |
ಆಗಮಶ್ಚರ್ಮವಸನೋ ವಾಂಛಿತಾರ್ಥಫಲಪ್ರದಃ || ೧೧೫ ||
ಅಂತರ್ಹಿತೋಽಸಮಾನಶ್ಚ ದೇವಸಿಂಹಾಸನಾಧಿಪಃ |
ವಿವಾದಹಂತಾ ಸರ್ವಾತ್ಮಾ ಕಾಲಃ ಕಾಲವಿವರ್ಜಿತಃ || ೧೧೬ ||
ವಿಶ್ವಾತೀತೋ ವಿಶ್ವಕರ್ತಾ ವಿಶ್ವೇಶೋ ವಿಶ್ವಕಾರಣಮ್ |
ಯೋಗಿಧ್ಯೇಯೋ ಯೋಗನಿಷ್ಠೋ ಯೋಗಾತ್ಮಾ ಯೋಗವಿತ್ತಮಃ || ೧೧೭ ||
ಓಂಕಾರರೂಪೋ ಭಗವಾನ್ ಬಿಂದುನಾದಮಯಃ ಶಿವಃ |
ಚತುರ್ಮುಖಾದಿಸಂಸ್ತುತ್ಯಶ್ಚತುರ್ವರ್ಗಫಲಪ್ರದಃ || ೧೧೮ ||
ಸಹ್ಯಾಚಲಗುಹಾವಾಸೀ ಸಾಕ್ಷಾನ್ಮೋಕ್ಷರಸಾಮೃತಃ |
ದಕ್ಷಾಧ್ವರಸಮುಚ್ಛೇತ್ತಾ ಪಕ್ಷಪಾತವಿವರ್ಜಿತಃ || ೧೧೯ ||
ಓಂಕಾರವಾಚಕಃ ಶಂಭುಃ ಶಂಕರಃ ಶಶಿಶೀತಲಃ |
ಪಂಕಜಾಸನಸಂಸೇವ್ಯಃ ಕಿಂಕರಾಮರವತ್ಸಲಃ || ೧೨೦ ||
ನತದೌರ್ಭಾಗ್ಯತೂಲಾಗ್ನಿಃ ಕೃತಕೌತುಕಮಂಗಳಃ |
ತ್ರಿಲೋಕಮೋಹನಃ ಶ್ರೀಮತ್ತ್ರಿಪುಂಡ್ರಾಂಕಿತಮಸ್ತಕಃ || ೧೨೧ ||
ಕ್ರೌಂಚಾರಿಜನಕಃ ಶ್ರೀಮದ್ಗಣನಾಥಸುತಾನ್ವಿತಃ |
ಅದ್ಭುತಾನಂತವರದೋಽಪರಿಚ್ಛಿನಾತ್ಮವೈಭವಃ || ೧೨೨ ||
ಇಷ್ಟಾಪೂರ್ತಪ್ರಿಯಃ ಶರ್ವ ಏಕವೀರಃ ಪ್ರಿಯಂವದಃ |
ಊಹಾಪೋಹವಿನಿರ್ಮುಕ್ತ ಓಂಕಾರೇಶ್ವರಪೂಜಿತಃ || ೧೨೩ ||
ರುದ್ರಾಕ್ಷವಕ್ಷಾ ರುದ್ರಾಕ್ಷರೂಪೋ ರುದ್ರಾಕ್ಷಪಕ್ಷಕಃ |
ಭುಜಗೇಂದ್ರಲಸತ್ಕಂಠೋ ಭುಜಂಗಾಭರಣಪ್ರಿಯಃ || ೧೨೪ ||
ಕಳ್ಯಾಣರೂಪಃ ಕಳ್ಯಾಣಃ ಕಳ್ಯಾಣಗುಣಸಂಶ್ರಯಃ |
ಸುಂದರಭ್ರೂಃ ಸುನಯನಃ ಸುಲಲಾಟಃ ಸುಕಂಧರಃ || ೧೨೫ ||
ವಿದ್ವಜ್ಜನಾಶ್ರಯೋ ವಿದ್ವಜ್ಜನಸ್ತವ್ಯಪರಾಕ್ರಮಃ |
ವಿನೀತವತ್ಸಲೋ ನೀತಿಸ್ವರೂಪೋ ನೀತಿಸಂಶ್ರಯಃ || ೧೨೬ ||
