Balambika Ashtakam is a eight verse devotional hymn dedicated to Goddess Balambika, worshipped especially in Kuzhantai Velayudham Temple in Swamimalai, Tamil Nadu. Get Sri Balambika Ashtakam in Kannada Lyrics pdf here and chant it with devotion for the grace of Goddess Balambika.
Balambika Ashtakam in Kannada – ಶ್ರೀ ಬಾಲಾಂಬಿಕಾಷ್ಟಕಂ
ವೇಲಾತಿಲಂಘ್ಯಕರುಣೇ ವಿಬುಧೇಂದ್ರವಂದ್ಯೇ
ಲೀಲಾವಿನಿರ್ಮಿತಚರಾಚರಹೃನ್ನಿವಾಸೇ |
ಮಾಲಾಕಿರೀಟಮಣಿಕುಂಡಲ ಮಂಡಿತಾಂಗೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೧ ||
ಕಂಜಾಸನಾದಿ-ಮಣಿಮಂಜು-ಕಿರೀಟಕೋಟಿ-
ಪ್ರತ್ಯುಪ್ತರತ್ನ-ರುಚಿರಂಜಿತ-ಪಾದಪದ್ಮೇ |
ಮಂಜೀರಮಂಜುಳವಿನಿರ್ಜಿತಹಂಸನಾದೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೨ ||
ಪ್ರಾಲೇಯಭಾನುಕಲಿಕಾಕಲಿತಾತಿರಮ್ಯೇ
ಪಾದಾಗ್ರಜಾವಳಿವಿನಿರ್ಜಿತಮೌಕ್ತಿಕಾಭೇ |
ಪ್ರಾಣೇಶ್ವರಿ ಪ್ರಮಥಲೋಕಪತೇಃ ಪ್ರಗಲ್ಭೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೩ ||
ಜಂಘಾದಿಭಿರ್ವಿಜಿತಚಿತ್ತಜತೂಣಿಭಾಗೇ
ರಂಭಾದಿಮಾರ್ದವಕರೀಂದ್ರಕರೋರುಯುಗ್ಮೇ |
ಶಂಪಾಶತಾಧಿಕಸಮುಜ್ಜ್ವಲಚೇಲಲೀಲೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೪ ||
ಮಾಣಿಕ್ಯಮೌಕ್ತಿಕವಿನಿರ್ಮಿತಮೇಖಲಾಢ್ಯೇ
ಮಾಯಾವಿಲಗ್ನವಿಲಸನ್ಮಣಿ ಪಟ್ಟಬಂಧೇ |
ಲೋಲಂಬರಾಜಿವಿಲಸನ್ನವರೋಮಜಾಲೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೫ ||
ನ್ಯಗ್ರೋಧಪಲ್ಲವತಲೋದರನಿಮ್ನನಾಭೇ
ನಿರ್ಧೂತಹಾರವಿಲಸತ್ಕುಚಚಕ್ರವಾಕೇ |
ನಿಷ್ಕಾದಿಮಂಜುಮಣಿಭೂಷಣಭೂಷಿತಾಂಗೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೬ ||
ಕಂದರ್ಪಚಾಪಮದಭಂಗಕೃತಾತಿರಮ್ಯೇ
ಭ್ರೂವಲ್ಲರೀವಿವಿಧಚೇಷ್ಟಿತ ರಮ್ಯಮಾನೇ |
ಕಂದರ್ಪಸೋದರಸಮಾಕೃತಿಫಾಲದೇಶೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೭ ||
ಮುಕ್ತಾವಲೀವಿಲಸದೂರ್ಜಿತಕಂಬುಕಂಠೇ
ಮಂದಸ್ಮಿತಾನನವಿನಿರ್ಜಿತಚಂದ್ರಬಿಂಬೇ |
ಭಕ್ತೇಷ್ಟದಾನನಿರತಾಮೃತಪೂರ್ಣದೃಷ್ಟೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೮ ||
ಕರ್ಣಾವಲಂಬಿಮಣಿಕುಂಡಲಗಂಡಭಾಗೇ
ಕರ್ಣಾಂತದೀರ್ಘನವನೀರಜಪತ್ರನೇತ್ರೇ |
ಸ್ವರ್ಣಾಯಕಾದಿಮಣಿಮೌಕ್ತಿಕಶೋಭಿನಾಸೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೯ ||
ಲೋಲಂಬರಾಜಿಲಲಿತಾಲಕಜಾಲಶೋಭೇ
ಮಲ್ಲೀನವೀನಕಲಿಕಾನವಕುಂದಜಾಲೇ |
ಬಾಲೇಂದುಮಂಜುಲಕಿರೀಟವಿರಾಜಮಾನೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಮ್ || ೧೦ ||
ಬಾಲಾಂಬಿಕೇ ಮಹಾರಾಜ್ಞೀ ವೈದ್ಯನಾಥಪ್ರಿಯೇಶ್ವರೀ |
ಪಾಹಿ ಮಾಮಂಬ ಕೃಪಯಾ ತ್ವತ್ಪಾದಂ ಶರಣಂ ಗತಃ || ೧೧ ||
ಇತಿ ಸ್ಕಾಂದೇ ವೈದ್ಯನಾಥಮಾಹಾತ್ಮ್ಯೇ ಶ್ರೀ ಬಾಲಾಂಬಿಕಾಷ್ಟಕಂ ||
Click to join Bhaktinidhi on Whatsapp 
