Dharmasastha Panchakam is a 5 stanza devotional hymn for worshipping Lord Ayyappa. Get Sri Dharmasastha Panchakam in English Lyrics Pdf here and chant it for the grace of Lord Ayyappa.
Dharmasastha Panchakam in English
pādāravindabhaktalōkapālanaikalōlupaṁ
sadārapārśvamātmajādimōdakaṁ surādhipam |
udāramādināthabhūtanāthamadbhutātmavaibhavaṁ
sadā ravīndukuṇḍalaṁ namāmi bhāgyasambhavam || 1 ||
kr̥pākaṭākṣavīkṣaṇaṁ vibhūtivētrabhūṣaṇaṁ
supāvanaṁ sanātanādisatyadharmapōṣaṇam |
apāraśaktiyuktamātmalakṣaṇaṁ sulakṣaṇaṁ
prabhāmanōharaṁ harīśabhāgyasambhavaṁ bhajē || 2 ||
mr̥gāsanaṁ varāsanaṁ śarāsanaṁ mahaujasaṁ
jagaddhitaṁ samastabhaktacittaraṅgasaṁsthitam |
nagādhirājarājayōgapīṭhamadhyavartinaṁ
mr̥gāṅkaśēkharaṁ harīśabhāgyasambhavaṁ bhajē || 3 ||
samastalōkacintitapradaṁ sadā sukhapradaṁ
samutthitāpadandhakārakr̥ntanaṁ prabhākaram |
amartyanr̥ttagītavādyalālasaṁ madālasaṁ
namaskarōmi bhūtanāthamādidharmapālakam || 4 ||
carācarāntarasthita prabhāmanōhara prabhō
surāsurārcitāṅghripādapadma bhūtanāyaka |
virājamānavaktra bhaktamitra vētraśōbhita
harīśabhāgyajāta sādhupārijāta pāhi mām || 5 ||
iti śrī dharmaśāstā pañcakam |
Click to join Bhaktinidhi on Whatsapp 