ಅತಿರಾಗೀ ವೀತರಾಗೀ ರಾಗಹೇತುರ್ವಿರಾಗವಿತ್ |
ರಾಗಹಾ ರಾಗಶಮನೋ ರಾಗದೋ ರಾಗಿರಾಗವಿತ್ || ೧೨೭ ||
ಮನೋನ್ಮನೋ ಮನೋರೂಪೋ ಬಲಪ್ರಮಥನೋ ಬಲಃ |
ವಿದ್ಯಾಕರೋ ಮಹಾವಿದ್ಯೋ ವಿದ್ಯಾವಿದ್ಯಾವಿಶಾರದಃ || ೧೨೮ ||
ವಸಂತಕೃದ್ವಸಂತಾತ್ಮಾ ವಸಂತೇಶೋ ವಸಂತದಃ |
ಪ್ರಾವೃಟ್ಕೃತ್ ಪ್ರಾವೃಡಾಕಾರಃ ಪ್ರಾವೃಟ್ಕಾಲಪ್ರವರ್ತಕಃ || ೧೨೯ ||
ಶರನ್ನಾಥೋ ಶರತ್ಕಾಲನಾಶಕಃ ಶರದಾಶ್ರಯಃ |
ಕುಂದಮಂದಾರಪುಷ್ಪೌಘಲಸದ್ವಾಯುನಿಷೇವಿತಃ || ೧೩೦ ||
ದಿವ್ಯದೇಹಪ್ರಭಾಕೂಟಸಂದೀಪಿತದಿಗಂತರಃ |
ದೇವಾಸುರಗುರುಸ್ತವ್ಯೋ ದೇವಾಸುರನಮಸ್ಕೃತಃ || ೧೩೧ ||
ವಾಮಾಂಗಭಾಗವಿಲಸಚ್ಛ್ಯಾಮಲಾವೀಕ್ಷಣಪ್ರಿಯಃ |
ಕೀರ್ತ್ಯಾಧಾರಃ ಕೀರ್ತಿಕರಃ ಕೀರ್ತಿಹೇತುರಹೇತುಕಃ || ೧೩೨ ||
ಶರಣಾಗತದೀನಾರ್ತಪರಿತ್ರಾಣಪರಾಯಣಃ |
ಮಹಾಪ್ರೇತಾಸನಾಸೀನೋ ಜಿತಸರ್ವಪಿತಾಮಹಃ || ೧೩೩ ||
ಮುಕ್ತಾದಾಮಪರೀತಾಂಗೋ ನಾನಾಗಾನವಿಶಾರದಃ |
ವಿಷ್ಣುಬ್ರಹ್ಮಾದಿವಂದ್ಯಾಂಘ್ರಿರ್ನಾನಾದೇಶೈಕನಾಯಕಃ || ೧೩೪ ||
ಧೀರೋದಾತ್ತೋ ಮಹಾಧೀರೋ ಧೈರ್ಯದೋ ಧೈರ್ಯವರ್ಧಕಃ |
ವಿಜ್ಞಾನಮಯ ಆನಂದಮಯಃ ಪ್ರಾಣಮಯೋಽನ್ನದಃ || ೧೩೫ ||
ಭವಾಬ್ಧಿತರಣೋಪಾಯಃ ಕವಿರ್ದುಃಸ್ವಪ್ನನಾಶನಃ |
ಗೌರೀವಿಲಾಸಸದನಃ ಪಿಶಚಾನುಚರಾವೃತಃ || ೧೩೬ ||
ದಕ್ಷಿಣಾಪ್ರೇಮಸಂತುಷ್ಟೋ ದಾರಿದ್ರ್ಯವಡವಾನಲಃ |
ಅದ್ಭುತಾನಂತಸಂಗ್ರಾಮೋ ಡಕ್ಕಾವಾದನತತ್ಪರಃ || ೧೩೭ ||
ಪ್ರಾಚ್ಯಾತ್ಮಾ ದಕ್ಷಿಣಾಕಾರಃ ಪ್ರತೀಚ್ಯಾತ್ಮೋತ್ತರಾಕೃತಿಃ |
ಊರ್ಧ್ವಾದ್ಯನ್ಯದಿಗಾಕಾರೋ ಮರ್ಮಜ್ಞಃ ಸರ್ವಶಿಕ್ಷಕಃ || ೧೩೮ ||
