Rudra Chandi Stotram is a devotional hymn for worshipping Goddess Chandi. It is from the Rudra Yamala Tantra. Get Sri Rudra Chandi Stotram in Telugu Pdf Lyrics here and chant it for the grace of Goddess Chandika or Durga.
Rudra Chandi Stotram in Telugu – శ్రీ రుద్ర చండీ స్తోత్రం
ధ్యానం –
రక్తవర్ణాం మహాదేవీ లసచ్చంద్రవిభూషితాం
పట్టవస్త్రపరీధానాం స్వర్ణాలంకారభూషితమ్ |
వరాభయకరాం దేవీం ముండమాలావిభూషితాం
కోటిచంద్రసమాసీనాం వదనైః శోభితాం పరామ్ ||
కరాలవదనాం దేవీం కించిజిహ్వాం చ లోలితాం
స్వర్ణవర్ణమహాదేవహృదయోపరిసంస్థితామ్ |
అక్షమాలాధరాం దేవీం జపకర్మసమాహితాం
వాంఛితార్థప్రదాయినీం రుద్రచండీమహం భజే ||
శ్రీ శంకర ఉవాచ |
చండికా హృదయం న్యస్య శరణం యః కరోత్యపి |
అనంతఫలమాప్నోతి దేవీ చండీప్రసాదతః || ౧ ||
ఘోరచండీ మహాచండీ చండముండవిఖండినీ |
చతుర్వక్త్రా మహావీర్యా మహాదేవవిభూషితా || ౨ ||
రక్తదంతా వరారోహా మహిషాసురమర్దినీ |
తారిణీ జననీ దుర్గా చండికా చండవిక్రమా || ౩ ||
గుహ్యకాళీ జగద్ధాత్రీ చండీ చ యామలోద్భవా |
శ్మశానవాసినీ దేవీ ఘోరచండీ భయానకా || ౪ ||
శివా ఘోరా రుద్రచండీ మహేశీ గణభూషితా |
జాహ్నవీ పరమా కృష్ణా మహాత్రిపురసుందరీ || ౫ ||
శ్రీవిద్యా పరమావిద్యా చండికా వైరిమర్దినీ |
దుర్గా దుర్గశివా ఘోరా చండహస్తా ప్రచండికా || ౬ ||
మాహేశీ బగలా దేవీ భైరవీ చండవిక్రమా |
ప్రమథైర్భూషితా కృష్ణా చాముండా ముండమర్దినీ || ౭ ||
రణఖండా చంద్రఘంటా రణే రామవరప్రదా |
మారణీ భద్రకాళీ చ శివా ఘోరభయానకా || ౮ ||
విష్ణుప్రియా మహామాయా నందగోపగృహోద్భవా |
మంగళా జననీ చండీ మహాక్రుద్ధా భయంకరీ || ౯ ||
విమలా భైరవీ నిద్రా జాతిరూపా మనోహరా |
తృష్ణా నిద్రా క్షుధా మాయా శక్తిర్మాయామనోహరా || ౧౦ ||
తస్యై దేవ్యై నమో యా వై సర్వరూపేణ సంస్థితా |
నమస్తస్యై నమస్తస్యై నమస్తస్యై నమో నమః || ౧౧ ||
ఇమాం చండీ జగద్ధాత్రీం బ్రాహ్మణస్తు సదా పఠేత్ |
నాన్యస్తు సంపఠేద్దేవి పఠనే బ్రహ్మహా భవేత్ || ౧౨ ||
యః శృణోతి ధరాయాం చ ముచ్యతే సర్వపాతకైః |
బ్రహ్మహత్యా చ గోహత్యా స్త్రీవధోద్భవపాతకమ్ || ౧౩ ||
శ్వశ్రూగమనపాపం చ కన్యాగమనపాతకమ్ |
తత్సర్వం పాతకం దుర్గే మాతుర్గమనపాతకమ్ || ౧౪ ||
సుతస్త్రీగమనం చైవ యద్యత్పాపం ప్రజాయతే |
పరదారకృతం పాపం తత్ క్షణాదేవ నశ్యతి || ౧౫ ||
జన్మజన్మాంతరాత్పాపాద్గురుహత్యాదిపాతకాత్ |
ముచ్యతే ముచ్యతే దేవి గురుపత్నీసుసంగమాత్ || ౧౬ ||
మనసా వచసా పాపం యత్పాపం బ్రహ్మహింసనే |
మిథ్యాజన్యం చ యత్పాపం తత్పాపం నశ్యతి క్షణాత్ || ౧౭ ||
శ్రవణం పఠనం చైవ యః కరోతి ధరాతలే |
