Panduranga Ashtakam or Pandurangastakam is an eight verse stotram for worshipping Lord Panduranga or Vithoba. It was composed by Sri Adi Sankaracharya. Get Sri Panduranga Ashtakam in English Pdf Lyrics here and chant it for the grace of Lord Panduranga, a form of Lord Vishnu.
Panduranga Ashtakam in English
mahāyōgapīṭhē taṭē bhīmarathyā
varaṁ puṇḍarīkāya dātuṁ munīndraiḥ |
samāgatya tiṣṭhantamānandakandaṁ
parabrahmaliṅgaṁ bhajē pāṇḍuraṅgam || 1 ||
taṭidvāsasaṁ nīlamēghāvabhāsaṁ
ramāmandiraṁ sundaraṁ citprakāśam |
varaṁ tviṣṭakāyāṁ samanyastapādaṁ
parabrahmaliṅgaṁ bhajē pāṇḍuraṅgam || 2 ||
pramāṇaṁ bhavābdhēridaṁ māmakānāṁ
nitambaḥ karābhyāṁ dhr̥tō yēna tasmāt |
vidhāturvasatyai dhr̥tō nābhikōśaḥ
parabrahmaliṅgaṁ bhajē pāṇḍuraṅgam || 3 ||
sphuratkaustubhālaṅkr̥taṁ kaṇṭhadēśē
śriyā juṣṭakēyūrakaṁ śrīnivāsam |
śivaṁ śāntamīḍyaṁ varaṁ lōkapālaṁ
parabrahmaliṅgaṁ bhajē pāṇḍuraṅgam || 4 ||
śaraccandrabimbānanaṁ cāruhāsaṁ
lasatkuṇḍalākrāntagaṇḍasthalāntam |
japārāgabimbādharaṁ kañjanētraṁ
parabrahmaliṅgaṁ bhajē pāṇḍuraṅgam || 5 ||
kirīṭōjjvalatsarvadikprāntabhāgaṁ
surairarcitaṁ divyaratnairanarghaiḥ |
tribhaṅgākr̥tiṁ barhamālyāvataṁsaṁ
parabrahmaliṅgaṁ bhajē pāṇḍuraṅgam || 6 ||
vibhuṁ vēṇunādaṁ carantaṁ durantaṁ
svayaṁ līlayā gōpavēṣaṁ dadhānam |
gavāṁ br̥ndakānandadaṁ cāruhāsaṁ
parabrahmaliṅgaṁ bhajē pāṇḍuraṅgam || 7 ||
ajaṁ rukmiṇīprāṇasañjīvanaṁ taṁ
paraṁ dhāma kaivalyamēkaṁ turīyam |
prasannaṁ prapannārtihaṁ dēvadēvaṁ
parabrahmaliṅgaṁ bhajē pāṇḍuraṅgam || 8 ||
stavaṁ pāṇḍuraṅgasya vai puṇyadaṁ yē
paṭhantyēkacittēna bhaktyā ca nityam |
bhavāmbhōnidhiṁ tē:’pi tīrtvāntakālē
harērālayaṁ śāśvataṁ prāpnuvanti || 9 ||
iti śrīmatparamahaṁsa parivrājakācārya śrīmacchaṅkarabhagavatpādācārya viracitaṁ śrī pāṇḍuraṅgāṣṭakam |