ಯುಗಾವಹೋ ಯುಗಾಧೀಶೋ ಯುಗಾತ್ಮಾ ಯುಗನಾಯಕಃ |
ಜಂಗಮಃ ಸ್ಥಾವರಾಕಾರಃ ಕೈಲಾಸಶಿಖರಪ್ರಿಯಃ || ೧೩೯ ||
ಹಸ್ತರಾಜತ್ಪುಂಡರೀಕಃ ಪುಂಡರೀಕನಿಭೇಕ್ಷಣಃ |
ಲೀಲಾವಿಡಂಬಿತವಪುರ್ಭಕ್ತಮಾನಸಮಂಡಿತಃ || ೧೪೦ ||
ಬೃಂದಾರಕಪ್ರಿಯತಮೋ ಬೃಂದಾರಕವರಾರ್ಚಿತಃ |
ನಾನಾವಿಧಾನೇಕರತ್ನಲಸತ್ಕುಂಡಲಮಂಡಿತಃ || ೧೪೧ ||
ನಿಃಸೀಮಮಹಿಮಾ ನಿತ್ಯಲೀಲಾವಿಗ್ರಹರೂಪಧೃತ್ |
ಚಂದನದ್ರವದಿಗ್ಧಾಂಗಶ್ಚಾಂಪೇಯಕುಸುಮಾರ್ಚಿತಃ || ೧೪೨ ||
ಸಮಸ್ತಭಕ್ತಸುಖದಃ ಪರಮಾಣುರ್ಮಹಾಹ್ರದಃ |
ಅಲೌಕಿಕೋ ದುಷ್ಪ್ರಧರ್ಷಃ ಕಪಿಲಃ ಕಾಲಕಂಧರಃ || ೧೪೩ ||
ಕರ್ಪೂರಗೌರಃ ಕುಶಲಃ ಸತ್ಯಸಂಧೋ ಜಿತೇಂದ್ರಿಯಃ |
ಶಾಶ್ವತೈಶ್ವರ್ಯವಿಭವಃ ಪೋಷಕಃ ಸುಸಮಾಹಿತಃ || ೧೪೪ ||
ಮಹರ್ಷಿನಾಥಿತೋ ಬ್ರಹ್ಮಯೋನಿಃ ಸರ್ವೋತ್ತಮೋತ್ತಮಃ |
ಭೂಮಿಭಾರಾರ್ತಿಸಂಹರ್ತಾ ಷಡೂರ್ಮಿರಹಿತೋ ಮೃಡಃ || ೧೪೫ ||
ತ್ರಿವಿಷ್ಟಪೇಶ್ವರಃ ಸರ್ವಹೃದಯಾಂಬುಜಮಧ್ಯಗಃ |
ಸಹಸ್ರದಳಪದ್ಮಸ್ಥಃ ಸರ್ವವರ್ಣೋಪಶೋಭಿತಃ || ೧೪೬ ||
ಪುಣ್ಯಮೂರ್ತಿಃ ಪುಣ್ಯಲಭ್ಯಃ ಪುಣ್ಯಶ್ರವಣಕೀರ್ತನಃ |
ಸೂರ್ಯಮಂಡಲಮಧ್ಯಸ್ಥಶ್ಚಂದ್ರಮಂಡಲಮಧ್ಯಗಃ || ೧೪೭ ||
ಸದ್ಭಕ್ತಧ್ಯಾನನಿಗಲಃ ಶರಣಾಗತಪಾಲಕಃ |
ಶ್ವೇತಾತಪತ್ರರುಚಿರಃ ಶ್ವೇತಚಾಮರವೀಜಿತಃ || ೧೪೮ ||
ಸರ್ವಾವಯವಸಂಪೂರ್ಣಃ ಸರ್ವಲಕ್ಷಣಲಕ್ಷಿತಃ |
ಸರ್ವಮಂಗಳಮಾಂಗಳ್ಯಃ ಸರ್ವಕಾರಣಕಾರಣಃ || ೧೪೯ ||
ಆಮೋದೋ ಮೋದಜನಕಃ ಸರ್ಪರಾಜೋತ್ತರೀಯಕಃ |
ಕಪಾಲೀ ಕೋವಿದಃ ಸಿದ್ಧಕಾಂತಿಸಂವಲಿತಾನನಃ || ೧೫೦ ||
ಸರ್ವಸದ್ಗುರುಸಂಸೇವ್ಯೋ ದಿವ್ಯಚಂದನಚರ್ಚಿತಃ |