స ధన్యశ్చ కృతార్థశ్చ రాజా రాజాధిపో భవేత్ || ౧౮ ||
రవివారే యదా చండీ పఠేదాగమసమ్మతామ్ |
నవావృత్తిఫలం తస్య జాయతే నాత్ర సంశయః || ౧౯ ||
సోమవారే యదా చండీ పఠేద్యస్తు సమాహితః |
సహస్రావృత్తిపాఠస్య ఫలం జానీహి సువ్రత || ౨౦ ||
కుజవారే జగద్ధాత్రీం పఠేదాగమసమ్మతామ్ |
శతావృత్తిఫలం తస్య బుధే లక్షఫలం ధ్రువమ్ || ౨౧ ||
గురౌ యది మహామాయే లక్షయుగ్మఫలం ధ్రువమ్ |
శుక్రే దేవి జగద్ధాత్రి చండీపాఠేన శాంకరీ || ౨౨ ||
జ్ఞేయం తుల్యఫలం దుర్గే యది చండీసమాహితః |
శనివారే జగద్ధాత్రి కోట్యావృత్తిఫలం ధ్రువమ్ || ౨౩ ||
అత ఏవ మహేశాని యో వై చండీ సమభ్యసేత్ |
స సద్యశ్చ కృతార్థః స్యాద్రాజరాజాధిపో భవేత్ || ౨౪ ||
ఆరోగ్యం విజయం సౌఖ్యం వస్త్రరత్నప్రవాలకమ్ |
పఠనాచ్ఛ్రవణాచ్చైవ జాయతే నాత్ర సంశయః || ౨౫ ||
ధనం ధాన్యం ప్రవాలం చ వస్త్రం రత్నవిభూషణమ్ |
చండీశ్రవణమాత్రేణ కుర్యాత్సర్వం మహేశ్వరీ || ౨౬ ||
యః కరిష్యత్వవిజ్ఞాయ రుద్రయామలచండికామ్ |
పాపైరేతైః సమాయుక్తో రౌరవం నరకం వ్రజేత్ || ౨౭ ||
అశ్రద్ధయా చ కుర్వంతి తే చ పాతకినో నరాః |
రౌరవం నరకం కుండం కృమికుండం మలస్య వై || ౨౮ ||
శుక్రస్య కుండం స్త్రీకుండం యాంతి తే హ్యచిరేణ వై |
తతః పితృగణైః సార్ధం విష్ఠాయాం జాయతే కృమిః || ౨౯ ||
శృణు దేవి మహామాయే చండీపాఠం కరోతి యః |
గంగాయాం చైవ యత్పుణ్యం కాశ్యాం విశ్వేశ్వరాగ్రతః || ౩౦ ||
ప్రయాగే ముండనే చైవ హరిద్వారే హరేర్గృహే |
తస్య పుణ్యం భవేద్దేవి సత్యం దుర్గే రమే శివే || ౩౧ ||
త్రిగయాయాం త్రికాశ్యాం వై యచ్చ పుణ్యం సముత్థితమ్ |
తచ్చ పుణ్యం తచ్చ పుణ్యం తచ్చ పుణ్యం న సంశయః || ౩౨ ||
అన్యచ్చ –
భవానీ చ భవానీ చ భవానీ చోచ్యతే బుధైః |
భకారస్తు భకారస్తు భకారః కేవలః శివః || ౩౩ ||
వాణీ చైవ జగద్ధాత్రీ వరారోహే భకారకః |
ప్రేతవద్దేవి విశ్వేశి భకారః ప్రేతవత్సదా || ౩౪ ||
ఆరోగ్యం చ జయం పుణ్యం నాతః సుఖవివర్ధనమ్ |
ధనం పుత్ర జరారోగ్యం కుష్ఠం గలితనాశనమ్ || ౩౫ ||
అర్ధాంగరోగాన్ముచ్యేత దద్రురోగాచ్చ పార్వతి |
సత్యం సత్యం జగద్ధాత్రి మహామాయే శివే శివే || ౩౬ ||
చండే చండి మహారావే చండికా వ్యాధినాశినీ |
మందే దినే మహేశాని విశేషఫలదాయినీ || ౩౭ ||
సర్వదుఃఖాదిముచ్యతే భక్త్యా చండీ శృణోతి యః |
బ్రాహ్మణో హితకారీ చ పఠేన్నియతమానసః || ౩౮ ||
మంగళం మంగళం జ్ఞేయం మంగళం జయమంగళమ్ |
భవేద్ధి పుత్రపౌత్రైశ్చ కన్యాదాసాదిభిర్యుతః || ౩౯ ||
తత్త్వజ్ఞానేన నిధనకాలే నిర్వాణమాప్నుయాత్ |
మణిదానోద్భవం పుణ్యం తులాహిరణ్యకే తథా || ౪౦ ||
చండీశ్రవణమాత్రేణ పఠనాద్బ్రాహ్మణోఽపి చ |
నిర్వాణమేతి దేవేశి మహాస్వస్త్యయనే హితః || ౪౧ ||
సర్వత్ర విజయం యాతి శ్రవణాద్గ్రహదోషతః |
