Kevalashtakam in English – Madhuram Madhurebhyopi
madhuraṁ madhurēbhyō:’pi maṅgalēbhyō:’pi maṅgalam |
pāvanaṁ pāvanēbhyō:’pi harērnāmaiva kēvalam || 1 ||
ābrahmastambaparyantaṁ sarvaṁ māyāmayaṁ jagat |
satyaṁ satyaṁ punaḥ satyaṁ harērnāmaiva kēvalam || 2 ||
sa guruḥ sa pitā cāpi sā mātā bāndhavō:’pi saḥ |
śikṣayēccēt sadā smartuṁ harērnāmaiva kēvalam || 3 ||
niḥśvāsē na hi viśvāsaḥ kadā ruddhō bhaviṣyati |
kīrtanīyamatō bālyāddharērnāmaiva kēvalam || 4 ||
hariḥ sadā vasēttatra yatra bhāgavatā janāḥ |
gāyanti bhaktibhāvēna harērnāmaiva kēvalam || 5 ||
ahō duḥkhaṁ mahāduḥkhaṁ duḥkhādduḥkhataraṁ yataḥ |
kācārthaṁ vismr̥taṁ ratnaṁ harērnāmaiva kēvalam || 6 ||
dīyatāṁ dīyatāṁ karṇō nīyatāṁ nīyatāṁ vacaḥ |
gīyatāṁ gīyatāṁ nityaṁ harērnāmaiva kēvalam || 7 ||
tr̥ṇīkr̥tya jagatsarvaṁ rājatē sakalōpari |
cidānandamayaṁ śuddhaṁ harērnāmaiva kēvalam || 8 ||
iti kēvalāṣṭakam |
Click to join Bhaktinidhi on Whatsapp