Hanuman Ashtakam in English – śrī hanumadaṣṭakam

Hanuman Ashtakam, also called Hanumadashtakam or Anjaneya Ashtakam, is a mantra containing 8 verses praising Lord Hanuman. Get Sri Hanuman Ashtakam in English Pdf Lyrics here and chant with devotion for the grace of Lord Hanuman.

Hanuman Ashtakam in English 

śrīraghurājapadābjanikētana paṅkajalōcana maṅgalarāśē
caṇḍamahābhujadaṇḍa surārivikhaṇḍanapaṇḍita pāhi dayālō |
pātakinaṁ ca samuddhara māṁ mahatāṁ hi satāmapi mānamudāraṁ
tvāṁ bhajatō mama dēhi dayāghana hē hanuman svapadāmbujadāsyam || 1 ||

saṁsr̥titāpamahānaladagdhatanūruhamarmatanōrativēlaṁ
putradhanasvajanātmagr̥hādiṣu saktamatēratikilbiṣamūrtēḥ |
kēnacidapyamalēna purākr̥tapuṇyasupuñjalavēna vibhō vai
tvāṁ bhajatō mama dēhi dayāghana hē hanuman svapadāmbujadāsyam || 2 ||

saṁsr̥tikūpamanalpamaghōranidāghanidānamajasramaśēṣaṁ
prāpya suduḥkhasahasrabhujaṅgaviṣaikasamākulasarvatanōrmē |
ghōramahākr̥paṇāpadamēva gatasya harē patitasya bhavābdhau
tvāṁ bhajatō mama dēhi dayāghana hē hanuman svapadāmbujadāsyam || 3 ||

saṁsr̥tisindhuviśālakarālamahābalakālajhaṣagrasanārtaṁ
vyagrasamagradhiyaṁ kr̥paṇaṁ ca mahāmadanakrasucakrahr̥tāsum |
kālamahārasanōrminipīḍitamuddhara dīnamananyagatiṁ māṁ
tvāṁ bhajatō mama dēhi dayāghana hē hanuman svapadāmbujadāsyam || 4 ||

saṁsr̥tighōramahāgahanē caratō maṇirañjitapuṇyasumūrtēḥ
manmathabhīkaraghōramahōgramr̥gapravarārditagātrasusandhēḥ |
matsaratāpaviśēṣanipīḍitabāhyamatēśca kathaṁ cidamēyaṁ
tvāṁ bhajatō mama dēhi dayāghana hē hanuman svapadāmbujadāsyam || 5 ||

saṁsr̥tivr̥kṣamanēkaśatāghanidānamanantavikarmasuśākhaṁ
duḥkhaphalaṁ karaṇādipalāśamanaṅgasupuṣpamacintyasumūlam |
taṁ hyadhiruhya harē patitaṁ śaraṇāgatamēva vimōcaya mūḍhaṁ
tvāṁ bhajatō mama dēhi dayāghana hē hanuman svapadāmbujadāsyam || 6 ||

saṁsr̥tipannagavaktrabhayaṅkaradaṁṣṭramahāviṣadagdhaśarīraṁ
prāṇavinirgamabhītisamākulamandamanāthamatīva viṣaṇṇam |
mōhamahākuharē patitaṁ dayayōddhara māmajitēndriyakāmaṁ
tvāṁ bhajatō mama dēhi dayāghana hē hanuman svapadāmbujadāsyam || 7 ||

indriyanāmakacōragaṇairhr̥tatattvavivēkamahādhanarāśiṁ
saṁsr̥tijālanipātitamēva mahābalibhiśca vikhaṇḍitakāyam |
tvatpadapadmamanuttamamāśritamāśu kapīśvara pāhi kr̥pālō
tvāṁ bhajatō mama dēhi dayāghana hē hanuman svapadāmbujadāsyam || 8 ||

brahmamarudgaṇarudramahēndrakirīṭasukōṭilasatpadapīṭhaṁ
dāśarathiṁ japati kṣitimaṇḍala ēṣa nidhāya sadaiva hr̥dabjē |
tasya hanūmata ēva śivaṅkaramaṣṭakamētadaniṣṭaharaṁ vai
yaḥ satataṁ hi paṭhētsa narō labhatē:’cyutarāmapadābjanivāsam ||

iti śrī madhusūdanāśrama śiṣyā:’cyutaviracitaṁ śrī hanumadaṣṭakam |