ವಿಲಾಸಿನೀಕೃತೋಲ್ಲಾಸ ಇಚ್ಛಾಶಕ್ತಿನಿಷೇವಿತಃ || ೧೫೧ ||
ಅನಂತಾನಂದಸುಖದೋ ನಂದನಃ ಶ್ರೀನಿಕೇತನಃ |
ಅಮೃತಾಬ್ಧಿಕೃತಾವಾಸೋ ನಿತ್ಯಕ್ಲೀಬೋ ನಿರಾಮಯಃ || ೧೫೨ ||
ಅನಪಾಯೋಽನಂತದೃಷ್ಟಿರಪ್ರಮೇಯೋಽಜರೋಽಮರಃ |
ತಮೋಮೋಹಪ್ರತಿಹತಿರಪ್ರತರ್ಕ್ಯೋಽಮೃತೋಽಕ್ಷರಃ || ೧೫೩ ||
ಅಮೋಘಬುದ್ಧಿರಾಧಾರ ಆಧಾರಾಧೇಯವರ್ಜಿತಃ |
ಈಷಣಾತ್ರಯನಿರ್ಮುಕ್ತ ಇಹಾಮುತ್ರವಿವರ್ಜಿತಃ || ೧೫೪ ||
ಋಗ್ಯಜುಃಸಾಮನಯನೋ ಬುದ್ಧಿಸಿದ್ಧಿಸಮೃದ್ಧಿದಃ |
ಔದಾರ್ಯನಿಧಿರಾಪೂರ್ಣ ಐಹಿಕಾಮುಷ್ಮಿಕಪ್ರದಃ || ೧೫೫ ||
ಶುದ್ಧಸನ್ಮಾತ್ರಸಂವಿದ್ಧೀಸ್ವರೂಪಸುಖವಿಗ್ರಹಃ |
ದರ್ಶನಪ್ರಥಮಾಭಾಸೋ ದೃಷ್ಟಿದೃಶ್ಯವಿವರ್ಜಿತಃ || ೧೫೬ ||
ಅಗ್ರಗಣ್ಯೋಽಚಿಂತ್ಯರೂಪಃ ಕಲಿಕಲ್ಮಷನಾಶನಃ |
ವಿಮರ್ಶರೂಪೋ ವಿಮಲೋ ನಿತ್ಯರೂಪೋ ನಿರಾಶ್ರಯಃ || ೧೫೭ ||
ನಿತ್ಯಶುದ್ಧೋ ನಿತ್ಯಬುದ್ಧೋ ನಿತ್ಯಮುಕ್ತೋಽಪರಾಕೃತಃ |
ಮೈತ್ರ್ಯಾದಿವಾಸನಾಲಭ್ಯೋ ಮಹಾಪ್ರಳಯಸಂಸ್ಥಿತಃ || ೧೫೮ ||
ಮಹಾಕೈಲಾಸನಿಲಯಃ ಪ್ರಜ್ಞಾನಘನವಿಗ್ರಹಃ |
ಶ್ರೀಮಾನ್ ವ್ಯಾಘ್ರಪುರಾವಾಸೋ ಭುಕ್ತಿಮುಕ್ತಿಪ್ರದಾಯಕಃ || ೧೫೯ ||
ಜಗದ್ಯೋನಿರ್ಜಗತ್ಸಾಕ್ಷೀ ಜಗದೀಶೋ ಜಗನ್ಮಯಃ |
ಜಪೋ ಜಪಪರೋ ಜಪ್ಯೋ ವಿದ್ಯಾಸಿಂಹಾಸನಪ್ರಭುಃ || ೧೬೦ ||
ತತ್ತ್ವಾನಾಂ ಪ್ರಕೃತಿಸ್ತತ್ತ್ವಂ ತತ್ತ್ವಂಪದನಿರೂಪಿತಃ |
ದಿಕ್ಕಾಲಾದ್ಯನವಚ್ಛಿನ್ನಃ ಸಹಜಾನಂದಸಾಗರಃ || ೧೬೧ ||
ಪ್ರಕೃತಿಃ ಪ್ರಾಕೃತಾತೀತೋ ವಿಜ್ಞಾನೈಕರಸಾಕೃತಿಃ |
ನಿಃಶಂಕಮತಿದೂರಸ್ಥಶ್ಚೈತ್ಯಚೇತನಚಿಂತನಃ || ೧೬೨ ||
