Sudarshana Shatkam in English – Sahasraditya Sankasam
sahasrādityasaṅkāśaṁ sahasravadanaṁ prabhum |
sahasradaṁ sahasrāraṁ prapadyē:’haṁ sudarśanam || 1 ||
hasantaṁ hārakēyūra mukuṭāṅgadabhūṣaṇam |
bhūṣaṇairbhūṣitatanuṁ prapadyē:’haṁ sudarśanam || 2 ||
srākārasahitaṁ mantraṁ paṭhantaṁ śatrunigraham |
sarvarōgapraśamanaṁ prapadyē:’haṁ sudarśanam || 3 ||
raṇatkiṅkiṇijālēna rākṣasaghnaṁ mahādbhutam |
vyāptakēśaṁ virūpākṣaṁ prapadyē:’haṁ sudarśanam || 4 ||
huṅkārabhairavaṁ bhīmaṁ praṇātārtiharaṁ prabhum |
sarvapāpapraśamanaṁ prapadyē:’haṁ sudarśanam || 5 ||
phaṭkārāntamanirdēśyaṁ mahāmantrēṇa samyutam |
śubhaṁ prasannavadanaṁ prapadyē:’haṁ sudarśanam || 6 ||
ētaiḥ ṣaḍbhiḥ stutō dēvō bhagavān śrīsudarśanaḥ |
rakṣāṁ karōti sarvātmā sarvatra vijayī bhavēt || 7 ||
iti śrī sudarśana ṣaṭkam |
Click to join Bhaktinidhi on Whatsapp