Adigo Bhadradri Lyrics in Telugu – అదిగో భద్రాద్రి
పల్లవి
అదిగో భద్రాద్రి గౌతమి ఇదిగో చూడండి ॥ అదిగో ॥
చరణములు
ముదముతో సీత ముదిత లక్ష్మణుడు
కదసి కొలువగా కలడదె రఘుపతి ॥ 1 ॥
చారు స్వర్ణ ప్రాకార గోపుర
ద్వారములతో సుందరమై యుండెడి ॥ 2 ॥
అనుపమానమై అతిసుందరమై
తనరు చక్రమది ధగ ధగ మెరిసెడి ॥ 3 ॥
కలియుగమందున నిల వైకుంఠము
నలరుచునున్నది నయముగ మ్రొక్కుడి ॥ 4 ॥
పొన్నల పొగడల పూపొద రిండ్లతొ
చెన్ను మీరగను చెలగుచునున్నది ॥ 5 ॥
శ్రీకరముగ శ్రీరామదాసుని
ప్రాకటముగ బ్రోచే ప్రభువాసము ॥ 6 ॥
Click to join Bhaktinidhi on Whatsapp 