ತಾರಕಾನಾಂ ಹೃದಂತಸ್ಥಸ್ತಾರಕಸ್ತಾರಕಾಂತಕಃ |
ಧ್ಯಾನೈಕಪ್ರಕಟೋ ಧ್ಯೇಯೋ ಧ್ಯಾನೀ ಧ್ಯಾನವಿಭೂಷಣಃ || ೧೬೩ ||
ಪರಂ ವ್ಯೋಮ ಪರಂ ಧಾಮ ಪರಮಾತ್ಮಾ ಪರಂ ಪದಮ್ |
ಪೂರ್ಣಾನಂದಃ ಸದಾನಂದೋ ನಾದಮಧ್ಯಪ್ರತಿಷ್ಠಿತಃ || ೧೬೪ ||
ಪ್ರಮಾವಿಪರ್ಯಯಾತೀತಃ ಪ್ರಣತಾಜ್ಞಾನನಾಶಕಃ |
ಬಾಣಾರ್ಚಿತಾಂಘ್ರಿರ್ಬಹುದೋ ಬಾಲಕೇಳಿಕುತೂಹಲೀ || ೧೬೫ ||
ಬ್ರಹ್ಮರೂಪೀ ಬ್ರಹ್ಮಪದಂ ಬ್ರಹ್ಮವಿದ್ಬ್ರಾಹ್ಮಣಪ್ರಿಯಃ |
ಭೂಕ್ಷೇಪದತ್ತಲಕ್ಷ್ಮೀಕೋ ಭ್ರೂಮಧ್ಯಧ್ಯಾನಲಕ್ಷಿತಃ || ೧೬೬ ||
ಯಶಸ್ಕರೋ ರತ್ನಗರ್ಭೋ ಮಹಾರಾಜ್ಯಸುಖಪ್ರದಃ |
ಶಬ್ದಬ್ರಹ್ಮ ಶಮಪ್ರಾಪ್ಯೋ ಲಾಭಕೃಲ್ಲೋಕವಿಶ್ರುತಃ || ೧೬೭ ||
ಶಾಸ್ತಾ ಶಿವಾದ್ರಿನಿಲಯಃ ಶರಣ್ಯೋ ಯಾಜಕಪ್ರಿಯಃ |
ಸಂಸಾರವೈದ್ಯಃ ಸರ್ವಜ್ಞಃ ಸಭೇಷಜವಿಭೇಷಜಃ || ೧೬೮ ||
ಮನೋವಚೋಭಿರಗ್ರಾಹ್ಯಃ ಪಂಚಕೋಶವಿಲಕ್ಷಣಃ |
ಅವಸ್ಥಾತ್ರಯನಿರ್ಮುಕ್ತಸ್ತ್ವವಸ್ಥಾಸಾಕ್ಷಿತುರ್ಯಕಃ || ೧೬೯ ||
ಪಂಚಭೂತಾದಿದೂರಸ್ಥಃ ಪ್ರತ್ಯಗೇಕರಸೋಽವ್ಯಯಃ |
ಷಟ್ಚಕ್ರಾಂತರ್ಗತೋಲ್ಲಾಸೀ ಷಡ್ವಿಕಾರವಿವರ್ಜಿತಃ || ೧೭೦ ||
ವಿಜ್ಞಾನಘನಸಂಪೂರ್ಣೋ ವೀಣಾವಾದನತತ್ಪರಃ |
ನೀಹಾರಾಕಾರಗೌರಾಂಗೋ ಮಹಾಲಾವಣ್ಯವಾರಿಧಿಃ || ೧೭೧ ||
ಪರಾಭಿಚಾರಶಮನಃ ಷಡಧ್ವೋಪರಿಸಂಸ್ಥಿತಃ |
ಸುಷುಮ್ನಾಮಾರ್ಗಸಂಚಾರೀ ಬಿಸತಂತುನಿಭಾಕೃತಿಃ || ೧೭೨ ||
ಪಿನಾಕೀ ಲಿಂಗರೂಪಶ್ರೀಃ ಮಂಗಳಾವಯವೋಜ್ಜ್ವಲಃ |
ಕ್ಷೇತ್ರಾಧಿಪಃ ಸುಸಂವೇದ್ಯಃ ಶ್ರೀಪ್ರದೋ ವಿಭವಪ್ರದಃ || ೧೭೩ ||
ಸರ್ವವಶ್ಯಕರಃ ಸರ್ವದೋಷಹಾ ಪುತ್ರಪೌತ್ರದಃ |