ముచ్యతే చ జగద్ధాత్రి రాజరాజాధిపో భవేత్ || ౪౨ ||
మహాచండీ శివా ఘోరా మహాభీమా భయానకా |
కాంచనీ కమలా విద్యా మహారోగవిమర్దినీ || ౪౩ ||
గుహ్యచండీ ఘోరచండీ చండీ త్రైలోక్యదుర్లభా |
దేవానాం దుర్లభా చండీ రుద్రయామలసమ్మతా || ౪౪ ||
అప్రకాశ్యా మహాదేవీ ప్రియా రావణమర్దినీ |
మత్స్యప్రియా మాంసరతా మత్స్యమాంసబలిప్రియా || ౪౫ ||
మదమత్తా మహానిత్యా భూతప్రమథసంగతా |
మహాభాగా మహారామా ధాన్యదా ధనరత్నదా || ౪౬ ||
వస్త్రదా మణిరాజ్యాదిసదావిషయవర్ధినీ |
ముక్తిదా సర్వదా చండీ మహాపత్తివినాశినీ || ౪౭ ||
ఇమాం హి చండీం పఠతే మనుష్యః
శృణోతి భక్త్యా పరమాం శివస్య |
చండీం ధరణ్యామతిపుణ్యయుక్తాం
స వై న గచ్ఛేత్పరమందిరం కిల || ౪౮ ||
జప్యం మనోరథం దుర్గే తనోతి ధరణీతలే |
రుద్రచండీప్రసాదేన కిం న సిద్ధ్యతి భూతలే || ౪౯ ||
అన్యచ్చ –
రుద్రధ్యేయా రుద్రరూపా రుద్రాణీ రుద్రవల్లభా |
రుద్రశక్తీ రుద్రరూపా రుద్రాననసమన్వితా || ౫౦ ||
శివచండీ మహాచండీ శివప్రేతగణాన్వితా |
భైరవీ పరమా విద్యా మహావిద్యా చ షోడశీ || ౫౧ ||
సుందరీ పరమా పూజ్యా మహాత్రిపురసుందరీ |
గుహ్యకాళీ భద్రకాళీ మహాకాలవిమర్దినీ || ౫౨ ||
కృష్ణా తృష్ణా స్వరూపా సా జగన్మోహనకారిణీ |
అతిమాత్రా మహాలజ్జా సర్వమంగళదాయిని || ౫౩ ||
ఘోరతంద్రీ భీమరూపా భీమా దేవీ మనోహరా |
మంగళా బగలా సిద్ధిదాయినీ సర్వదా శివా || ౫౪ ||
స్మృతిరూపా కీర్తిరూపా యోగీంద్రైరపి సేవితా |
భయానకా మహాదేవీ భయదుఃఖవినాశినీ || ౫౫ ||
చండికా శక్తిహస్తా చ కౌమారీ సర్వకామదా |
వారాహీ చ వరాహాస్యా ఇంద్రాణీ శక్రపూజితా || ౫౬ ||
మాహేశ్వరీ మహేశస్య మహేశగణభూషితా |
చాముండా నారసింహీ చ నృసింహరిపుమర్దినీ || ౫౭ ||
సర్వశత్రుప్రశమనీ సర్వారోగ్యప్రదాయినీ |
ఇతి సత్యం మహాదేవి సత్యం సత్యం వదామ్యహమ్ || ౫౮ ||
నైవ శోకో నైవ రోగో నైవ దుఃఖం భయం తథా |
ఆరోగ్యం మంగళం నిత్యం కరోతి శుభమంగళమ్ || ౫౯ ||
మహేశాని వరారోహే బ్రవీమి సదిదం వచః |
అభక్తాయ న దాతవ్యం మమ ప్రాణాధికం శుభమ్ || ౬౦ ||
తవ భక్త్యా ప్రశాంతాయ శివవిష్ణుప్రియాయ చ |
దద్యాత్కదాచిద్దేవేశి సత్యం సత్యం మహేశ్వరి || ౬౧ ||
అనంతఫలమాప్నోతి శివచండీప్రసాదతః |
అశ్వమేధం వాజపేయం రాజసూయశతాని చ || ౬౨ ||
తుష్టాశ్చ పితరో దేవాస్తథా చ సర్వదేవతాః |
దుర్గేయం మృన్మయీ జ్ఞానం రుద్రయామలపుస్తకమ్ || ౬౩ ||
మంత్రమక్షరసంజ్ఞానం కరోత్యపి నరాధమః |
అత ఏవ మహేశాని కిం వక్ష్యే తవ సన్నిధౌ || ౬౪ ||
లంబోదరాధికశ్చండీపఠనాచ్ఛ్రవణాత్తు యః |
తత్త్వమస్యాదివాక్యేన ముక్తిమాప్నోతి దుర్లభామ్ || ౬౫ ||
ఇతి శ్రీ రుద్రయామలే దేవీశ్వరసంవాదే శ్రీ రుద్రచండీ స్తోత్రం |
