Kumari Stotram is a devotional hymn for worshipping the Bala Tripura Sundari devi form of Goddess Durga. Get Sri Kumari Stotram in Telugu Pdf Lyrics here and chant it for the grace of Goddess Durga.
Kumari Stotram in Telugu – శ్రీ కుమారీ స్తోత్రం
జగత్పూజ్యే జగద్వంద్యే సర్వశక్తిస్వరూపిణి |
పూజాం గృహాణ కౌమారి జగన్మాతర్నమోఽస్తు తే || ౧ ||
త్రిపురాం త్రిగుణాధారాం త్రివర్గజ్ఞానరూపిణీమ్ |
త్రైలోక్యవందితాం దేవీం త్రిమూర్తిం పూజయామ్యహమ్ || ౨ ||
కలాత్మికాం కలాతీతాం కారుణ్యహృదయాం శివామ్ |
కల్యాణజననీం దేవీం కల్యాణీం పూజయామ్యహమ్ || ౩ ||
అణిమాదిగుణాధరామకారాద్యక్షరాత్మికామ్ |
అనంతశక్తికాం లక్ష్మీం రోహిణీం పూజయామ్యహమ్ || ౪ ||
కామచారీం శుభాం కాంతాం కాలచక్రస్వరూపిణీమ్ |
కామదాం కరుణోదారాం కాలికాం పూజయామ్యహమ్ || ౫ ||
చండవీరాం చండమాయాం చండముండప్రభంజినీమ్ |
పూజయామి సదా దేవీం చండికాం చండవిక్రమామ్ || ౬ ||
సదానందకరీం శాంతాం సర్వదేవనమస్కృతామ్ |
సర్వభూతాత్మికాం లక్ష్మీం శాంభవీం పూజయామ్యహమ్ || ౭ ||
దుర్గమే దుస్తరే కార్యే భవదుఃఖవినాశినీమ్ |
పూజయామి సదా భక్త్యా దుర్గాం దుర్గార్తినాశినీమ్ || ౮ ||
సుందరీం స్వర్ణవర్ణాభాం సుఖసౌభాగ్యదాయినీమ్ |
సుభద్రజననీం దేవీం సుభద్రాం పూజయామ్యహమ్ || ౯ ||
ఇతి శ్రీ కుమారీ స్తోత్రం |
Click to join Bhaktinidhi on Whatsapp 