ತೈಲದೀಪಪ್ರಿಯಸ್ತೈಲಪಕ್ವಾನ್ನಪ್ರೀತಮಾನಸಃ || ೧೭೪ ||
ತೈಲಾಭಿಷೇಕಸಂತುಷ್ಟಸ್ತಿಲಭಕ್ಷಣತತ್ಪರಃ |
ಆಪಾದಕಣಿಕಾಮುಕ್ತಾಭೂಷಾಶತಮನೋಹರಃ || ೧೭೫ ||
ಶಾಣೋಲ್ಲೀಢಮಣಿಶ್ರೇಣೀರಮ್ಯಾಂಘ್ರಿನಖಮಂಡಲಃ |
ಮಣಿಮಂಜೀರಕಿರಣಕಿಂಜಲ್ಕಿತಪದಾಂಬುಜಃ || ೧೭೬ ||
ಅಪಸ್ಮಾರೋಪರಿನ್ಯಸ್ತಸವ್ಯಪಾದಸರೋರುಹಃ |
ಕಂದರ್ಪತೂಣಾಭಜಂಘೋ ಗುಲ್ಫೋದಂಚಿತನೂಪುರಃ || ೧೭೭ ||
ಕರಿಹಸ್ತೋಪಮೇಯೋರುರಾದರ್ಶೋಜ್ಜ್ವಲಜಾನುಭೃತ್ |
ವಿಶಂಕಟಕಟಿನ್ಯಸ್ತವಾಚಾಲಮಣಿಮೇಖಲಃ || ೧೭೮ ||
ಆವರ್ತನಾಭಿರೋಮಾಲಿವಲಿಮತ್ಪಲ್ಲವೋದರಃ |
ಮುಕ್ತಾಹಾರಲಸತ್ತುಂಗವಿಪುಲೋರಸ್ಕರಂಜಿತಃ || ೧೭೯ ||
ವೀರಾಸನಸಮಾಸೀನೋ ವೀಣಾಪುಸ್ತೋಲ್ಲಸತ್ಕರಃ |
ಅಕ್ಷಮಾಲಾಲಸತ್ಪಾಣಿಶ್ಚಿನ್ಮುದ್ರಿತಕರಾಂಬುಜಃ || ೧೮೦ ||
ಮಾಣಿಕ್ಯಕಂಕಣೋಲ್ಲಾಸಿಕರಾಂಬುಜವಿರಾಜಿತಃ |
ಅನರ್ಘರತ್ನಗ್ರೈವೇಯವಿಲಸತ್ಕಂಬುಕಂಧರಃ || ೧೮೧ ||
ಅನಾಕಲಿತಸಾದೃಶ್ಯಚಿಬುಕಶ್ರೀವಿರಾಜಿತಃ |
ಮುಗ್ಧಸ್ಮಿತಪರೀಪಾಕಪ್ರಕಾಶಿತರದಾಂಕುರಃ || ೧೮೨ ||
ಚಾರುಚಾಂಪೇಯಪುಷ್ಪಾಭನಾಸಿಕಾಪುಟರಂಜಿತಃ |
ವರವಜ್ರಶಿಲಾದರ್ಶಪರಿಭಾವಿಕಪೋಲಭೂಃ || ೧೮೩ ||
ಕರ್ಣದ್ವಯೋಲ್ಲಸದ್ದಿವ್ಯಮಣಿಕುಂಡಲಮಂಡಿತಃ |
ಕರುಣಾಲಹರೀಪೂರ್ಣಕರ್ಣಾಂತಾಯತಲೋಚನಃ || ೧೮೪ ||
ಅರ್ಧಚಂದ್ರಾಭನಿಟಿಲಪಾಟೀರತಿಲಕೋಜ್ಜ್ವಲಃ |
ಚಾರುಚಾಮೀಕರಾಕಾರಜಟಾಚರ್ಚಿತಚಂದನಃ |
ಕೈಲಾಸಶಿಖರಸ್ಫರ್ಧಿಕಮನೀಯನಿಜಾಕೃತಿಃ || ೧೮೫ ||
ಇತಿ ಶ್ರೀ ದಕ್ಷಿಣಾಮೂರ್ತಿ ಸಹಸ್ರನಾಮ ಸ್ತೋತ್ರಮ್ ||
Click to join Bhaktinidhi on Whatsapp 
